بیت بازی کا کھیل!

[راجہ صاحب]

انکار کی عادت کو سمجھتی ہوں برا میں
سچ ہے کہ دل توڑنا اچھا نہیں ہوتا

اقبال

 

[شمشاد]

اک ایسا چمن ہے جس کی خوشبو
سانسوں میں بسائے پھر رہا ہوں
(اطہر نفیس)

 

[عثمان رضا]

نشے ميں چور ہوں ميں بھي تمہيں ہوش نہيں
بڑا مزہ ہو اگر تھوڑي دور ساتھ چلو

احمد فراز

 

[شمشاد]

وہ آج پھر یہی دوہرا کے چل دیئے 'بانی'
میں بھول کے نہیں اب تجھ سے بلانے والا
(ہری مچندا 'بانی')

 

[عثمان رضا]

اِک پراناموسم لوٹا یاد بھری پروائی بھی
ایسا تو کم ہی ہوتا ہے وہ بھی ہو تنہائی بھی

 

[شمشاد]

یہ اور بات کہ وہ لَب تھے پھول سے نازک
کوئی نہ سہہ سکے ، لہجہ کرخت ایسا تھا
(شکیب جلالی)

 

[عثمان رضا]

اب تو گھبرا کے یہ کہتے ہیں کہ مر جائیں گے
مر کے بھی چین نہ پایا تو کدھر جائیں گے
ابراہیم ذوق

 

[شمشاد]

یہ احترامِ جنوں ہے کہ سِی لیا دامن
وگرنہ اک تماشہ سا کُو بہ کُو کرتے
(حمایت علی شاعر)

 

[S. H. Naqvi]

آ کو چا ٕیے ا ک عمر ا ثر ہونے تک
کون جیتا ہیے تری زلف کے سر ہونے تک

 

[S. H. Naqvi]

آ ہ کو چا ٕیے ا ک عمر ا ثر ہونے تک
کون جیتا ہیے تری زلف کے سر ہونے تک[AYAH][ARABIC][/ARABIC][/AYAH]

 

[شمشاد]

نقوی صاحب بیت بازی کے اصول جانتے ہیں آپ کہ نہیں؟

جو شعر دیا گیا ہو، اس کے آخری حرف سے شعر دینا ہوتا ہے۔

 

[سید محمد نقوی]

یارو معمول کا دیدار کریں تو کیونکر
جس کو دیکھو وہی لگتا ہے خلاف معمول

مشکور حسین یاد

 

[شمشاد]

لو وہ بھی کہتے ہیں کہ بے ننگ و نام ہوں
یہ جانتا اگر تو لٹاتا نہ گھر کو میں

 

[سید محمد نقوی]

نہ تھا کچھ تو خدا تھا کچھ نہ ہوتا تو خدا ہوتا
ڈبویا مجھ کو ہونے نے نہ میں ہوتا تو کیا ہوتا

غالب

 

[راجہ صاحب]

امید تو بندھ جاتی تسکین تو ہو جاتی
وعدہ نا وفا کرتے وعدہ تو کیا ہوتا

 

[سید محمد نقوی]

اب یہ دنیا جسے چاہے اسے دیکھے سر سیل
ہم تو بس ایک سفینے کی طرف دیکھتے ہیں

افتخار عارف

 

[راجہ صاحب]

نیندوں کے دیس جاتے کوئ خواب دیکھتے
لیکن دیا جلانے کی بھی فرصت نہیں ملی۔۔


نوشی گیلانی

 

[شمشاد]

یا مجھے افسرِ شاہانہ بنایا ہوتا
یا مرا تاج گدایا نہ بنایا ہوتا
(بہادر شاہ ظفر)

 

[سید محمد نقوی]

اپنے آقا کے مدینے کی طرف دیکھتے ہیں
دل الجھتا ہے تو سینے کی طرف دیکھتے ہیں

افتخار عارف

 

[نوید صادق]

نگہ بلند، سخن دل نواز، جاں پُر سوز
یہی ہے رختِ سفر، میرِ‌کارواں کے لیے