بیت بازی سے لطف اٹھائیں (3)

[صائمہ شاہ]

نیا نیا عشق کرنے والو ھمیں سے اس کا زیاں بھی پوچھو​

بساط ہستی پہ ھم نے ہارا،کبھی سمندر،کبھی ستارہ​

​

 

[امیداورمحبت]

ہماری ہی تمنا کیوں کرو تم
تمھاری ہی تمنا کیوں کریں ہم

جون ایلیا

 

[سارہ خان]

میں تیرے ملنے کو معجزہ کہہ رہا تھا لیکن،
ترے بچھڑنے کا سانحہ بھی کمال گزرا!

(محسن نقوی)

 

[شمشاد]

ایک پتا جو شاخ سے ٹوٹا
باغ پر ہو گئی خزاں طاری
(انعام ندیم)

 

[سارہ خان]

یہ نوید اوروں کو جا سنا، ہم اسیرِ دام ہیں اے صبا
ہمیں کیا چمن ہے جو رنگ پر، ہمیں کیا جو فصلِ بہار ہے

اکبر الٰہ آبادی

 

[محمد امین]

ایک پتا جو شاخ سے ٹوٹا
باغ پر ہو گئی خزاں طاری
(انعام ندیم)

گلی کوچوں میں برگِ خشک کی طرح بکھرنا تھا
ہوا سے دوستی کا کوئی تو انجام ہونا تھا

 

[محمد امین]

میں تیرے ملنے کو معجزہ کہہ رہا تھا لیکن،
ترے بچھڑنے کا سانحہ بھی کمال گزرا!

(محسن نقوی)

سانحہ نہیں ٹلتا سانحے پہ رونے سے
حبسِ جاں نہ کم ہوگا بے لباس ہونے سے

 

[عمران شناور]

اک نہ اک روز نکل آئے گا دیوار سے در
ہم وہ خودسر ہیں کہ اب لوٹ کے جانے کے نہیں
سعداللہ شاہ

 

[شمشاد]

امین بھائی یہ بیت بازی کا دھاگہ ہے۔ آپ کن الفاظ حروف سے شعر دے رہے ہیں۔​

--------------------------------------------------------------------------​

​

نگہ شوق کا حال نہ پوچھ​

سر بسر اضطراب ہو کے رہی

(فانی بدایونی)​

​

 

[عمران شناور]

یہ معجزہ بھی دیکھا ہم نے کمالِ فن کا
چپ ہو اگر مصور تصویر بولتی ہے
سرور ارمان

 

[صائمہ شاہ]

​

اُدھر ایک حرف کہ کُشتنی، یہاں لاکھ عذر تھا گفتنی​

جو کہا تو سُن کے اُڑا دیا، جو لکھا تو پڑھ کے مٹا دیا​

​

 

[شمشاد]

صاعمہ یہ آپ کے دیئے ہوئے شعرصفحے کے دائیں طرف کیوں ہوتے ہیں، مزید یہ کہ لکھائی کی جسامت اتنی چھوٹی کیوں ہوتی ہے؟
-----------------------------------------------------------------------------------------------

​

اے درد بتا کچھ تُو ہی بتا! اب تک یہ معمہ حل نہ ہوا​

ہم میں ہے دلِ بےتاب نہاں یا آپ دلِ دلِ بےتاب ہیں ہم​

(شاد عظیم آبادی)​

 

[صائمہ شاہ]

صاعمہ یہ آپ کے دیئے ہوئے شعرصفحے کے دائیں طرف کیوں ہوتے ہیں، مزید یہ کہ لکھائی کی جسامت اتنی چھوٹی کیوں ہوتی ہے؟
-----------------------------------------------------------------------------------------------

​

اے درد بتا کچھ تُو ہی بتا! اب تک یہ معمہ حل نہ ہوا​

ہم میں ہے دلِ بےتاب نہاں یا آپ دلِ دلِ بےتاب ہیں ہم​

(شاد عظیم آبادی)​

جی پتہ نہیں میں گوگل پر اردو لکھ کر یہاں پیسٹ کرتی ہوں شائد اسی لیے

 

[عمران شناور]

صائمہ جی اور شمشاد صاحب! شعر ی سے آنا چاہیے تھا !

 

[فہیم]

مولوی ہرگز نہ باشد مولائے روم
تا غلامِ شمس تبریزی نہ شد​

​

(مولانا جلال الدین رومی)

 

[شمشاد]

جی پتہ نہیں میں گوگل پر اردو لکھ کر یہاں پیسٹ کرتی ہوں شائد اسی لیے

گوگل پر کیوں لکھتی ہیں؟ کیا اردو میں یہاں نہیں لکھا جا رہا؟

صائمہ جی اور شمشاد صاحب! شعر ی سے آنا چاہیے تھا !

معذرت کہ میں آپ کی بات سمجھ نہیں سکا۔

 

[صائمہ شاہ]

گوگل پر کیوں لکھتی ہیں؟ کیا اردو میں یہاں نہیں لکھا جا رہا؟


معذرت کہ میں آپ کی بات سمجھ نہیں سکا۔

نہیں یہاں نہیں لکھ پا رہی یہ گوگل سے بہت مختلف ہے

 

[عمران شناور]

گوگل پر کیوں لکھتی ہیں؟ کیا اردو میں یہاں نہیں لکھا جا رہا؟


معذرت کہ میں آپ کی بات سمجھ نہیں سکا۔

شمشاد صاحب میں نے شعر پوسٹ کیا جو ’ی‘ پہ ختم ہو رہا ہے۔ اصولآ اگلا شعر ’ی‘ سے ہی شروع ہونا چاہیے۔ صائمہ جی اور آپ نے اشعار ’ا‘ سے لکھے ہیں۔ یا جو جہاں سے مرضی شروع کر دے اس کے بعد اصول شروع ہو جاتا ہے۔ میں کچھ سمجھا نہیں بیت بازی کے بارے میں !

 

[شمشاد]

نہیں یہاں نہیں لکھ پا رہی یہ گوگل سے بہت مختلف ہے

ابن سعید بھائی آپ صاعمہ کی مدد کر دیں کہ وہ یہاں اردو لکھ سکیں۔

 

[شمشاد]

عمران بھائی معذرت کہ میں نے آپ کا شعر نہیں دیکھا تھا۔ صاعمہ کا دیا ہوا شعر حرف الف پر ختم ہوا تھا تو میں نے الف سے شروع ہونے والا شعر دے دیا۔
جب کئی ایک اراکین بیت بازی کے دھاگے پر موجود ہوں تو ایسی غلطی کا ہونا عام ہے۔

چلیے اب آگے چلتے ہیں۔ آپ کوئی شعر دے دیں۔