بیت بازی سے لطف اٹھائیں (5)

[سیما علی]

ھر زمانے میں ھمارا ذکر ھے اب روشنی
فکرحر(ع) جس کو کہیں وہ فکر ھے اب روشنی

ارم نقوی

 

[سیما علی]

یا الہی خامہ جاں سے ارم نے ھے لکھا
حمد و نعت و منقبت اور تذکرہ کربلا

ارم نقوی

 

[شمشاد]

الجھ کے رہ گئے چہرے مری نگاہوں میں
کچھ اتنی تیزی سے بدلے تھے ان کی بات کے رنگ
(فاطمہ حسن)

 

[سیما علی]

گرہ سے کچھ نہیں جاتا، پی بھی لے زاہد
ملے جو مفت تو قاضی کو بھی حرام نہیں
امیر مینائی

 

[شمشاد]

نہ شعلہ میں یہ کرشمہ نہ برق میں یہ ادا
کوئی بتاؤ کہ وہ شوخ تند خو کیا ہے
(چچا)

 

[سیما علی]

یاد کے ابَر سے آنکھیں مری بھیگی ہیں عدیم
اِک دھندلکا سا ہے ،بھیگی تو نہیں شام ابھی

 

[سیما علی]

یہ رہِ روزگار بھی کیا ہے
ایسے بچھڑے کہ پھر خبر نہ ہوئی
شاعر یاد نہیں

 

[سیما علی]

یہ ہم جو ہجر میں دیوار و در کو دیکھتے ہیں
کبھی صبا کو کبھی نامہ بر کو دیکھتے ہیں
اسد اللہ خان غالب

 

[سیما علی]

نظروں پہ ستم دل پہ جفا ہو کر رہے گی
ہے جرم محبت تو سزا ہو کر رہے گی
(شکیل بدایونی)

 

[سیما علی]

یار کو ہم نے جابجا دیکھا
کہیں ظاہر کہیں چھپا دیکھا

شاہ نیاز بریلوی

 

[سیما علی]

اس کی سخن طرازیاں میرے لیے بھی ڈھال تھیں
اس کی ہنسی میں چھپ گیا اپنے غموں کا حال بھی
پروین شاکر

 

[شمشاد]

یاں کے سپید و سیہ میں ہم کو دخل جو ہے سو اتنا ہے
رات کو رو رو صبح کیا یا دن کو جوں توں شام کیا
(میر تقی میر)

 

[سیما علی]

یارب کسی کے رازِ محبت کی خیر ہو
دستِ جنوں رہے نہ رہے، آستیں رہے

جگر مرادآبادی

 

[سیما علی]

اِیمان و کُفر اور نہ دُنیا و دِیں رہے
اے عِشق شاد باش کہ تنہا ہمِیں رہے
جگر مرادآبادی

 

[سیما علی]

یوں بھی نہیں کہ پاس ہے میرے وہ ہم نفس
یہ بھی غلط کے مجھ سے جدا ہو گیا وہ شخص

رشید قیصرانی

 

[سیما علی]

صرف دِن ڈھلنے پہ موقوف نہیں ہے "محسن"
زندگی زُلف کے سائے میں بھی شب کرتی ہے

محسن نقوی

 

[سیما علی]

یارب ہے بخش دینا بندے کو کام تیرا
محروم رہ نہ جائے کل یہ غلام تیرا
جب تک ہے دل بغل میں ہر دم ہو یاد تیری
جب تک زباں ہے منہ میں‌جاری ہو نام تیرا

داغ دہلوی

 

[سیما علی]

اب شوق سے بگاڑ کی باتیں کیا کرو
کچھ پا گئے ہیں اپ کے طرزِ بیاں سے ہم
الطاف حسین حالی

 

[سیما علی]

مدعی لاکھ برا چاہے تو کیا ہوتا ہے
وہی ہوتا ہے جو منظورِ خدا ہوتا ہے

برق لکھنوی

 

[سیما علی]

یہی فرماتے رہے تیغ سے پھیلا اسلام
یہ نہ ارشاد ہوا توپ سے کیا پھیلا ہے

اکبر الہٰ آبادی