بیت بازی کا کھیل!

[سید محمد نقوی]

یہ بستی جانی پہچانی بہت ہے
یہاں وعدوں کی ارزانی بہت ہے

 

[نوید صادق]

یہ کیا اندر ہی اندر بُجھ رہے ہو
ہواؤں سے رقابت چھوڑ دی کیا

(لیاقت علی عاصم)

 

[سید محمد نقوی]

اے رحمت تمام مری ہر خطا معاف
میں انتہائے شوق میں گھبرا کے پی گیا

 

[نوید صادق]

اُٹھتی ہوئی فصیلِ فغاں حدِ شہر پر
گلیوں کی چپ قدیم مکانوں کے ساتھ ساتھ

(منیر نیازی)

 

[سید محمد نقوی]

ہزاروں خواہشیں ایسی کہ ہر خواہش پہ دم نکلے
بہت نکلے مرے ارمان لیکن پھر بھی کم نکلے

غالب

 

[راجہ صاحب]

یہ خیال سارے ہیں عارضی،یہ گلاب سارے ہیں‌کاغذی
گلٍ آرزو کی جو باس تھے،وہی لوگ مجھ سے بچھڑ گئے

 

[نوید صادق]

یہ شغلِ شعر و سخن بھی عذاب ہے اشعر
خود اپنے خون میں اپنا قلم ڈبونا ہے

(علی مطہر اشعر)

 

[سید محمد نقوی]

یہاں بزدل ہے قاتل کا قبیلہ
سجے نوک سناں پر اپنا سر کیا

محسن نقوی

 

[نوید صادق]

اے محبت تیرے دُکھ سے دوستی آساں نہ تھی
تجھ سا ہو کر تیری ویرانی کا اندازہ ہوا

(شاہین عباس)

 

[سید محمد نقوی]

اور گریبان وقت اور وہ دامان وقت
اور وہ کار رفو اور خط مستقیم

مشکور حسین یاد

 

[نوید صادق]

مری جاں ! یہی وہ مقام ہے ، یہی مہبطِ گُلِ شام ہے
مجھے یاد ہے کہ کِھلا تھا وہ، گلِ نو بہار یہیں کہیں

(خآلد احمد)

 

[شمشاد]

نہ اب خودی کا پتہ ہے نہ بیخودی کا جگر
ہر ایک لطف کو لطفِ خدا نے لوٹ لیا
(جگر مراد آبادی)

 

[نوید صادق]

اُن کو پانے کی تمنا نہیں جاتی دل سے
کیا منور ہیں ستارے مری تابانی سے ؟

(غلام حسین ساجد)

 

[شمشاد]

یہی کروگے کہ اب ہم سے تم ملو گے نہیں
جو بات دل نے کہی تھی اُسے سنو گے نہیں
(خالد شریف)

 

[نوید صادق]

نہ تھی پہاڑ سے کچھ کم مگر مصیبتِ عمر
ترے خیال میں گزری تو مختصر گزری

(خورشید رضوی)

 

[شمشاد]

یہاں ہیں قاتل و مقتول ایک ہی صف میں
ی۔۔ہ ب۔ادش۔۔اہ۔ی ہ۔ے کیس۔ی، یہ راج کیس۔۔۔ا ہے
(سید نجم الحسن زیدی)

 

[سید محمد نقوی]

یہ حسرتِ نم ، اشکِ ندامت ہی نہ کہلائے
روئیں گے مگر اشک بہانے کے نہیں ہم

ڈاکٹر پیرزادہ قاسم

 

[شمشاد]

میں اسے شہرت کہوں یا اپنی رسوائی کہوں
مجھ سے پہلے اس گلی میں میرے افسانے گئے
(خاطر غزنوی)

 

[نوید صادق]

یہاں تو چاروں طرف خیر سے اُجالے ہیں
ہمارے شہر میں سورج کا بھی نہ سایہ ہوا

(نوید صادق)

 

[S. H. Naqvi]

اک موم کی گڑیا ہے، اک پریم کہانی ہے
اک شاخ ہے نازک سی، اک کلیوں کی جوانی ہے
وہ پھول کی تتلی ہے، شعلہ ہے کے پانی ہے
ہے شان سمندر سی، لہروں کی روانی ہے
وہ نور سحر ہے یا، اک شام سہانی ہے
دیکھو ں تو سپنا ہے، سوچوں تو کہانی ہے
کیا نام رکھوں اس کا، کیا بات کہوں اس سے؟
وہ دن کا اجالا ہے، وہ رات کی رانی ہے
اک موم کی گڑیا ہے، اک پریم کہانی ہے۔

شاعر نا معلوم کویٔ بتا دے