بیت بازی سے لطف اٹھائیں (5)

[شمشاد]

اتنا شرمندہ نہ کر اپنے گنہگاروں کو​

اے خدا تُو بھی رہا ہے مری خواہش میں شریک​

احمد فراز​

کبھی اے حقیقتِ منتظر نظر آ لباس مجاز میں
کہ ہزاروں سجدے تڑپ رہے ہیں میں جبینِ نیاز میں
(علامہ)

 

[محمد بلال اعظم]

کبھی اے حقیقتِ منتظر نظر آ لباس مجاز میں

کہ ہزاروں سجدے تڑپ رہے ہیں میں جبینِ نیاز میں​

(علامہ)​

​

​

نہ حریفِ جاں نہ شریکِ غم شبِ انتظار کوئی تو ہو​

کسے بزمِ شوق میں لائیں ہم دلِ بے قرار کوئی تو ہو​

احمد فراز​

 

[شمشاد]

وہ جس کے شانے پہ ہاتھ رکھ کر سفر کیا تونے منزلوں کا
تیری گلی سے نہ جانے کیوں آج سر جھکائے گزر گیا وہ
(ناصر کاظمی)

 

[محمد بلال اعظم]

وہ جس کے شانے پہ ہاتھ رکھ کر سفر کیا تونے منزلوں کا
تیری گلی سے نہ جانے کیوں آج سر جھکائے گزر گیا وہ
(ناصر کاظمی)

یہی آوارگیِ دل ہے تو منزل معلوم​

جو بھی آئے تری باتوں میں لگا لے جائے​

احمد فراز

 

[شمشاد]

بلال بھائی اقتباس لینے کے باوجود غلط حرف سے شعر دے دیا۔

 

[شمشاد]

یہی آوارگیِ دل ہے تو منزل معلوم​

جو بھی آئے تری باتوں میں لگا لے جائے​

احمد فراز

یہیں تک نہیں عشق کی سیر گاہیں​

مہ و انجم و کہکشاں اور بھی ہیں
(جگر مراد آبادی)

 

[محمداحمد]

نیرنگیء سیاستِ دوراں تو دیکھیے ​

منزل اُنہیں ملی جو شریکِ سفر نہ تھے​

 

[مقدس]

یہ آرزو بھی بڑی چیز ہے مگر ہمدم
وصال یار فقط آرزو کی بات نہیں

 

[شمشاد]

نہیں منحصر کچھ مے و مے کدہ تک​

مری تشنہ سامانیاں اور بھی ہیں
(جگر مراد آبادی)

 

[مقدس]

نہاں ہو ذہن میں وجدان کا دُھواں بن کر
افق پہ منزلِ ادراک کا نشاں بھی تمہی

 

[محمداحمد]

یادوں کی جڑیں پھوٹ ہی پڑتی ہیں کہیں سے ​

دل سوکھ بھی جاتا ہے تو بنجر نہیں ہوتا​

 

[مقدس]

اب دور تک نہیں کسی آہٹ کی نغمگی
مایوس ہو چلی ہے مری شام انتظار

 

[محمداحمد]

رات یوں دل میں تری کھوئی ہوئی یاد آئی​

جیسے ویرانے میں چپکے سے بہار آ جائے​

جیسے صحراؤں میں ہولے سے چلے بادِ نسیم​

جیسے دیوانے کو بے وجہ قرار آ جائے​

 

[محمد بلال اعظم]

یہ تیرے خط تیری خوشبو یہ تیری خواب و خیال​

متاعِ جاں ہیں ترے قول و قسم کی طرح​

گزشتہ سال انہیں میں نے گِن کے رکھا تھا​

کسی غریب کی جوڑی ہوئی رقم کی طرح​

جون ایلیا

 

[شمشاد]

حرص وہوس کو ہم نے بنایا نہیں شعار​

اور اپنا اعتبار گنوایا نہیں کبھی
(تسنیم کوثر)

 

[وسیبی]

حرص وہوس کو ہم نے بنایا نہیں شعار​

اور اپنا اعتبار گنوایا نہیں کبھی
(تسنیم کوثر)

یہ کم ہے کیا کہ ہے محسن مصاحبِ غالب
وگرنہ شاعروں میں اس کی آبرو کیا ہے

 

[شمشاد]

یہ ٹھیک ہے کہ ستاروں پہ گھوم آئے ہیں
مگر کسے ہے سلیقہ زمیں پہ چلنے کا
(جان نثار اختر)

 

[بھلکڑ]

خودی کو کر بلند اتنا کہ ہر تقدیر سے پہلے
خدا بندے سے خود پوچھے بتا تیری رضا کیا ہے​

 

[شمشاد]

خودی کو کر بلند اتنا کہ ہر تقدیر سے پہلے​

خدا بندے سے خود پوچھے بتا تیری رضا کیا ہے​

بھائی جی یہ بیت بازی کا دھاگا ہے۔ اور بیت بازی کا اصول یہ ہے کہ دیئے گئے شعر کے آخری حرف سے شعر دینا ہوتا ہے۔

 

[بھلکڑ]

پڑھنے میں غلطی ہو گئی تھی جناب۔یہ لیجئیے​

​

اب دل میں کیا رہا تیری یاد ہو تو ہو​

یہ گھر اسی چراغ سے آباد ہو تو ہو​