ا۔ب۔پ ۔۔۔۔۔ کھیل نمبر 62

[عظیم]

ظاہر ہے خلیل بھائی ۔ شمشماد بھائی کے ذکر سے ۔

 

[محمد خلیل الرحمٰن]

عش عش کر اٹھے ہم آپ کی باتوں پر۔ اجی کھیلنا ہو تو سامنے آئیے۔ یہ پردے کی اوٹ سے کھیلنا چہ معنی دارد؟

 

[عظیم]

غرور بنتا ہے آپ کے عش عش کرنے پر ۔ اور سوال اٹھتا ہے میرے غائب ہونے پر ۔

 

[محمد خلیل الرحمٰن]

فوراً بے پردہ ہو جائیے۔ ہم ہم ہمارا مطلب ہے چلمن کے پیچھے سے نکل آئیے۔

 

[عظیم]

قبلہ پردہ دار ہی رہنے دیجئے ۔

 

[محمد خلیل الرحمٰن]

کھیل ختم ۔ پیسا ہضم۔ ارے ہمیں کوئی اور کام بھی کرنے دیں گے یا ساری صبح یونہی اس موئے کھیل کی نظر ہوجائے گی؟

 

[محمد خلیل الرحمٰن]

گئے بھئی عظیم بھائی تو گئے۔ اب ہم بھی اپنا بوریا بستر گول کریں ۔

 

[عظیم]

لفظوں سے کھیلنے کا ہنر جانتے ہیں ہم
کٹتے ہیں کیسے ایسے سفر جانتے ہیں ہم

کدھر گئے بھائی ؟ جانے والوں میں سے ہم نہیں ۔

 

[محمد خلیل الرحمٰن]

مانا کہ آپ کھلاڑی ہیں، اناڑی نہیں، لیکن جواری تو نہیں۔ کیونکہ صرف جواری ہی نہیں جانتا کہ کب کھیل ختم کرنا ہے، کھلاڑی جانتا ہے۔

 

[عظیم]

محترم آئیے ذرا کھیلیں
آپ سے کھیل اک نیا کھیلیں

 

[عظیم]

نون سے شعر کہہ سنائیں ہم
میم کی آپ گھت بنا کھیلیں

 

[عظیم]

واؤ کو کھینچ کر پٹخ ڈالیں
دال سے اسطرح کے دا کھیلیں

 

[محمد خلیل الرحمٰن]

واہ کیاحرف نون سے کھیلے
آپ اپنے جنون سے کھیلے

 

[محمد خلیل الرحمٰن]

ہم بھی کھیلے مگر ہمارا کھیل
ہم تو بے حد سکون سے کھیلے

 

[عظیم]

یہ بھی کیا کھیل ہے کہ جب کھیلے
آپ بے حد سکون سے کھیلے

 

[عظیم]

اب کھلائیں گے آپ کو جو کھیل
اچھے اچھے یہاں نہیں کھیلے

 

[محمد خلیل الرحمٰن]

بات کرنی ہمیں نہیں مشکل
کھیل ایسے کئی، کہیں کھیلے

 

[عظیم]

پتہ پتہ سنا تو رکھا ہو
میر صاحب پڑھا تو رکھا ہو

 

[عظیم]

تاب اتنی کہاں کہ کھیلیں ہم
کھیل دنیا کھلا جو رکھا ہو

 

[محمد خلیل الرحمٰن]

تاب کس کو کہ میر کو پڑھ لے
ہوکے چھوٹا کبیر کو پڑھ لے