بیت بازی

[شمشاد]

یہ احترامِ جنوں ہے کہ سِی لیا دامن
وگرنہ اک تماشہ کُو بہ کُو کرتے
(حمایت علی شاعر)

 

[عمر سیف]

یہ اور بات کہ ممبر پہ جا کے کچھ نہ کہیں
خاموش لوگ بلا کے خطیب ہوتے ہیں

 

[شمشاد]

نہ گئی تیری بے رخی نہ گئی
ہم تری آرزو بھی کھو بیٹھے
(فیض)

 

[عمر سیف]

یہ کیا جگہ ہے دوستو یہ کون سا دیار ہے
حدِ نگاہ تک جہاں غبار ہی غبار ہے

 

[شمشاد]

یہ عنایتیں غضب کی یہ بلا کی مہربانی
میری خیریت بھی پوچھی کسی اور کی زبانی
(نذیر بنارسی)

 

[عمر سیف]

یا مُجھ کو اپنا چہرئہ منزل نما دِکھا
یا قید صبح و شام سے کر دے رِہا مجھے

 

[شمشاد]

یہ اشکوں کی فراوانی سے دھندلائی ہوئی آنکھیں
تری رعنائیوں کی تمکنت کو بھول جائیں گی
(فیض)

 

[عمر سیف]

یہ عشق نہیں تھا اس زمیں کا
اس میں کوئی بات سرمدی تھی

 

[زینب]

یہ دن رات کے لمہے مجھے اچھے لگتے ہیں

تمہاری سوچوں کے سارے سلسلےاچھے لگتے ھیں

بہت دیر تک چلنا مگر پھر بھی وھیں رہنا

مجھے تم سے تم تک کے دائرے اچھے لگتے ھیں۔۔

 

[عمر سیف]

نہ جانے کون سے مٹی وطن کی مٹی تھی
نظر میں دُھول، جگر میں لئے غبار چلے

 

[شمشاد]

یوں صبا پاس سے گزرتی ہے
جیسے کہہ دی کسی نے پیار کی بات
(فیض)

 

[عمر سیف]

تمھارا نام لکھنے کی اجازت چھن گئی جب سے
کوئی بھی نام لکھتا ہوں تو آنکھیں بھیگ جاتی ہیں

 

[شمشاد]

یادوں میں ہماری کبھی وہ بھی کھوئے ہوں گے
کھلی آنکھوں سے کبھی وہ بھی سوئے ہوں گے

 

[عمر سیف]

یہ ہنستا ہوا چاند، یہ پرنور ستارے
تابندہ و پائندہ ہیں ذرّوں کے سہارے

 

[شمشاد]

یہ فخر تو حاصل ہے، برے ہیں کہ بھلے ہیں
دو چار قدم ہم بھی تیرے ساتھ چلے ہیں

 

[عمر سیف]

نہیں ملتے ہو تم ہم سے، تو سب ہمدرد ہیں میرے
زمانہ ہم سے جل جائے اگر تم ملنے آ جاؤ

 

[شمشاد]

وقتِ سفر قریب ہے بستر سمیٹ لوں
بکھرا ہوا حیات کا دفتر سمیٹ لوں
(اجمل اجمالی)

 

[عمر سیف]

نا مکمل رہی کہانی بھی
لوگ آخر کہاں تلک سُنتے

 

[شمشاد]

یہ محرومی نہیں پاسِ وفا ہے
کوئی تیرے سوا دیکھا نہ جائے
(احمد فراز)

 

[سارا]

یک لخت گرا ہے تو جڑیں تک نکل آئیں
جس پیڑ کو آندھی میں بھی ہلتے نہیں دیکھا۔۔