بس

[شمشاد]

بس بہت دیکھ لیے خواب سُہانے دن کے
اب و ہ باتوں کی رفاقت سے نہ بہلایا کرے
(نوشی گیلانی)

 

[عمر سیف]

بس ایک ُہو کا تماشا تمام سمتوں پر
مری صدا کے سفر میں سراب کیوں آیا

 

[شمشاد]

یوں تو ہر ایک سمت اندھیرا ہے اور بس
لیکن دکھائی دے رہا ہے اجالا کہیں کہیں
(امجد شہزاد)

 

[عمر سیف]

ملیں گی اپنے نصیب کی خوشیاں
بس انتظار ہے کب یہ کمال ہونا ہے

 

[شمشاد]

سانس لیتا ہوں بس اس لئے
ہے ہوا میں گھلا تیرا نام
(احمد فواد)

 

[عمر سیف]

اپنا دکھ بس اپنا دکھ ہوتا ہے
اپنے آپ سے ساری باتیں کہنا سیکھ لیا

 

[شمشاد]

بس یہی سوچ کر گلہ بھی ہے
آپ نے حالِ دل سنا بھی ہے
(احمد فواد)

 

[عمر سیف]

بس اک طرزِ رفاقت ہے نبھاتے ہیں جسے ورنہ
بہت سے دوستوں سے دوستی اچھی نہیں لگتی

 

[شمشاد]

ہم تو فانی ہیں مرجائیں گے
بس رہے گا سدا تیرا نام
(احمد فواد)

 

[عمر سیف]

ہم کو رسوا نہ کر زمانے میں
بس کے تیرا ہی راز ہیں ہم لوگ

 

[شمشاد]

جمع کر لیا غمزوں کو مگر خوبئ بزم
بس وہیں تک ہے کہ بازار نہ ہونے پائے
(شبلی)

 

[عمر سیف]

یہ کس مقام پر حیات مجھ کو لے کے آ گئی
نہ بس خوشی پہ ہے جہاں نہ غم پہ اختیار ہے

 

[شمشاد]

ٹھنڈا ساون برس رہا تھا
بس ایک ہی رُوح جاگتی تھی
بتا تو اس وقت مَیں کہاں تھا ؟
بتا تو اس وقت تو کہاں تھی ؟
(گلزار)

 

[عمر سیف]

سادگی پر اس کی مر جانے کی حسرت دل میں‌ ہے
بس نہیں چلتا کہ پھر خنجر کفِ قاتل میں ہے

 

[شمشاد]

بات بس سے نکل چلی ہے
دل کی حالت سنبھل چلی ہے
(فیض)

 

[عیشل]

بڑھا کے اس سے راہ و رسم اب یہ سوچتے ہیں
وہی بہت تھا جو رشتہ دعا سلام کا تھا
ہر ایک کے بس میں کہاں کہ سو رہے سرِ شام
یہ کام بھی تیرے آوارگان ِ شام کا تھا

 

[شمشاد]

کیا شک ہے کہ یہ دنیائے دنی اے دوست ہے بس آنی جانی
ہوتے ہیں لمحے چند مگر ہم سب کے لئے ہی لافانی
(سرور عالم راز سرور)

 

[عیشل]

بس ایک تیرے بچھڑنے کی دیر تھی
سمٹ کے آگیا لمحوں میں کرب صدیوں کا

 

[شمشاد]

نہیں معلوم کیوں یاد آگیا کوئی ہمیں سرور
یونہی بس تذکرہ نکلا تھا محفل میں قیامت کا
(سرور عالم راز سرور)

 

[نوید ملک]

بس ایک شخص کی خاطر ، بس ایک دل کیلئے
وطن کو تج دیا دیوانگی میں ، گھر کیسا