بیت بازی سے لطف اٹھائیں (5)

[شمشاد خان]

یہ خدا کی دین عجیب ہے کہ اسی کا نام نصیب ہے
جسے تو نے چاہا وہ مل گیا جسے میں نے چاہا ملا نہیں
(بشیر بدر)

 

[ریحان احمد ریحانؔ]

یہ تو طیبہ کی محبت کا اثر ہے ورنہ
کون روتا ہے لپٹ کر در و دیوار کے ساتھ

 

[شمشاد خان]

یوں ہی آنکھوں میں آ گئے آنسو
جائیے آپ کوئی بات نہیں

نقطۂ خال سے ترا ابرو
بیت اک انتخاب کی سی ہے
(میر تقی میر)

 

[شمشاد خان]

یہ تو طیبہ کی محبت کا اثر ہے ورنہ
کون روتا ہے لپٹ کر در و دیوار کے ساتھ

ہوئی اس دور میں منسوب مجھ سے بادہ آشامی
پھر آیا وہ زمانہ جو جہاں میں جام جم نکلے
(چچا)

 

[ریحان احمد ریحانؔ]

یہ مسائل تصوف یہ تیرا بیان غالب
تجھے ہم ولی سمجھتے جو نہ بادہ خوار ہوتا

 

[شمشاد خان]

یوں ہی آنکھوں میں آ گئے آنسو
جائیے آپ کوئی بات نہیں

نہ شعلہ میں یہ کرشمہ نہ برق میں یہ ادا
کوئی بتاو کہ وہ شوخ تند خو کیا ہے
(چچا)

 

[شمشاد خان]

یہ مسائل تصوف یہ تیرا بیان غالب
تجھے ہم ولی سمجھتے جو نہ بادہ خوار ہوتا

ایک نظر کی ایک ہی پل کی بات ہے ڈوری سانسوں کی
ایک نظر کا نور مٹا جب اک پل بیتا بھول گیا
(میرا جی)

 

[ریحان احمد ریحانؔ]

1. نہ شعلہ میں یہ کرشمہ نہ برق میں یہ ادا
   کوئی بتاو کہ وہ شوخ تند خو کیا ہے
   (چچا)

   یہاں کسی کو بھی کچھ حسب آرزو نہ ملا
   
   
2. کسی کو ہم نہ ملے ہم کو تو نہ ملا

 

[ریحان احمد ریحانؔ]

ایک نظر کی ایک ہی پل کی بات ہے ڈوری سانسوں کی
ایک نظر کا نور مٹا جب اک پل بیتا بھول گیا
(میرا جی)

اب تو تمہارے شہر میں خبر ہو گئے ہیں ہم
مدت ہوئی کہ شہر بدر ہو گئے ہیں ہم
اب تک نہ یہ جان پائے کہ ہم کس کے ساتھ ہیں
دیکھا جدھر ہجوم ادھر ہو گئے ہیں ہم

 

[شمشاد خان]

میں خیال ہوں کسی اور کا مجھے سوچتا کوئی اور ہے
سر آئینہ مرا عکس ہے پس آئینہ کوئی اور ہے
(سلیم کوثر)

 

[ریحان احمد ریحانؔ]

میں خیال ہوں کسی اور کا مجھے سوچتا کوئی اور ہے
سر آئینہ مرا عکس ہے پس آئینہ کوئی اور ہے
(سلیم کوثر)

ہو چکی غالب بلائیں سب تمام
ایک مرگ ناگہانی اور ہے

 

[شمشاد خان]

میں خیال ہوں کسی اور کا مجھے سوچتا کوئی اور ہے
سر آئینہ مرا عکس ہے پس آئینہ کوئی اور ہے
(سلیم کوثر)

ہو چکی غالب بلائیں سب تمام
ایک مرگ ناگہانی اور ہے

ریحان احمد ریحانؔ آپ کو تو حرف ی سے شعر دینا تھا، آپ نے حرف ہ سے شعر دے دیا۔

 

[شمشاد خان]

یہ پری چہرہ لوگ کیسے ہیں
غمزہ و عشوہ و ادا کیا ہے
(چچا)

 

[ریحان احمد ریحانؔ]

ریحان احمد ریحانؔ آپ کو تو حرف ی سے شعر دینا تھا، آپ نے حرف ہ سے شعر دے دیا۔

لو جی ی سے شعر پیش ہے
یہ جو دیوانے سے دو چار نظر آتے ہیں
ان میں کچھ صاحب اسرار نظر آتے ہیں
تیری محفل کا بھرم رکھتے ہیں سو جاتے ہیں
ورنہ یہ لوگ تو بیدار نظر آتے ہیں

 

[شمشاد خان]

نہ شب کو چاند ہی اچھا نہ دن کو مہر اچھا
یہ ہم پہ بیت رہی ہیں قیامتیں کیسی
(عبید اللہ علیم)

 

[مومن فرحین]

یہ جو خواہشوں کا پرند ہے اسے موسموں سے غرض نہیں
یہ اڑے گا اپنی ہی موج میں اسے آب دے کہ سراب دے

 

[شمشاد خان]

یہ کیا کہ خواہشوں کا سفر ختم ہی نہ ہو
یہ کیا کہ ایک موڑ پہ ٹھہرا تو میں بھی ہوں
نبیل احمد نبیل

 

[شمشاد خان]

یہ جو خواہشوں کا پرند ہے اسے موسموں سے غرض نہیں
یہ اڑے گا اپنی ہی موج میں اسے آب دے کے سراب دے

دوسرے مصرعے میں ۔۔۔۔آب دے" کہ" سراب دے، ہونا چاہیے۔ ایکدفعہ پھر دیکھ لیں۔

 

[مومن فرحین]

دوسرے مصرعے میں ۔۔۔۔آب دے" کہ" سراب دے، ہونا چاہیے۔ ایکدفعہ پھر دیکھ لیں۔

جی بجا فرمایا آپ نے ۔۔۔ ٹائپنگ mistake تھی میں نے تدوین کر دی ۔۔

 

[مومن فرحین]

نہ تو کارواں کی تلاش ہے نہ تو ہمسفر کی تلاش ہے
میرے شوق خانہ خراب کو تیری رہ گزر کی تلاش ہے