بس

[عیشل]

پھر اسکے بعد آنکھوں میں بس گیا وہ شخص
اگرچہ ہم نے اسے بے دلی سے دیکھا تھا

 

[عمر سیف]

جہانِ مرگِ صدا میں ایک اور سلسلہ ختم ہو گیا
کلام یعنی خُدا کا ہم سے مکالمہ ختم ہو گیا
ہمیں تو بس یہ پتا چلا تھا کہ اُونٹوں والے چلے گئے ہیں
کسی کو اس کی خبر نہیں جو معاملہ ختم ہو گیا

 

[شمشاد]

ہوا شرمِ تہی دستی سے وہ بھی سرنگوں آخر
بس اے زخمِ جگر اب دیکھ لی شورش نمک داں کی
(غالب)

 

[عمر سیف]

بس یہ کہتنا تھا ‘ مجھے تم سے محبت ہے ‘ مگر!
یہ بتانے میں مجھے کتنے زمانے لگ گئے

 

[شمشاد]

بس کہ ہے میخانہ ویراں جوں بیابانِ خراب
عکسِ چشمِ آہوئے رمخوردہ ہے داغِ شراب
(غالب)

 

[پاکستانی]

سینہ دل حسرتوں سے چھا گیا
بس ہجوم یاس جی گھبرا گیا

 

[شمشاد]

تو جو روٹھی میری پلکوں پہ نمی رہ جائے گی
زندگی بس نام ہی کی زندگی رہ جائے گی

 

[عمر سیف]

تمھارے بس میں اگر ہو تو جان لو اِن کو
کسی پہ خود کو کہاں کھولتے ہیں سناٹے

 

[شمشاد]

جس دم کہ جادہ وار ہو تارِ نفس تمام
پیمائشِ زمینِ رہِ عمر بس تمام
(غالب)

 

[عمر سیف]

چشمِ لہو بستہ سے کل رات لہو پھر ٹپکا
ہم نے جانا تھا کہ بس اب تو یہ ناسور گیا

 

[شمشاد]

تری چاہت کا یقیں کرنا مرے بس میں نہیں
آگ کے بھیس میں برسات کہاں ممکن ہے
(فاخرہ بتول)

 

[عمر سیف]

ہزار رنگ کی ظلمت میں لے گئی مجھ کو
بس ایک چراغ کی خواہش بس اک شرار کی آس

 

[شمشاد]

ہم سے تو بہت اور بھی مل جائیں گے تم کو
ہے بات بس اتنی کہ نایاب یہ دل ہے

 

[عمر سیف]

چھو لیں اسے کہ دور سے بس دیکھتے رہیں
تارے بھی رات میری طرح مخمصے میں تھے

 

[شمشاد]

کیا خوب تم نے غیر کو بوسہ نہیں دیا
بس چپ رہو، ہمارے بھی منہ میں زبان ہے
(غالب)

 

[عمر سیف]

بس وہی سرخ رُو ہوا جس نے
بحرِ خوں میں شناوری کی ہے

 

[شمشاد]

بس اِک حرفِ یقین کی آرزو میں
مَیں کتنے لفظ لکھتی جارہی ہُوں
(نوشی گیلانی)

 

[عمر سیف]

میری متاع بس یہی جادو ہے عشق کا
سیکھا ہے جس کو میں نے بڑی مشکلوں کے ساتھ

 

[شمشاد]

اے ہَوا مَیں نے تو بس اُس کا پتہ پوچھا تھا
اب کہانی تو نہ ہر بات کی بن جایا کرے
(نوشی گیلانی)

 

[عمر سیف]

بس نہیں چلتا زمانے پہ اگر
بال ہیں سر پر انہیں نوچا کریں