بیت بازی سے لطف اٹھائیں (3)

[سارہ خان]

یہ مسیحائی بھی کیا خوب مسیحائی ہے
چارہ گر موت کو تکمیلِ شِفا کہتے ہیں

(نواب زادہ نصراللہ خاں ناصر)

 

[شمشاد]

نازاں نہ ہو خِرد پہ جو ہونا ہےوہ ہی ہو​

دانش تری نہ کچھ مری دانشوری چلے​

(ابراہیم ذوق)​

 

[سارہ خان]

یہ کیسی بات کہی شام کے ستارے نے
کہ چَین دل کو مِرے رات بھر نہیں آیا
امجد اسلام

 

[شمشاد]

اس حسن کے سچے موتی کو ہم ديکھ سکيں پر چھو نہ سکيں ​

جسے ديکھ سکيں پر چھو نہ سکيں وہ دولت کيا وہ خزانہ کيا ​

(ابن انشاء)​

 

[مغزل]

آتے آتے آئے گا دل کو قرار
جاتے جاتے بے قراری جائے گی
ریحانہ روحی

 

[عمران شناور]

یونہی احساس کا در باز نہیں ہو جاتا
بے سبب کوئی بھی ہم راز نہیں ہو جاتا
ریحانہ روحی

 

[مغزل]

اے دل قبائے صبح کی بخیہ گری پہ خاک
یہ دیکھ اداس شام بھی دامن میں سل گئی
م۔م۔مغل
ایک غزل سے شعر

 

[شمشاد]

عمران بھائی پلے مصرعے میں لفظ 'درباز' لکھا ہے۔ اس کی تھوڑی تشریح کر دیں۔​

---------------------------------------------------​

​

​

اب تو آتا ہے یہی جی میں کہ اے محو جفا​

کچھ بھی ہو جائے مگر تری تمنّا نہ کریں​

(حسرت موہانی)​

​

 

[عمران شناور]

در = دروازہ
باز = کھلنا
شاعرہ کہنا چاہتی ہے کہ احساس کا دروازہ نہیں کھل جاتا

 

[شمشاد]

اے دل قبائے صبح کی بخیہ گری پہ خاک

یہ دیکھ اداس شام بھی دامن میں سل گئی​

م۔م۔مغل​

ایک غزل سے شعر​

​

​

محمود بھائی بہت اچھا شعر ہے۔​

------------------------------------------------------------------​

​

یہ کون ڈوب گیا اور اُبھرگیا مجھ میں ​

یہ کون سایے کی صورت گذر گیا مجھ میں ​

(رضی اختر شوق)​

 

[فہیم]

ڈھوندتا پھرتا ہوں کونے اپنے رونے کے لیے
جھانکتا پھرتا ہوں قبریں اپنے سونے کے لیے

 

[مغزل]

شکریہ شمشاد بھائی ۔۔
نزاکت اس گلِ رعنا کی کیا تجھ سے کہوں انشاء
نسیمِ صبح بھی چھولے تو اس کا رنگ ہو میلا !!!!

 

[شمشاد]

ڈھوندتا پھرتا ہوں کونے اپنے رونے کے لیے
جھانکتا پھرتا ہوں قبریں اپنے سونے کے لیے

یہ ڈال سے شعر کیونکر دے دیا، یہ بیت بازی کا دھاگہ ہے۔

 

[شمشاد]

اک لفظِ محبت کا اتنا سا فسانہ ہے​

سمٹے تو دلِ عاشق پھیلے تو زمانہ ہے​

(جگر مراد آبادی)​

 

[عمران شناور]

میں کوئی اور شعر دیکھ کر اگلا شعر لکھتا ہوں پوسٹ کرنے کے بعد پتہ چلتا ہے کوئی اور حملہ آور ہو چکا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

یہی کہا تھا مری آنکھ دیکھ سکتی ہے
تو مجھ پہ ٹوٹ پڑا سارا شہر نابینا
احمد فراز

 

[مغزل]

اچھا کیا کہ تم نے مرا خط جلادیا !!!!! !!!
ورنہ مرے حروف بہت رائیگاں نہ تھے

فی البدیہہ

 

[شمشاد]

کوئی بات نہیں، ایسا ہوتا ہی ہے۔ آپ جس شعر کے جواب میں شعر دیتے ہیں، اس کا اقتباس لے لیا کریں۔
----------------------------------------------------------------

​

آنسو تو بہت سے ہیں آنکھوں میں جگرؔ لیکن​

بندھ جائے سو موتی ہے رہ جائے سو دانہ ہے​

(جگر مراد آبادی)​

 

[عمران شناور]

اچھا کیا کہ تم نے مرا خط جلادیا !!!!! !!!
ورنہ مرے حروف بہت رائیگاں نہ تھے

فی البدیہہ

یہ خط جلا تو راکھ نے اڑ اڑ کے یوں کہا
کچھ روز قبل آپ مرے رازداں نہ تھے ؟

 

[مغزل]

یہ خط جلا تو راکھ نے اڑ اڑ کے یوں کہا
کچھ روز قبل آپ مرے رازداں نہ تھے ؟

یہ بات کس گمان میں کہ دی ہے آپ نے
’’کچھ روز قبل آپ مرے رازداں نہ تھے ؟‘‘
؟؟؟؟؟

 

[کفایت ہاشمی]

تو نے کیا دیکھا نہیں مغرب کا جمہوری نظام
چہرہ روشن، اندروں چنگیز سے تاریک تر

دیوِ استبداد جمہوری قبا میں پائے کوب
تو سمجھتا ہے یہ آزادی کی ہے نیلم پری

مجلس ملت ہو یا پرویز کا دربار ہو
ہے وہ سلطاں غیر کی کھیتی پہ ہو جس کی نظر

اس راز کو اک لردِ فرنگی نے کیا فاش
ہرچند کے دانا اسے کھولا نہیں کرتے
جمہوریت اک طرز حکومت ہے کہ جس میں
بندوں‌کو گنا کرتے ہیں تولا نہیں کرتے

اقبال رحمہ اللہ