بیت بازی سے لطف اٹھائیں (5)

[سیما علی]

نہیں نگاہ میں منزل تو جستجو ہی سہی
نہیں وصال میسر تو آرزو ہی سہی!!!
.
فیض احمد فیض

 

[شمشاد]

یہ آرزو بھی بڑی چیز ہے مگر ہم دم
وصال یار فقط آرزو کی بات نہیں
(فیض احمد فیض)

 

[سیما علی]

یاد رکھو تو دل کے پاس ہیں، ہم
بھول جاﺅ تو فاصلے ہیں بہت!!!!

عدم

 

[شمشاد]

تیرے قول و قرار سے پہلے
اپنے کچھ اور بھی سہارے تھے
(فیض احمد فیض)

 

[سیما علی]

نیند آ جائے تو کیا محفلیں برپا دیکھوں!!!!!
آنکھ کھل جائے تو تنہائی کا صحرا دیکھوں

پروین شاکر

 

[سیما علی]

یہ عہد ہے کیسا عہد کہ ہم زندہ بھی نہیں مرتے بھی نہیں
کشکول بدست ہم پھرتے ہیں دنیا میں نہیں توقیر تو کیا!!!!

محسن احسان

 

[شمشاد]

اک فرصت گناہ ملی وہ بھی چار دن
دیکھے ہیں ہم نے حوصلے پروردگار کے
(فیض احمد فیض)

 

[سیما علی]

یہ علم وفضل، یہ ایمان وآگہی کے چراغ
انہیں کے فیض سے روشن ہیں زندگی کے چراغ
یہ ظلم وجور کی ظلمت سے کہہ دیا جائے
جلا رہا ہوں میں اب امن وآشتی کے چراغ

(فرید ندوی)

 

[سیما علی]

غضب کیا، تیرے وعدے پہ اعتبار کیا
تمام رات قیامت کا انتظار کیا۔۔۔۔
(داغ دہلوی)

 

[شمشاد]

اور بھی دکھ ہیں زمانے میں محبت کے سوا
راحتیں اور بھی ہیں وصل کی راحت کے سوا
(فیض احمد فیض)

 

[سیما علی]

اب ہے اپنا سامنا درپیش!!
ہر کسی سے گزر گیا ہوں میں

جون ایلیا

 

[شمشاد]

نہ گل کھلے ہیں نہ ان سے ملے نہ مے پی ہے
عجیب رنگ میں اب کے بہار گزری ہے
(فیض احمد فیض)

 

[سیما علی]

یہ کیا قیامت ہے باغبانوں کے جن کی خاطر بہار آئی
وہی شگوفے کھٹک رہے ہیں تمھاری آنکھوں میں خار بن کر
ساغر صدیقی

 

[سیما علی]

رات جب پھول کے رخسار پہ دھیرے سے جھکی
چاند نے جھک کے کہا اور ذرا آہستہ!!!!!!!!!!!!!
.
پروین شاکر

 

[شمشاد]

رات جب پھول کے رخسار پہ دھیرے سے جھکی
چاند نے جھکے کے کہا اور ذرا آہستہ!!!!!!!!!!!!!
.
پروین شاکر

دوسرے مصرعے کی املاء میں کچھ گڑبڑ لگ رہی ہے۔

یہ اسطرح ہونا چاہیے :

چاند نے جھک کے کہا اور ذرا آہستہ

آپ نے جھک کی جگہ جھکے لکھ دیا ہے۔

 

[شمشاد]

ہم کو معلوم ہے جنت کی حقیقت لیکن
دل کے خوش رکھنے کو غالبؔ یہ خیال اچھا ہے
(چچا)

 

[سیما علی]

دوسرے مصرعے کی املاء میں کچھ گڑبڑ لگ رہی ہے۔

جی درست لکھنے میں غلطی ہوئی جکھ کہ ہے شائد

 

[سیما علی]

یہ سانحہ بھی محبت میں بارہا گزرا۔۔۔۔۔
کہ اس نے حال بھی پوچھا تو آنکھ بھر آئی

ناصر کاظمی

 

[سیما علی]

یارانِ جان و دل کو کوئی جمع پھر کرے
جو بھی ہو جس کا حال، سنایا کرے کوئی

عبید اللہ علیم

 

[سیما علی]

یارب ہے بخش دینا بندے کو کام تیرا
محروم رہ نہ جائے کل یہ غلام تیرا۔۔۔۔
جب تک ہے دل بغل میں ہر دم ہو یاد تیری
جب تک زباں ہے منہ میں‌جاری ہو نام تیرا

داغ دہلوی