بیت بازی سے لطف اٹھائیں (3)

[شمشاد]

یہ بات عجیب سناتے ہو ، وہ دنیا سے بے آس ہوئے
اک نام سنا اور غش کھایا ، اک ذکر پہ آپ اداس ہوئے
(ابن انشاء)

 

[راجہ صاحب]

یہ قناعت ہے اطاعت ہے کہ چاہت ہے فراز
ہم تو راضی ہیں وہ جس حال میں جیسا رکھے

فراز

 

[شمشاد]

یاں کے سپید و سیہ میں ہم کو دخل جو ہے سو اتنا ہے
رات کو رو رو صبح کیا اور دن کو جوں توں شام کیا
(میر تقی میر)

 

[تانیہ]

اب آخری سطروں میں کہیں نام ہے اسکا
احباب کی فہرست میں پہلا تھا جو اک شخص

 

[شمشاد]

صبح کے درد کو راتوں کی جلن کو بھولیں
کس کے گھر جائیں کہ اُس وعدہ شکن کو بھولیں
(جان نثار اختر)

 

[راجہ صاحب]

نہ میں نے اُس کو خطوط لکھے نہ اُس نے میری پناہ چاہی
خود اپنی اپنی جگہ پہ ہم کو ملال کتنا عجیب سا تھا

نجم الثاقب

 

[شمشاد]

اتنے مغالطے دیئے اُمید و بیم نے
ساحل کو موج، موج کو ساحل بنا دیا
(سراج لکھنوی)

 

[راجہ صاحب]

ان کی باتوں کا ذرا سا بھی اثر مت لینا
ورنہ چہرے کے تاثر سے سمجھ جائیں گے

(کفیل آزر)

 

[شمشاد]

یوں تو ہر شام امیدوں میں گزر جاتی ہے
آج کچھ بات ہے جو شام پے رونا آیا
(شکیل بدایونی)

 

[راجہ صاحب]

ارادے جن کے پختہ ہوں نظریں جن کی خدا پر ہوں
تلاطم خیز موجوں سے وہ گھبرایا نہیں کرتے

 

[شمشاد]

یوں فکر میں ہر شخص کی خود کو نہ گھلاؤ
جینا ہے تو پھر دل کو بھی پتھر کا بناؤ
(پرویز باغی)

 

[راجہ صاحب]

ویران تو رہی نہیں خوابوں کی بستیاں
آزادیوں کے خواب مسلسل سے بس گئیں

نزہت عباسی

 

[شمشاد]

نہ راہنماؤں کی مجلس میں لے چلو مجھ کو
میں بے ادب ہوں ہنسی آ گئی تو کیا ہو گا
(احسان دانش)

 

[راجہ صاحب]

اتنا ہی کہنا ہے تم سے ممکن ہو تو آ جانا
آ ہی گئے تو رکنا ہو گا آنکھوں کے پتھرانے تک

نامعلوم

 

[زونی]

کس سے محرومیء قسمت کی شکایت کیجیئے
ہم نے چاہا تھا کہ مر جائیں سو وہ بھی نہ ہوا


غالب

 

[راجہ صاحب]

آپ کے دم سے تو دنیا کا بھرم ہے قائم
آپ جب ہیں تو ٹھکانے کی ضرورت کیا ہے

شاہد کبیر

 

[شمشاد]

یہ فکر کر کہ اس آسودگی کے دھوکے میں
تیری خودی کو بھی موت آ گئی تو کیا ہو گا
(احسان دانش)

 

[زونی]

یہ کہاں کی دوستی ھے کہ بنے ہیں دوست ناصح
کوئی چارہ ساز ہوتا کوئی غمگسار ہوتا

غالب

 

[شمشاد]

ادائے مطلبِ دل ہم سے سیکھ جائے کوئی
انہیں سُنا ہی دیا حال داستاں کی طرح
(داغ دہلوی)

 

[زونی]

اشک انکھوں میں کب نہیں آتا
لہو آتا ھے جب نہیں آتا

ہوش جاتا نہیں رہا لیکن
جب وہ آتا ھے تب نہیں آتا


میر۔