بیت بازی سے لطف اٹھائیں (5)

[شمشاد]

یہ ہی ہے آزمانا تو ستانا کس کو کہتے ہیں
عدو کے ہو لیے جب تم تو میرا امتحاں کیوں ہو
(چچا)

 

[مقدس]

وصال میں بھی وہی ہے فراق کا عالم​

کہ اس کو نیند مجھے رت جگے کی عادت ہے​

 

[محمد بلال اعظم]

یہ کیا کہ ایک طور سے گزرے تمام عمر
دل چاہتا ہے اب کوئی ترے سوا بھی ہو
ناصر کاظمی

 

[مقدس]

وہ آئیں گھر میں ہمارے خدا کی قدرت ہے​

کبھی ہم ان کو کبھی اپنے گھر کو دیکھتے ہیں​

 

[تبسم]

نفس مضمون بناتے ہیں ، بدل دیتے ہیں​

کتنے عنوان سجاتے ہیں ، بدل دیتے ہیں​

تیرے آنے کی خبر سنتے ہی ، گھر کی چیزیں​

کبھی رکھتے ہیں ، اٹھاتے ہیں، بدل دیتے ہیں​

 

[محمد بلال اعظم]

نیرنگئ سیاستِ دوراں تو دیکھئے
منزل اُنہیں ملی جو شریکِ سفر نہ تھے
محسن بھوپالی

 

[محمداحمد]

لگتا ہے 'لوگوں' نے بیت بازی مقابلے کے لئے مشقیں شروع کر دی ہیں۔

 

[محمداحمد]

یہی ہوا، یہی بے مہر و بے لحاظ ہوا​

یہی نہ ہو تو چراغوں میں روشنی بھی نہ ہو​

​

افتخار عارف​

 

[محمد بلال اعظم]

وہ آئے گھر میں ہمارے خدا کی قدرت ہے
کبھی ہم اُن کو، کبھی اپنے گھر کو دیکھتے ہیں

 

[محمداحمد]

نہ دیکھا جان کر اُس نے کوئی سبب ہوگا ​

اسی خیال سے ہم دل بُرا نہیں کرتے​

 

[محمد بلال اعظم]

یہ ہُجومِ شہرِ ستمگراں نہ سُنے گا تیری صدا کبھی،​

مری حسرتوں کو سُخن سُنا مری خواہشوں سے خطاب کر​

محسن نقوی​

 

[محمداحمد]

رات کے خواب سنائیں کس کو رات کے خواب سہانے تھے​

دھندلے دھندلے چہرے تھے پر سب جانے پہچانے تھے​

 

[محمد بلال اعظم]

یہ مجھے چین کیوں نہیں پڑتا​

ایک ہی شخص تھا جہان میں کیا​

​

جون ایلیا​

 

[محمداحمد]

اچھا خاصا بیٹھے بٹھائے گم ہو جاتا ہوں​

اب میں اکثر میں نہیں رہتا تم ہو جاتا ہوں​

 

[محمد بلال اعظم]

نظر پر بار ہو جاتے ہیں منظر​

جہاں رہیو وہاں اکثر نہ رہیو​

​

جون ایلیا​

 

[محمداحمد]

ورنہ سقراط مر گیا ہوتا​

اُس پیالے میں زہر تھا ہی نہیں​

​

لیاقت علی عاصم​

 

[مقدس]

نظر ان کی زباں ان کی کسے میں معتبر سمجھوں
نظر کچھ اور کہتی زبا ں کچھ اور کہتی ہے

 

[محمداحمد]

یہ کیا کہ اک جہاں کو کرو وقفِ اضطراب​

یہ کیا کہ ایک دل کو شکیبا نہ کر سکو​

​

صوفی غلام مصطفیٰ تبسم​

 

[مقدس]

وہ قطرہ قطرہ سحر آنکھ میں طلوع تو ہو
اے ماہِ شب، نم شبنم میں مجھ کو ڈھلنے دے

"و" کے شعر نہ دیں ناں۔۔۔ اتنی مشکل سے ملتے ہیں مجھے ہی ہی ہی

 

[محمداحمد]

یاد تو ہوں گی تمھیں اب بھی وہ باتیں لیکن ​

شیلف میں رکھی ہوئی بند کتابوں کی طرح​

"ی" کے شعر نہ دیں ناں۔۔۔ ​