بلجیم، جرمنی اور فرانس کی سیر

[م حمزہ]

بظاہر مجسمہ نظر آنے والا حقیقت میں ایک شخص ہے جو مجسمے کا روپ دھارے طرح طرح کے پوز بنا کر راہگیروں سے کچھ سکے وصول کرتا رہتا ہے۔

امیزنگ۔ یہ تو بالکل ایک مجسمہ لگتا ہے۔

 

[عرفان سعید]

گرجے کا مرکزی محراب

 

[عرفان سعید]

مذہبی گیتوں کی سرور گاہ

 

[م حمزہ]

کیا آپ کو ایک بھی مسجد کہیں نظر نہیں آئی؟

 

[عرفان سعید]

کھڑکیوں کے نقش و نگار

 

[عرفان سعید]

کیا آپ کو ایک بھی مسجد کہیں نظر نہیں آئی؟

مسجدیں موجود ہیں۔ فرانکفرٹ میں ہی پاکستانیوں کی پانچ مسجدیں ہیں۔ البتہ مسجد کی شکل کی عمارات نہ ہونے کے برابر ہیں۔ مسجدوں کا انتظام عام طور پر کسی بلڈنگ کے ہال میں ہوتا ہے۔

 

[عرفان سعید]

فرانکفرٹ کا نام آتے ہی دنیائے سخن کی ایک ایسی بے نظیر شخصیت کا نام ذہن میں گونجنے لگتا ہے جس نےڈھائی سو سال قبل نہ صرف جرمن بلکہ عالمی ادب کے شاہکار تخلیق کیے۔ ایک ایسی ہستی کہ جرمنی کا شاید ہی کوئی ایسا شہر ہو جہاں اس شخصیت کے نام پر کوئی سڑک یا گلی موجود نہ ہو۔ ایک ایسی ہستی کہ اگر دنیا کی شاعری کی تاریخ میں چند ایسے سخن وروں کا انتخاب کیا جائے جنہوں نے فن کی بلندیوں کو چھوتے ہوئے، شعریت کی نزاکتوں کو برقرار رکھتے ہوئے، تخیل کی بلند و بالا پرواز کرتے ہوئے، اپنی شاعری کو پیغام دینے کا ذریعہ بنایا ہو، اور ان کی ایک انتہائی محدود فہرست بندی بھی کی جائے، تو اس شخصیت کو اس سے الگ کرنا ممکن نہیں رہتا۔ یہ وہی شخصیت ہے کہ جس کی ادبی عظمت کا اعتراف اقبال نے غالب کے ساتھ تقابل کرتے ہوئے ان الفاظ میں کیا ہے۔

آہ! تو اجڑی ہوئی دلّی میں آرامیدہ ہے
گلشنِ ویمر میں تیرا ہم نوا خوابیدہ ہے

میری مراد جرمنی کے نادرۂ روزگار شاعر و ادیب گوئٹے سے ہے۔ فرانکفرٹ گوئٹے کا آبائی شہر ہے اور اس کی رہائش گاہ کو ایک گوئٹے میوزیم میں بدل دیا گیا ہے۔ اگلی منزل اس عظیم شاعر کی رہائش گاہ تھی۔ سڑک پر رہنمائی کے لیے سائن بورڈ آویزاں تھے۔

 

[عرفان سعید]

گوئٹے کے گھر کی سیر سے پہلے، جرمن زبان میں گوئٹے کی ایک شاہکار تحریر کا انگریزی ترجمہ۔
گو ترجمہ ہے لیکن پڑھنے اور سراہنے کے لائق ہے۔

 

[عرفان سعید]

گوئٹے کا تعلق ایک نہایت متمول خاندان سے تھا۔ اس کا باپ ایک مشہور قانون دان اور ماں فرانکفرٹ کے مئیر کی بیٹی تھی۔ جس گھر میں گوئٹے کی دنیا میں آمد ہوئی وہ اس کی دادی نے 1733 میں خریدا تھا۔اصل عمارت 1600 میں بنے دو گھروں پر مشتمل تھی جسے اس کے باپ نے تعمیرِ نوسے ایک عمارت میں ڈھال دیا تھا۔ موجودہ عمارت اسی شکل میں موجود ہے۔ گھر کیا ہے پورا ایک محل ہے! چار منزلیں اور چودہ کمروں پر مشتمل یہ گھر گوئٹے خاندان کی مالی حیثیت بتانے کے لیے کافی ہے۔

گھر کی بیرونی عمارت

 

[عرفان سعید]

گوئٹے کے گھر سے متصل عمارت میں میوزیم کا دفتر تھا۔ جو ایک نمائش کے ہال میں لے جاتاہے۔ ہال کی دیواروں پر بے شمار پینٹنگ لگی ہوئی تھیں۔

 

[عرفان سعید]

ایک اور چھوٹے سے ہال میں جانے کا راستہ

 

[عرفان سعید]

یہیں سنگ مرمر سے تراشا ہوا گوئٹے کا مجسمہ رکھا تھا

 

[عرفان سعید]

ہال سے گزر کر گوئٹے کا گھر شروع ہو جاتا ہے۔

 

[عرفان سعید]

گھر میں داخل ہوتے ہی خود کو ایک ہال میں پاتے ہیں۔ جس میں گوئٹے خاندان کی اشیا کو محفوظ رکھا گیا ہے۔

 

[عرفان سعید]

یہ گھڑیال گوئٹے کے رشتہ داروں میں سے کسی نے میوزیم کو عطیہ کیا تھا۔

 

[عرفان سعید]

باورچی خانہ: قدیم چولہا اور استعمال کے برتن

 

[عرفان سعید]

باورچی خانے میں برتنوں کی الماریاں

 

[عرفان سعید]

برتن دھونے کی جگہ

 

[زیک]

کیا آپ کو ایک بھی مسجد کہیں نظر نہیں آئی؟

سلطنت عثمانیہ کو چھوڑ کر یورپ میں کم ہی مساجد ہیں جو دیکھنے لائق ہیں جبکہ ایسے چرچ وہاں بہت عام ہیں۔

یہاں دیکھنے اور عبادت کے لئے جانے کا فرق سمجھیں۔

 

[عرفان سعید]

کیک بنانے کے سانچے