بیت بازی سے لطف اٹھائیں (5)

[سیما علی]

رعنائی خیال کو ٹھہرا دیا گناہ
واعظ بھی کس قدر ہے مذاق سخن سے دور
حسرت موہانی

 

[سیما علی]

رسمِ وفا کدھر گئی، تیری ادا کو کیا ہوا
شہر تو ہے وہی مگر آب و ہوا کو کیا ہوا
(لطیف ساحل)

 

[سیما علی]

اے ابرِ خاص، ہم پہ برسنے کا اب خیال
جل کر تِرے فراق میں جَب راکھ ہو گئے

پروین شاکر

 

[شمشاد]

یار کے رخ نے کبھی اتنا نہ حیراں کیا
فکر سر زلف نے جیسا پریشاں کیا
رضا عظیم آبادی

 

[مومن فرحین]

اے شان کریمی مجھے مایوس نہ کرنا
تقدیر بدلتی ہے دعاؤں کے اثر سے

 

[سیما علی]

یہ تصرف ہے مبارکؔ داغ کا
کیا سے کیا اردو زباں ہوتی گئی

مبارک عظیم آبادی

 

[سیما علی]

یہ سانحہ بھی محبت میں بارہا گزرا
کہ اس نے حال بھی پوچھا تو آنکھ بھر آئی

پھر اس کی یاد میں دل بے قرار ہے ناصر
بچھڑ کے جس سے ہوئی شہر شہر رسوائی



ناصر کاظمی

 

[سیما علی]

یارانِ جان و دل کو کوئی جمع پھر کرے
جو بھی ہو جس کا حال، سنایا کرے کوئی

عبید اللہ علیم

 

[سیما علی]

یہ عجیب شعبدہ ہے یہ عجیب ماجرا ہے
کہ جس آنکھ میں ہے شوخی اسی آنکھ میں حیا ہے

معشوق حسین اطہر ہاپوڑی

 

[سیما علی]

یارب ہے بخش دینا بندے کو کام تیرا
محروم رہ نہ جائے کل یہ غلام تیرا
جب تک ہے دل بغل میں ہر دم ہو یاد تیری
جب تک زباں ہے منہ میں‌جاری ہو نام تیرا

داغ دہلوی

 

[سیما علی]

ےعلامہ اقبال رحمتہ اللہ علیہ کے ایک شعر سے..

اگر چہ بت ہیں جماعت کی آستینوں میں
مجھے ہے حکم اذاں لا الہ الا الله۔۔۔۔

 

[شمشاد]

ہونٹوں سے اس درد کی خوشبو آ کر جسم میں پھیل گئی​

کتنا درد اکٹھا تھا اس ٹھنڈی سی پیشانی میں​

(ضیا ضمیر)​

 

[سیما علی]

نئی تہذیب سے ساقی نے ایسی گرمجوشی کی
کہ آخر مسلموں میں روح پھونکی بادہ نوشی کی
اکبر الہ آبادی

 

[سیما علی]

یوں بھی نہیں کہ پاس ہے میرے وہ ہم نفس
یہ بھی غلط کے مجھ سے جدا ہو گیا وہ شخص

رشید قیصرانی

 

[سیما علی]

صد شُکر کہ اِس حال میں جیتے تو ہیں ناصؔر
حاصِل نہ سہی، کاوشِ حاصِل تو وہی ہے

ناصؔر کاظمی

 

[سیما علی]

یارانِ جان و دل کو کوئی جمع پھر کرے
جو بھی ہو جس کا حال، سنایا کرے کوئی

عبید اللہ علیم

 

[سیما علی]

یارب ہے بخش دینا بندے کو کام تیرا
محروم رہ نہ جائے کل یہ غلام تیرا
جب تک ہے دل بغل میں ہر دم ہو یاد تیری
جب تک زباں ہے منہ میں‌جاری ہو نام تیرا

داغ دہلوی

 

[سیما علی]

اب نہ دل مانوس ہے ہم سے نہ خوش ہیں دل سے ہم
یہ کہاں کا روگ لے آئے تِری محفل سے ہم

سیماب اکبرآبادی

 

[شمشاد]

میں آرزوئے جاں لکھوں یا جان آرزو!
تو ہی بتا دے ناز سے ایمان آرزو!
(اختر شیرانی)

 

[مومن فرحین]

وہ تو وہ ہیں تمہیں ہو جائے گی الفت مجھ سے
اک نظر تم میرا محبوب نظر تو دیکھو