بیت بازی سے لطف اٹھائیں (3)

[جٹ صاحب]

اُس کی آنکھوں میں محبت کا ستارا ہوگا
اک دن آئے گا وہ شخص ہمارا ہوگا

 

[عائشہ عزیز]

ایمان مجھے روکے ہے جو کھینچے ہے مجھے کفر
کعبہ میرے پیچھے ہے ، کلیسا میرے آگے

اسداللہ خان غالب

 

[جٹ صاحب]

یہ زندگی بھی عجیب ہے
کبھی خوشبو بن کر بکھر گئی، کبھی پل بھر میں گزر گئی

 

[شمشاد]

یہ زندگی بھی عجیب ہے
کبھی خوشبو بن کر بکھر گئی، کبھی پل بھر میں گزر گئی

یہ شعر اپنی سمجھ میں نہیں آیا۔ کس کا شعر ہے یہ؟

ایک مصرعہ اتنا چھوٹا اور ایک مصرعہ اتنا لمبا۔

 

[جٹ صاحب]

شاعر: نامعلوم

 

[شمشاد]

ایمان مجھے روکے ہے جو کھینچے ہے مجھے کفر
کعبہ میرے پیچھے ہے ، کلیسا میرے آگے

اسداللہ خان غالب

صحیح شعر یوں ہے :


ایماں مجھے روکے ہے، جو کھینچے ہے مجھے کفر
کعبہ مرے پیچھے ہے کلیسا مرے آگے

ایمان کی بجائے ایماں، میرے کی بجائے مرے۔

 

[شمشاد]

یہ بزمِ مے پرستی، حسرتِ تکلیف بے جا ہے
کہ جامِ بادہ کف بر لب بتقریبِ تقاضا ہے
(چچا)

 

[ناعمہ عزیز]

یوں تو جدائی کو میرا مقدر نا بناؤ محسن
کہ جب تم لوٹ کر آؤ تو میر پاس زندگی نا رہے۔

 

[راجہ صاحب]

یہ میرا حوصلہ ہے تیرے بغیر
سانس لیتا ہوں بات کرتا ہوں

وصی

 

[شمشاد]

نہ اب خودی کا پتہ ہے نہ بیخودی کا جگر
ہر ایک لطف کو لطفِ خدا نے لوٹ لیا
(جگر مراد آبادی)

 

[جٹ صاحب]

اُجالے اپنی یادوں کے ہمارے ساتھ رہنے دو
ناجانے کس گلی میں زندگی کی شام ہوجائے

 

[عائشہ عزیز]

اپنی مٹی پہ تو چلنے کا طریقہ سیکھو
سنگ مرمر پہ چلو گے تو پھسل جاؤ گے

 

[شمشاد]

یوں ہی گر روتا رہا غالب تو اے اہل جہاں
دیکھنا ان بستیوں کو تم کہ ویراں ہو گہیں
(غالب)

 

[عائشہ عزیز]

نالے بلبل کے سنوں اور ہمہ تن گوش رہوں
ہمنوا میں بھی کوئی گُل ہوں کہ خاموش رہوں۔

( شکوہ ) علامہ اقبال

 

[راجہ صاحب]

نہیں نشیمن تیرا قصر سلطانی کے گنبد پر
تو شاہین ہے بسیرا کر پہاڑوں کی چٹانوں پر؂

اقبال

 

[محمد سہیل]

راجہ صاحب پہلا مصرعہ "نہیں تیرا نشیمن" ہے نہ کہ "نہیں نشیمن تیرا"

رنجش ہی سہی دل ہی دکھانے کے لئے آ
آ پھر سے مجھے چھوڑ کے جانے کے لئے آ

 

[شمشاد]

الجھا ہے پاؤں یار کا زلفِ دراز میں
لو آپ اپنے دام میں صیّاد آ گیا
(مومن خاں مومن)

 

[محمد سہیل]

ایک تو عشق کیا،عشق بھی پھر میر سا عشق
اس پہ غالب کی سی آشفتہ بیانی لوگو۔۔

احمد فراز

 

[جٹ صاحب]

--------------------------------------------------------------------------------

وہ جو ہم میں تم میں قرار تھا، تمہیں یاد ہو کہ نہ یاد ہو
وہی وعدہ یعنی نباہ کا، تمہیں یاد ہو کہ نہ یاد ہو

 

[عائشہ عزیز]

وہی اضطرابِ فراق ہے ' وہی اشیاقِ وصال ہے
تیری جستجو میں جو حال تھا تجھے پا کے بھی وہی حال ہے