بیت بازی سے لطف اٹھائیں (5)

[ماہی احمد]

یارب دلِ مسلم کو وہ زندہ تمنا دے
جو قلب کو گرما دے، جو روح کو تڑپا دے

 

[محمد علم اللہ]

یہ مئے کدہ ہے یا میکدے کی رسوئی
لبوں کو چھو نہ سکی زندگی کی آنچ
(نامعلوم)

 

[ماہی احمد]

چلا جاتا ہوں ہنستا کھیلتا موجِ حوادث میں
اگر آسانیاں ہوں تو زندگی دشوار ہو جائے

 

[شمشاد]

یا مجھے افسر شاہانہ بنایا ہوتا
یا میرا تاج گدایانہ بنایا ہوتا
(بہادر شاہ ظفر)

 

[ماہی احمد]

اب کیوں اداس پھرتے ہو سردیوں کی شاموں میں
اس طرح تو ہوتا ہے اس طرح کے کاموں میں

 

[محدثہ]

نہ کر نہیں نہیں، یہ وقت نہیں، نہیں کا !!
تیری اس نہیں نہیں نے چھوڑا نہیں کہیں کا

 

[ماہی احمد]

اقرار میں وہ لذت کہاں جو انکار میں ہے
شوق بڑھتا ہے غالب ان کی نہیں نہیں سے۔۔۔

 

[محدثہ]

یادِ ماضی عذاب ہے یا رب
چھین لے مجھ سے حافظہ مرا

 

[شمشاد]

اپنا دیوانہ بنایا مجھے ہوتا تو نے
کیوں خرد مند بنایا، نہ بنایا ہوتا
(بہادر شاہ ظفر)

 

[عندلیب]

اک شہر میں اک آہوئے خوش چشم سے ہم کو
کم کم ہی سہی ، نسبتِ پیمانہ رہی ہے
ظفری بھائی کیسا لگا شعر ؟؟

 

[ظفری]

اک شہر میں اک آہوئے خوش چشم سے ہم کو
کم کم ہی سہی ، نسبتِ پیمانہ رہی ہے
ظفری بھائی کیسا لگا شعر ؟؟

بہت خوب سس ۔۔۔

 

[عندلیب]

بہت خوب سس ۔۔۔

کبھی ضرورت پڑے تو استعمال کرلیجیے گا ۔

 

[شمشاد]

یاد کرنا ہر گھڑی اس یار کا
ہے وظیفہ مجھ دلِ بیمار کا
(ولی محمد ولی)

 

[محدثہ]

اِک منحرف گواہ کی صُورت، چراغِ شام
اُس کی گلی میں رات مرا ہم سفر ہوا

 

[شمشاد]

انہہی راستوں نے جن پر کبھی تم تھے ساتھ میرے
مجھے روک روک پوچھنا تیرا ہمسفر کہاں ہے
(بشیر بدر)

 

[عمر سیف]

یہ عجب قیامتیں ہیں تری رہگذر میں گزراں
نہ ہُوا کہ مر مٹیں ہم ، نہ ہُوا کہ جی اُٹھیں ہم

فیض احمد فیض

 

[شمشاد]

مجھ دل کے کبوتر کوں باندھا ہے تری لٹ نے
یہ کام دھرم کا ہے ٹک اس کو چھڑاتی جا
(ولی دکنی)

 

[یونس]

اس رین اندھیری میں نہ بھول پڑوں تجھ سوں
ٹک پاؤں کے بچھوؤں کی آواز سناتی جا
(ولی دکنی)

 

[شمشاد]

اس رین اندھیری میں نہ بھول پڑوں تجھ سوں
ٹک پاؤں کے بچھوؤں کی آواز سناتی جا
(ولی دکنی)

یونس بھائی میرے پاس یہ شعر ایسے لکھا ہوا ہے :

اس رات اندھاری میں مت بھول پڑوں تجھ سوں
ٹک پاؤں کے جھانجھر کی جھنکار سناتی جا

 

[شمشاد]

اس رین اندھیری میں نہ بھول پڑوں تجھ سوں
ٹک پاؤں کے بچھوؤں کی آواز سناتی جا
(ولی دکنی)

اس شام وہ رخصت کا سماں یاد رہے گا
وہ شہر، وہ کوچہ، وہ مکاں، یاد رہے گا
(ابن انشاء)