بیت بازی سے لطف اٹھائیں (3)

[مقدس]

نہ پوچھ دل کي حقيقت مگر يہ کہتے ہيں
وہ بے قرار رہے جس نے بے قرار کيا


داغ دہلوی

 

[پپو]

ابن مریم ہوا کرے کوئی
میرے درد کی دوا کرے کوئی

 

[شمشاد]

یہ حادثات جو ہیں اضطراب کا پیغام
یہ حادثات ہی آئینگے سازگار مجھے

عزیز وارثی

 

[راجہ صاحب]

یہاں وابستگی، واں برہمی، کیا جانیے کیوں ہے؟
نہ ہم اپنی نظر سمجھے نہ ہم اُن کی ادا سمجھے


فیض احمد فیض

 

[شمشاد]

یہ چاند یہ ہوا یہ فضا، سب ہیے ماند ماند
جو تُو نہیں تو ان میں کوئی دلکشی نہیں
(بہزاد لکھنوی)

 

[راجہ صاحب]

نہ اب خودی کا پتہ ہے نہ بیخودی کا جگر
ہر ایک لطف کو لطفِ خدا نے لوٹ لیا


جگر مراد آبادی

 

[شمشاد]

آنے کو آ چکا تھا کنارہ بھی سامنے
خود اُسکے پاس میری ہی نیا گئی نہیں
(بہزاد لکھنوی)

 

[مقدس]

نظر ميں ہے تيری کبريائی، سما گئی تيری خود نمائی
اگر چہ ديکھی بہت خدائی ، مگر نہ تيرا جواب ديکھا

داغ دہلوی

 

[شمشاد]

آہ کو چاہیے اک عمر اثر ہونے تک
کون جیتا ہے تیری زلف کے سر ہونے تک
(چچا)

 

[راجہ صاحب]

کسی نے کاٹ دیا ایک درخت جنگل سے
پھر اس کے بعد بہت دیر تک ہوا نہ چلی

نامعلوم

 

[شمشاد]

یک نظر بیش نہیں فرصتِ ہستی غافل
گرمیِ بزم ہے اک رقصِ شرر ہونے تک
(چچا)

 

[راجہ صاحب]

کس کس کو بتائیں گے جدائی کا سبب ہم
تو مجھ سے خفا ہے تو زمانے کے لیے آ

نامعلوم

 

[مقدس]

الجھتے ہوئے دھویں کی فضا میں ہے اک لکیر
کیا پوچھتے ہو شمع سرِ رہ گزر کا رنگ

 

[راجہ صاحب]

گلوں میں‌رنگ بھرے بادِ نوبہار چلے
چلے بھی آؤ کہ گلشن کا کاروبار چلے

 

[مقدس]

يہ دل تو اے عشق گھر ہے تيرا، جس کو تو نے بگاڑ ڈالا
مکاں سے تالا ديکھا ، تجھي کو خانہ خراب ديکھا


داغ دہلوی

 

[راجہ صاحب]

اب نزع کا عالم ہے مجھ پر، تم اپنی محبت واپس لو
جب کشتی ڈوبنے لگتی ہے، تو بوجھ اتارا کرتے ہیں

 

[شمشاد]

کس کس کو بتائیں گے جدائی کا سبب ہم
تو مجھ سے خفا ہے تو زمانے کے لیے آ

نامعلوم

احمد فراز کی مشہور غزل ہے ، جسے مہدی حسن کے گایا ہے۔

رنجش ہی سہی دل ہی دکھانے کے لیے آ
آ پھر سے مجھے چھوڑ کے جانے کے لیے آ

پہلے سے مراسم نہ سہی پھر بھی کبھی تو
رسم و راہِ دنیا ہی نبھانے کے لیے آ

کس کس کو بتائیں گے جدائی کا سبب ہم
تُو مجھ سے خفا ہے تو زمانے کے لیے آ

کچھ تو میرے پندارِ محبت کا بھرم رکھ
تُو بھی تو کبھی مجھ کو منانے کے لیے آ

اک عمر سے ہوں لذتِ گریہ سے بھی محروم
اے راحتِ جاں مجھ کو رُلانے کے لیے آ

اب تک دلِ خوش فہم کو تجھ سے ہے اُمیدیں
یہ آخری شمع بھی بجھانے کے لیے آ

مندرجہ ذیل اشعار طالب بھاگپتی کے ہیں لیکن مہدی حسن نے اسی غزل کے ساتھ گائے ہیں۔

مانا کہ محبت کا چھپانا ہے محبت
چُپکے سے کسی روز جتانے کے لیے آ

جیسے تجھے آتے ہیں نہ آنے کے بہانے
ایسے ہی کسی روز نہ جانے کے لیے آ

 

[شمشاد]

اب نزع کا عالم ہے مجھ پر، تم اپنی محبت واپس لو
جب کشتی ڈوبنے لگتی ہے، تو بوجھ اتارا کرتے ہیں

نازکی اُس کے لب کی کیا کہئیے
پنکھڑی اِک گلاب کی سی ہے
(میر تقی میر)

 

[راجہ صاحب]

یہ بزمِ مے پرستی، حسرتِ تکلیف بے جا ہے
کہ جامِ بادہ کف بر لب بتقریبِ تقاضا ہے

غالب

 

[شمشاد]

یاد میں تیری جہاں کو بھولتا جاتا ہوں میں
بھولنے والے، کبھی تجھ کو بھی یاد آتا ہوں میں
(آغا حشر)