بیت بازی سے لطف اٹھائیں (5)

[سیما علی]

اس حسن کا شیوہ ہے جب عشق نظر آئے
پردے میں چلے جانا ، شرمائے ہوئے رہنا،،
منیر نیازی

 

[شمشاد]

رات جب پھول کے رخسار پہ دھیرے سے جھکی
چاند نے جکھ کے کہا اور ذرا آہستہ!!!!!!!!!!!!!
.
پروین شاکر

سیما آپی "جکھ" نہیں "جھک" ہے۔ پھر سے تدوین کریں۔

 

[شمشاد]

اس حسن کا شیوہ ہے جب عشق نظر آئے
پردے میں چلے جانا ، شرمائے ہوئے رہنا،،
منیر نیازی

اپنے چہرے سے جو ظاہر ہے چھپائیں کیسے
تیری مرضی کے مطابق نظر آئیں کیسے
وسیم بریلوی

 

[سیما علی]

سیما آپی "جکھ" نہیں "جھک" ہے۔ پھر سے تدوین کریں۔

بالکل ٹھیک بڑھاپا آہی گیا ہے

 

[سیما علی]

اپنے چہرے سے جو ظاہر ہے چھپائیں کیسے
تیری مرضی کے مطابق نظر آئیں کیسے
وسیم بریلوی

واہ واہ

 

[سیما علی]

یہاں کسی کو بھی کچھ حسبِ آرزو نہ ملا
کسی کو ہم نہ ملے اور ہم کو تو نہ ملا۔۔۔

ظفرؔ اقبال

 

[شمشاد]

اپنے چہرے سے جو ظاہر ہے چھپائیں کیسے
تیری مرضی کے مطابق نظر آئیں کیسے
وسیم بریلوی

واہ واہ

سیما آپی یہ میں نے تصویری شاعری والے زمرے میں بھی لگائی تھی۔
یہاں دیکھیں

 

[شمشاد]

یہاں کسی کو بھی کچھ حسبِ آرزو نہ ملا
کسی کو ہم نہ ملے اور ہم کو تو نہ ملا۔۔۔

ظفرؔ اقبال

اس کی یاد آئی ہے سانسو ذرا آہستہ چلو
دھڑکنوں سے بھی عبادت میں خلل پڑتا ہے
(راحت اندوری)

 

[سیما علی]

اب کسی آنکھ کا جادو نہیں چلتا مجھ پر
وہ نظر بھول گئی ہے مجھے پتھر کر کے

جمال احسانی

 

[سیما علی]

یہ مسائلِ تصوّف، یہ ترا بیان غالب
تجھے ہم ولی سمجھتے جو نہ بادہ خوار ہوتا

غالب

 

[سیما علی]

یا رب غم ہجراں میں ، اتنا تو کیا ہوتا
جو ہاتھ جگر پر ہے ، وہ دست دعا ہوتا

حسرت موہانی

 

[شمشاد]

یا رب غم ہجراں میں ، اتنا تو کیا ہوتا
جو ہاتھ جگر پر ہے ، وہ دست دعا ہوتا

حسرت موہانی

ایک مدت سے تری یاد بھی آئی نہ ہمیں
اور ہم بھول گئے ہوں تجھے ایسا بھی نہیں
(فراق گورکھپوری)

 

[سیما علی]

نہ وہ مِلتا ہے نہ مِلنے کا اِشارہ کوئی
کیسے اُمّید کا چمکے گا سِتارہ کوئی۔۔
حد سے زیادہ، نہ کسی سے بھی محبّت کرنا
جان لیتا ہے سدا، جان سے پیارا کوئی۔۔

محسؔن نقوی

 

[شمشاد]

حد سے زیادہ، نہ کسی سے بھی محبّت کرنا
جان لیتا ہے سدا، جان سے پیارا کوئی۔۔

واہ واہ، کیا بات ہے محسن نقویؔ کی۔

 

[شمشاد]

یہ نہ تھی ہماری قسمت کہ وصال یار ہوتا
اگر اور جیتے رہتے یہی انتظار ہوتا
(چچا)

 

[سیما علی]

یہ نہ تھی ہماری قسمت کہ وصال یار ہوتا
اگر اور جیتے رہتے یہی انتظار ہوتا
(چچا)

اس زمین میں اس سے خوب صورت کوئی شعر مجھے نہیں لگتا۔۔۔۔۔

 

[شمشاد]

اس زمین میں اس سے خوب صورت کوئی شعر مجھے نہیں لگتا۔۔۔۔۔

گو کہ فراق گورکھپوری نے کہا تھا :

ترا وصال بڑی چیز ہے مگر اے دوست
وصال کو مری دنیائے آرزو نہ بنا

لیکن "چچا" کی بات ہی کچھ اور ہے۔

 

[مومن فرحین]

اے فلکِ ناز میری خاک نشانی تیری
میں نے مٹی پہ تیرا نام لکھا تیرے بعد

محسن

 

[شمشاد]

دل ہجر کے درد سے بوجھل ہے اب آن ملو تو بہتر ہو
اس بات سے ہم کو کیا مطلب یہ کیسے ہو یہ کیوں کر ہو
ابن انشا

 

[سیما علی]

دل ہجر کے درد سے بوجھل ہے اب آن ملو تو بہتر ہو
اس بات سے ہم کو کیا مطلب یہ کیسے ہو یہ کیوں کر ہو
ابن انشا

واہ کیا بات ہے۔ ابنِ انشاء کی نثر اور نظم دونوں ہی لاجواب ہے ۔۔۔۔