ا۔ب۔پ ۔۔۔۔۔ کھیل نمبر 62

[عظیم]

پھر سے نیا کھیل ۔ اب تک معلوم نہیں کتنے کھیل پرانے ہو چکے ۔

 

[محمد خلیل الرحمٰن]

تا دیر جاری رہے گا یہ کھیل۔ اس سے مفر ممکن ہی نہیں۔

 

[عظیم]

ٹھیک محترم ۔ بھاگنے والوں سے ''ہم'' بھی نہیں ۔

 

[محمد خلیل الرحمٰن]

ثانی نہیں آپ کا۔ کیا کہنے

 

[عظیم]

جانے دیجئے پہلے ہی تعریفوں کا بھٹکایا ہوا ہوں ۔

 

[محمد خلیل الرحمٰن]

چہ خوب! کہیں اپنے منہ میاں مٹھو تو نہیں بنتے رہے؟

 

[عظیم]

حاجی لیاقت علی خان سمجھ رکھا ہے کیا آپ نے ؟

 

[محمد خلیل الرحمٰن]

خوب! اب یہ حاجی لیاقت علی کون ہوئےْ

 

[عظیم]

دور کے جاننے والے ہیں ۔ شعر کہنے کا شوق رکھتے تھے کبھی کوئی ایک شعر پر داد مل جاتی تو حضرت پھولے نہیں سماتے تھے اور میری طرح چار پانچ تک بندیاں دے مارتے تھے ایک ہی نشست میں ۔

 

[محمد خلیل الرحمٰن]

ڈر نہیں لگتا تھا انہیں گندے ٹماٹروں اور گندے انڈوں سے؟

 

[عظیم]

ذرا آپ ہی بتائیے ۔ جو ڈر جائے وہ مر نہیں جاتا ؟

 

[محمد خلیل الرحمٰن]

رہنے بھی دیجیے۔ اب ایسا بھی کیا!

 

[عظیم]

زیادہ تر شاعری کی طرف توجہ دیتے تھے محترم ۔ مزے کی بات سنئے انہیں تو اس بات کا بھی علم تک نہیں تھا کہ یہ جو پڑ رہے ہیں وہ انڈے ہیں کہ ڈنڈے ٹماٹروں کے رنگ سے دھوکا کھاتے رہے ۔ کالج کے زمانے میں کسی نے ایک آدھ گلاب دے دیا ہو گا ۔ خیر وہی آپ کا فرمایا ہوا درست ہے ۔ جو ہوا سو ہوا !

 

[محمد خلیل الرحمٰن]

زچ ہوگئے آپ۔ ڑ کا جملہ تو بنایا نہیں۔ اب ژ کا جملہ بنائیں تو ہم جانیں۔

 

[عظیم]

ژ سے کوئی جملہ بنتا تو آپ پیچھے تھوڑی نہ رہتے ۔

 

[محمد خلیل الرحمٰن]

سب یونہی باتیں بناتے ہیں۔ کھیل کھیلیے صاحب

 

[عظیم]

شمشماد بھائی ہوتے تو آپ کی رپٹ درج کرا دیتا میں ۔ کوئی ثبوت ہے آپ کے پاس کے سب یونہی باتیں بناتے ہیں ؟ اگر یونہی بنانے سے باتیں بننے لگ جاتیں تو انڈے کس کم بخت نے کھانے تھے ؟

 

[محمد خلیل الرحمٰن]

صاد کرتے ہیں آپ کی بات پر۔ اللہ جانے کہاں رہ گئے شمشاد بھائی۔

 

[عظیم]

ضرور کہیں کام کے سلسلے میں مصروف ہوں گے ۔ اللہ انہیں اپنے حفظ و امان میں رکھے ۔ جب سے اُن کے طوطے اُڑے خود بھی اُڑے اُڑے سے رہتے تھے ۔

 

[محمد خلیل الرحمٰن]

طوطوں کا کیا ذکر یہاں؟