بیت بازی سے لطف اٹھائیں (4)

[چھوٹاغالبؔ]

دیا ہے خلق کو بھی تا اسے نظر نہ لگے
بنا ہے عیش تجمل حسین خاں کے لیے

قبلہ استادِ محترم

 

[شمشاد]

یہ ہے آپ کی نوازش کہ ادھر ہےآپ کا رخ
نہ تھی مجھ میں‌کوئی خوبی جو امیدوار ہوتا
(سید معین الدین شاہ مشتاق)

 

[عمر سیف]

احساس اگر ہو تو محبت پھولے پھلے گی
دستور محبت کے سکھائے نہیں جاتے

 

[شمشاد]

​

یہی احساس کافی ہے کہ کیا تھا اور اب کیا ہوں​

مجھے بالکل نہیں تشویش آگے کیا بنوں گا میں​

(انور شعور)​

 

[عمر سیف]

نظر نہ آئے تو کیا میرے قیاس میں ہے
وہ ایک جھوٹ جو سچائی کے لباس میں ہے

 

[شمشاد]

یہ کس مقام پہ سوجھی تجھے بچھڑنے کی​

کہ اب تو جا کہ کہیں دن سنورنے والے تھے​

(جمال احسانی)​

 

[فرحت کیانی]

یہ جو رات دن کا ہے کھیل سا، اسے دیکھ اس پر یقیں نہ کر
نہیں عکس کوئی بھی مستقل سرِ آئینہ اُسے بھول جا!

 

[شمشاد]

​

اپنے حصّے کی سیاہی دے بھی دے اے شامِ غم​

لکھ ہی ڈالوں آج میں اپنے سیہ خانے کا حال​

(نجم ندوی)​

 

[عمر سیف]

لائی حیات آئے قضا لے چلی چلے
نہ اپنی خوشی آئے نہ اپنی خوشی چلے

 

[غ۔ن۔غ]

یہ نہ جانا تھا کہ اس محفل میں دل رہ جائے گا
ہم یہ سمجھے تھے چلے آئیں گے دم بھر دیکھ کر

 

[چھوٹاغالبؔ]

رگِ سنگ سے ٹپکتا وہ لہو، کہ پھر نہ تھمتا
جسے غم سمجھ رہے ہو، یہ اگر شرار ہوتا

قبلہ غالبِ اعظم

 

[غ۔ن۔غ]

اداسی بھی عدم احساسِ غم کی ایک دولت ہے​

بِسا اوقات ویرانے حسیں معلوم ہوتے ہیں​

 

[شمشاد]

لائی حیات آئے قضا لے چلی چلے
نہ اپنی خوشی آئے نہ اپنی خوشی چلے

دوسرے مصرعے کے شروع میں "نہ" نہیں ہے۔

"اپنی خوشی آئے نہ اپنی خوشی چلے"

 

[شمشاد]

اداسی بھی عدم احساسِ غم کی ایک دولت ہے​

بِسا اوقات ویرانے حسیں معلوم ہوتے ہیں​

نازشِ ایامِ خاکستر نشینی، کیا کہوں
پہلوئے اندیشہ، وقفِ بسترِ سنجاب تھا
(چچا)

 

[چھوٹاغالبؔ]

اک خونچکاں کفن میں کروڑوں بناؤ ہیں
پڑتی ہے آنکھ تیرے شہیدوں پہ حور کی

قبلہ غالبِؔ اعظم

 

[شمشاد]

​

یا رب، زمانہ مجھ کو مٹاتا ہے کس لیے؟​

لوحِ جہاں پہ حرفِ مکرّر نہیں ہُوں میں​

(چچا)​

 

[غ۔ن۔غ]

نہ پوچھ عالمِ برگشتہ طالعی آتشؔ​

برستی آگ، جو باراں کی آرزو کرتے​

 

[شمشاد]

یہیں تک نہیں عشق کی سیر گاہیں​

مہ و انجم و کہکشاں اور بھی ہیں​

(جگر مراد آبادی)​

 

[غ۔ن۔غ]

نالۂ بُلبُلِ شیدا تو سُنا ہنس ہنس کے ​

اب جِگر تھام کے بیٹھو مری باری آئی​

 

[شمشاد]

یہ تو بجا کہ ذوقِ سفر ہے ثبوتِ زیست​

اس دشت میں سموم و صبا دیکھ کر چلو​

(احسان دانش)​