بیت بازی سے لطف اٹھائیں (5)

[مومن فرحین]

نہ تیرا قرب نہ بادہ ہے کیا کیا جائے
پھر آج دکھ بھی زیادہ ہے کیا کیا جائے
سلوک یار سے دل ڈوبنے لگا ہے فراز
اور اس پہ محفل اعادہ ہے کیا کیا جائے

 

[شمشاد خان]

یاد آئی طاق بیت اللہ میں
بیت ابرو اس بت دل خواہ کی
(آسی غازی پوری)

 

[مومن فرحین]

یہ علم کا سودا یہ کتابیں یہ رسالے
اک شخص کی یادوں کو بھلانے کے لیے ھیں

جاں نثار اختر

 

[خالد محمود چوہدری]

نظر نظر ہو پر اتنی بھی بے پناہ نہ ہو
بہار آئی تو ہم نے خزاں کو دیکھ لیا
خورشید رضوی

 

[مومن فرحین]

ان سے نظر ملی تو نظر ان کی ہو گئی
یہ حادثہ عجیب نظر کا نظر سے ہے

 

[شمشاد خان]

یوں تو ہر شام امیدوں میں گزر جاتی ہے
آج کچھ بات ہے جو شام پہ رونا آیا
(شکیل بدایونی)

 

[مومن فرحین]

اک عمر سے ہوں لذّت گریہ سے بھی محروم
اے راحت جاں مجھ کو رلانے کے لیے آ

فراز

 

[شمشاد خان]

اب تک دل خوش فہم کو تجھ سے ہیں امیدیں
یہ آخری شمعیں بھی بجھانے کے لیے آ
(احمد فراز)

 

[مومن فرحین]

اب بڑی دور لے کے جائے گا
آگیا ہے تیرا خیال مجھے

 

[مومن فرحین]

اب بڑی دور لے کے جائے گا
آگیا ہے تیرا خیال مجھے

 

[شمشاد خان]

یہ وقت جو تیرا ہے یہ وقت جو میرا ہے
ہر گام پہ پہرا ہے پھر بھی اسے کھونا ہے
(ندا فاضلی)

 

[مومن فرحین]

یاد تو ہوں گی وہ باتیں تجھے اب بھی لیکن
شیلف میں رکھی ہوئی بند کتابوں کی طرح

 

[شمشاد خان]

حال دل یار کو لکھوں کیوں کر
ہاتھ دل سے جدا نہیں ہوتا
(مومن خان مومن)

 

[مومن فرحین]

اس نے دیکھا ہی نہیں ورنہ یہ آنکھ
دل کا احوال کہا کرتی ہے
زندگی میری تھی لیکن اب تو
تیرے کہنے میں رہا کرتی ہے

 

[ریحان احمد ریحانؔ]

یہ شہرت کی بھوک ہم کو کہاں لے کے آ گئی
ہم محترم ہوئے بھی تو کردار بیچ کر

 

[مومن فرحین]

روز شب یاد تیری یاد تیری یاد فقط
اب تیری یاد سے ہونے لگی وحشت جاناں

 

[شمشاد خان]

نہ پوچھ عالم برگشتہ طالعی آتشؔ
برستی آگ جو باراں کی آرزو کرتے
(حیدر علی آتش)

 

[ریحان احمد ریحانؔ]

یہ آرزو تھی تجھے گل کے روبرو کرتے
ہم اور بلبل بیتاب گفتگو کرتے
جو نامہ بر نہ میسر ہوا تو خوب ہوا
زبان غیر سے کیا شرع آرزو کرتے

 

[مومن فرحین]

یہ عالم شوق کا دیکھا نہ جائے
وہ بت ہے یا خدا دیکھا نہ جائے
یہ کن نظروں سے تو نے آج دیکھا
کہ تیرا دیکھنا دیکھا نہ جائے

 

[ریحان احمد ریحانؔ]

یوں ہی آنکھوں میں آ گئے آنسو
جائیے آپ کوئی بات نہیں