بیت بازی سے لطف اٹھائیں (5)

[عطاء اللہ جیلانی]

يہ آبجو کی روانی ، يہ ہمکناری خاک
مری نگاہ ميں ناخوب ہے يہ نظارہ

ادھر نہ ديکھ ، ادھر ديکھ اے جوان عزيز
بلند زور دروں سے ہوا ہے فوارہ

علامہ محمد اقبال رح

 

[سیما علی]

ہے دعا یاد مگر حرفِ دعا یاد نہیں
میرے نغمات کو اندازِ نوا یاد نہیں

ساغر صدیقی

 

[عطاء اللہ جیلانی]

‏بات تک کرنی نہ آتی تھی تمہیں
یہ ہمارے سامنے کی بات ہے

داغ دہلوی

 

[شمشاد]

یہ کیسی بچھڑنے کی سزا ہے
آئینے میں چہرہ رکھ گیا ہے
(عبید اللہ علیم)

 

[ڈاکٹر عظیم سہارنپوری]

یہود و نصاری ہیں گر اس کے دشمن
مسلماں کا خود بھی عدو ہے مسلماں

عظیم

 

[شمشاد]

نازاں نہ ہو خرد پہ جو ہونا ہے ہو وہی
دانش تری نہ کچھ مری دانش وری چلے
(شیخ ابراہیم ذوق)

 

[مومن فرحین]

یوں دل نہ لگے نہ درد اٹھے مت روز ملو تو اچھا ہے
نہ پیار بڑھے نہ جھگڑا ہو تم دور بسو تو اچھا ہے

فراز

 

[بافقیہ]

یا رنج و بلا کا خوف نہ کر یا نام نہ لے آزادی کا
جب ولولۂ پرواز نہیں تو نام نہ لے آزادی کا

مولانا عامر عثمانی

 

[ڈاکٹر عظیم سہارنپوری]

اس کا دشمن نہ جن ہے نہ حیوان ہے
اک آدمی آدمی سے پریشان ہے


عظیم

 

[سیما علی]

یہ کس مقام پہ لائی ہے میری تنہائی
کہ مجھ سے آج کوئی بد گماں نہیں ہوتا

 

[شمشاد]

اک بار اس نے مجھ کو دیکھا تھا مسکرا کر
اتنی تو ہے حقیقت باقی کہانیاں ہیں
(میلہ رام وفاؔ)

 

[سیما علی]

نئی تہذیب سے ساقی نے ایسی گرمجوشی کی
کہ آخر مسلموں میں روح پھونکی بادہ نوشی کی

اکبر الہ آبادی

 

[سیما علی]

یہ جاں فروشیاں ترے کس کام آئیں گی
بے کار پھر رہے ہیں یہاں تو بدن فروش

صوفی تبسم

 

[سیما علی]

شرط سلیقہ ہے ہر اک امر میں
عیب بھی کرنے کو ہنر چاہئیے
( میر تقی میر)

 

[سیما علی]

شب ہجر میں کیا ہجوم بلا ہے
زباں تھک گئ مرحبا کہتے کہتے
مومن خان مومن

 

[عطاء اللہ جیلانی]

اک لفظ محبت کا ادنیٰ یہ فسانا ہے
سمٹے تو دل عاشق پھیلے تو زمانہ ہے

جگر مراد آبادی

 

[سیما علی]

یہ اور بات کہ دل غم میں خود کفیل ہوا
مگر وہ آنکھ میرے غم میں اشک بار رہی
شبنم شکیل

 

[سیما علی]

یہ دستور زباں بندی ہے کیسا تیری محفل میں
یہاں تو بات کرنے کو ترستی ہے زباں میری

علامہ اقبال رح

 

[عطاء اللہ جیلانی]

پھر مری آنکھ ہو گئی نمناک
پھر کسی نے مزاج پوچھا ہے

اسرارالحق مجاز

 

[سیما علی]

یاروں کی خطاؤں پہ نظر ہم نے نہ رکھی
اور یار کوئی بھول ہماری نہیں بھولے