بیت بازی سے لطف اٹھائیں (4)

[چھوٹاغالبؔ]

وہ فراق اور وہ وصال کہاں
وہ شب و روز و ماہ و سال کہاں

قبلہ بڑے غالبؔ

 

[شمشاد]

​

نجانے کب تھا! کہاں تھا مگر یہ لگتا ہے​

یہ وقت پہلے بھی ہم نے کبھی گزارا ہے​

(امجد اسلام امجد)​

 

[عمر سیف]

یہ محبّت کی کہانی نہیں مرتی لیکن
لوگ کردار نبھاتے ہوئے مر جاتے ہیں

 

[شمشاد]

نہ لکھ پایا ترے دل میں اگر تحریرِ غم اپنی​

تری ماتھے پہ اک گہری شکن ہی کھینچ دوں گا میں​

(انور شعور)​

 

[عمر سیف]

نجانے کس لئے سیکھا طریقہ یہ ہواؤں نے
میرے کمرے میں سناٹے زبردستی بھرا کرنا

 

[شمشاد]

اعلانِ ترکِ بادہ گساری کے باوجود
پینا ہی لازمی ہو تو چھپ کر پیا کریں
(انور شعور)

 

[چھوٹاغالبؔ]

ناداں ہو ، ج کہتے ہو کہ، "کیوں جیتے ہیں، غالبؔ!"
قسمت میں ہے ، مرنے کی تمنا ، کوئی دن اور

 

[شمشاد]

خود ساختہ شعر کے جواب میں :


رفو گروں نے عجب طبع آزمائی کی
رہی سرے سے نہ گُنجائشِ رفو مجھ میں
(انور شعور)

 

[مہ جبین]

نہیں بہار کو فرصت نہ ہو بہار تو ہے
طراوتِ چمن و خوبیِ ادا کہئے۔۔۔۔!
غالب

 

[شمشاد]

یہ خود کو دیکھتے رہنے کی ہے جو خُو مجھ میں
چُھپا ہوا ہے کہیں وہ شگفتہ رو مجھ میں
(انور شعور)

 

[عمر سیف]

نصب کریں محرابِ تمنا ، دیدہ و دل کو فرش کریں
سنتے ہیں وہ کوئے وفا میں آج کریں گے نزول میاں

 

[شمشاد]

​

نہ وہ دل ہے، نہ ہے وہ دیدہء معنی مگر باقی​

بزرگوں کی خصائل کا نہیں ہم میں اثر باقی​

(محروم)​

 

[عمر سیف]

یار بھی راہ کی دیوار سمجھتے ہیں مجھے
میں سمجھتا تھا میرے یار سمجھتے ہیں مجھے
میں تو یوں چپ ہوں کہ اندر سے بہت خالی ہوں
اور یہ لوگ پر اسرار سمجھتے ہیں مجھے

 

[شمشاد]

یہ مسائل تصوف یہ تیرا بیان غالب
تجھے ہم ولی سمجھتے جو نہ بادہ خوار ہوتا
(چچا)

 

[عمر سیف]

اب کہاں وہ پہلی سی فرصتیں مُیسر ہیں
سارا دن سفر کرنا، ساری رات غم کرنا

 

[شمشاد]

​

اس کا لشکر جہاں تہاں یعنی​

ہم بھی بس بے کمک گئے ہوں گے​

(جون ایلیا)​

 

[عمر سیف]

یاد ہے اب تک تجھ سے بچھڑنے کی وہ اندھیری شام مجھے
تو خاموش کھڑا تھا لیکن باتیں کرتاتھا کاجل

 

[شمشاد]

​

لوگ ٹوٹ جاتے ہیں ایک گھر بنانے میں​

تم ترس نہیں کھاتے بستیاں جلانے میں​

(بشیر بدر)​

 

[سید زبیر]

بیت بازی کا نیا دھاگہ

تہمت چند اپنے ذمے دھر چلے
کس لئے آئے تھے ہم کیا کر چلے
(خواجہ میر درد)

یہ ضدی لوگ ہیں ان سے وفا کی رکھ امید
جفا گزیدہ ، مکرر جفا خریدیں گے
سید زبیر

 

[عمر سیف]

یہ ضدی لوگ ہیں ان سے وفا کی رکھ امید
جفا گزیدہ ، مکرر جفا خریدیں گے
سید زبیر

انہوں نے شاید پہلا صفحہ کھول لیا ۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لوگ ٹوٹ جاتے ہیں ایک گھر بنانے میں
تم ترس نہیں کھاتے بستیاں جلانے میں
(بشیر بدر)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نہیں ملتے ہو تم ہم سے، تو سب ہمدرد ہیں میرے
زمانہ ہم سے جل جائے، اگر تم ملنے آ جاؤ ۔۔