بیت بازی سے لطف اٹھائیں (3)

[شمشاد]

یہ دل کی ویرانی ہی عجب ہے، وہ بھی آخر کیا کرتے
جب دل میں ان کے رہتے بستے یہ ویرانی کم نہ ہوئی
(فانی بدایونی)

 

[مقدس]

یہ سچ ہے مجھ کو عقل نے کچھ پختگی تو دی
پر وہ مزا کہاں کہ جو نادانیوں میں تھا

 

[شمشاد]

اِن چراغوں کو تو جلنا ہے ہوا جیسی ہو
درد کی راتوں کو ڈھلنا ہے ہوا جیسی ہو
(احمد فراز)

 

[مقدس]

یہ اور بات ہے کہ افشاں نہ ہوا تجھ پہ
کتنا محسوس کیا میں نے تجھے تیرے بعد

 

[شمشاد]

دیارِ خواب کی گلیوں کا جو بھی نقشہ ہو
مکینِ شہر نہ بدلیں نظر دعا کرنا
(اعتبار ساجد)

 

[راجہ صاحب]

راجہ صاحب یہ جگر مراد آبادی کی غزل شعر ہے اور دوسرے مصرعے میں ڈوب کر کی بجائے ڈوب کےجانا ہے۔

مطلع ہے :
اک لفظ محبت کا اتنا سا فسانہ ہے
سمٹے تو دلِ عاشق ، پھیلے تو زمانہ ہے

یہ عشق نہیں آساں بس اتنا سمجھ لیجے
اک آگ کا دریا ہے اور ڈوب کے جانا ہے
- - - - - - - - - - - - - - - - - - - - - - - - - - -


یہ کس کا تصور ہے یہ کس کا فسانہ ہے
جو اشک ہے آنکھوں میں تسبیح کا دانہ ہے
(جگر مراد آبادی)

تصحیح کے لئے شکریہ

دیارِ خواب کی گلیوں کا جو بھی نقشہ ہو
مکینِ شہر نہ بدلیں نظر دعا کرنا
(اعتبار ساجد)

اے تیز ہوا میرا دھواں دیکھ کے جانا
بجھ کر بھی نشانِ رہِ منزل تو رہوں گا

 

[شمشاد]

اگلی محبتوں نے وہ نا مرادياں ديں
تازہ رفاقتوں سے دل تھا ڈرا ڈرا سا
(احمد فراز)

 

[راجہ صاحب]

اپنی پلکوں پہ جمی گرد کا حاصل مانگے
وہ مسافر ہوں جو ہر موڑ پہ منزل مانگے

محسن نقوی

 

[ادیب]

یہ جداائیوں کے رستے بڑی دور تک گے ہیں
جو گیا وپ پھر ناآیا میری بات مان جاو

 

[راجہ صاحب]

وفا کرو گے وفا کریں گے، جفا کرو گے جفا کریں گے
ہم آدمی ہیں تمہارے جیسے، جو تم کرو گے وہ ہم کریں گے

نامعلوم

 

[شمشاد]

یہ دیکھ تجھ سے وفا کی کہ بے وفائی کی
چلو میں اور کہیں مبتلا رہا سو رہا
(احمد فراز)

 

[راجہ صاحب]

اگر وہ پوچھ لیں ہم سے تمہیں کس بات کا غم ہے
تو پھر کس بات کا غم ہے، اگر وہ پوچھ لیں ہم سے

نامعلوم

 

[شمشاد]

یوں ہی موسم کی ادا دیکھ کے یاد آیا ہے
کس قدر جلد بدل جاتے ہیں انساں جاناں
(احمد فراز)

 

[راجہ صاحب]

نیند سے سب کو جو اٹھاتا ہے
سب کو اک روز وہ سلا دے گا

احمد فواد

 

[جاسم]

تم سمجھتے ہو یہ شب آپ ہی ڈھل جائے گی؟
خود ہی ابھرے گا نئی صبح کا زریں پرچم؟
شاعر: نامعلوم

 

[شمشاد]

جاسم صاحب بیت بازی کے اصول کے مطابق آپ کو تو حرف الف سے شعر دینا تھا، جبکہ آپ نے حرف ت سے شعر دیا ہے۔
- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

میں جس کو اپنی گواہی میں لے کے آیا ہوں
عجب نہیں کہ وہی آدمی عدو کا بھی ہو
(افتخار عارف)

 

[جاسم]

اوہ، سوری بھائی۔
وقت کی گردشوں کا بھروسہ ہی کیا، مطمئن ہو کے بیٹھیں نہ اہل چمن
ہم نے دیکھے ہیں ایسے بھی کچھ حادثے، کھو گئے راہنما، لٹ گئے راہزن
(عامر عثمانی)

 

[شمشاد]

نہ ترا خدا کوئی اور ہے نہ مرا خدا کوئی اور ہے
یہ جو قسمتیں ہیں جدا جدا یہ معاملہ کوئی اور ہے
(صابر ظفر)

 

[جاسم]

یہ جُدائیوں کے رستے بڑی دور تک گئے ہیں
جو گیا وہ پھر نہ آیا، میری بات مان جاو
(شاعر : نامعلوم)

 

[شمشاد]

وہ جو تیرے فقیر ہوتے ہیں
آدمی بے نظیر ہوتے ہیں
(عبد الحمید عدم)