تحریری نستعلیق فونٹ کی تیاری

[ذیشان حیدر]

باسم صاحب ! میں نے آپ کو ایک میسج بھیجا ہے اپنے ان باکس میں چیک کیجئے۔

 

[باسم]

آج ذیشان حیدر بھائی سے تفصیلی رابطے کے ذریعے یہ بات سامنے آئی کہ انہوں نے نوری نستعلیق کے تمام لیگیچیرز اور کیریکٹرز کو پی ڈی ایف فائل میں سمویا ہےنمونہ کی فائل پیش ہے
اب ان اشکال کو کورل میں امپورٹ کرکے مطلوبہ پنسل اور منقوط صورت دی جائے گی پھر یہ فونٹ کریئیٹر میں نوری نستعلیق کی اصل اشکال کی جگہ لے لیں گی
نوری نستعلیق کی اشکال پنسل اور منقوط سے بدلنے کا خودکار طریقہ میں ان سے کل سمجھوں گا

 

[نبیل]

ان پی ڈی ایف فائلوں میں نوری نستعلیق کے ترسیمہ جات شامل کیے گئے ہیں۔ میرے خیال میں اس طریقے سے پنسل نستعلیق کے ترسیمہ جات تیار کرنا مشکل ہو ثابت ہوگا۔ بہتر طریقہ یہی ہوگا کہ پہلے دو کے جوڑ والی اشکال پر کام کیا جائے۔ تاج نستعلیق کی تیاری میں یہ طریقہ اپنا گیا تھا کہ پہلے دو حرفی کیریکٹر بیسڈ فونٹ ڈیویلپ کرکے اسی کے ذریعے ترسیمہ جات تیار کرکے ان کو اسی فونٹ میں شامل کر لیا گیا۔ یہی طریقہ پنسل نستعلیق کے لیے بھی اپنا لیا جائے تو بہتر رہے گا۔

 

[نبیل]

نبیل بھائی مجھے اس بات کا علم نہیں تھا کہ آپ فجر نوری نستعلیق کا سورس خود بنا رہے ہیں۔ ہمارے پاس تو اسکا سورس 2008 سے موجود ہے جو کہ وولٹ میں کمپائل بھی ہو رہا ہے:
http://arifkarim.no/Public/Fajer Noori Nastalique 15-12-2006_Final_Volt.rar

یہی سورس تو محفل کے فانٹ سرور جمیل خط نما میں کب سے موجود ہے۔ پھر یہ نئے سرے سے ایرر شدہ سورس میں کام کرنے کی کیا وجہ ہے؟ دوسرا میں نے اس سورس کو وولٹ میں کھول کر دیکھا ہےاور وہ وہاں درست کام نہیں کر رہا۔

تم نے شاید پور ے سیاق و سباق پر نظر نہیں ڈالی۔میں فجر نستعلیق کا سورس نئے سرے سے تیار نہیں کر رہا ہوں بلکہ پہلے سے دستیاب سورس میں سمبل تبدیل کر رہا ہوں تاکہ یہ مزید پراجیکٹس کے لیے بیس کے طور پر استعمال کیا جا سکے۔ موجودہ شکل میں یہ درست کمپائل تو ہو رہا ہے لیکن اس میں گلفس کے نام خودکار طور پر جنریٹ ہوئے ہوئے ہیں جس کی وجہ سے اسے دوسرے پراجیکٹس میں بیس کے طور پر استعمال کرنا ممکن نہیں رہتا۔

 

[arifkarim]

تم نے شاید پور ے سیاق و سباق پر نظر نہیں ڈالی۔میں فجر نستعلیق کا سورس نئے سرے سے تیار نہیں کر رہا ہوں بلکہ پہلے سے دستیاب سورس میں سمبل تبدیل کر رہا ہوں تاکہ یہ مزید پراجیکٹس کے لیے بیس کے طور پر استعمال کیا جا سکے۔ موجودہ شکل میں یہ درست کمپائل تو ہو رہا ہے لیکن اس میں گلفس کے نام خودکار طور پر جنریٹ ہوئے ہوئے ہیں جس کی وجہ سے اسے دوسرے پراجیکٹس میں بیس کے طور پر استعمال کرنا ممکن نہیں رہتا۔

نبیل بھائی یہ سورس اگر آپنے محفل کے فانٹ سرور سے اتارا ہے تو پھر اسمیں ایرر نہیں آنا چاہئے اور اسکو وولٹ میں لوڈ بھی ہونا چاہئے۔ میں نے آپکی ارسال کردہ سورس فائل کو جب وولٹ میں لوڈ کیا تو یہ ایرر آیا:

یہ ایرر اس بات کا اثبوت ہے کہ آپ نے جس سورس پر کام کیا ہے یا اسمیں کوئی مسئلہ یا یہ ایرر ایڈیٹنگ کے بعد سیو کرنے کیساتھ وجود میں آیا ہے۔ وولٹ کی فائل کو ٹیکسٹ ایڈیٹر میں ایرر کے بغیر ایڈیٹ کرنے کیلئے Ultraedit استعمال کریں۔​

 

[نبیل]

مسئلہ اوریجنل سورس میں نہیں ہے بڑے پیمانے پر فائنڈ رپلیس کرنے کی وجہ سے اب سورس valid نہیں رہا ہے۔ اس کی ایررز دور کرنے کی ضرورت ہے، لیکن اس طرح ایک کارآمد سورس دستیاب ہو جائے گا۔

 

[arifkarim]

مسئلہ اوریجنل سورس میں نہیں ہے بڑے پیمانے پر فائنڈ رپلیس کرنے کی وجہ سے اب سورس valid نہیں رہا ہے۔ اس کی ایررز دور کرنے کی ضرورت ہے، لیکن اس طرح ایک کارآمد سورس دستیاب ہو جائے گا۔

وولٹ سورس میں محض کیریکٹرز کے نام فائنڈ ریپلیس کرنے سے ایرر نہیں آتا۔ خاکسار خود متعدد فانٹس پر یہ تجربات کر چکا ہے۔ ایرر تب آتا ہے جب کسی عام سے ٹیکسٹ ایڈیٹر جیسے نوٹ پیڈ میں وولٹ کا سورس کھول کر دوبارہ سیو کیا جائے۔ میں اسکام کیلئے الٹرا ایڈیٹ استعمال کرتا ہوں۔ اور کبھی کوئی ایرر نہیں آیا!

 

[باسم]

ان پی ڈی ایف فائلوں میں نوری نستعلیق کے ترسیمہ جات شامل کیے گئے ہیں۔ میرے خیال میں اس طریقے سے پنسل نستعلیق کے ترسیمہ جات تیار کرنا مشکل ہو ثابت ہوگا۔ بہتر طریقہ یہی ہوگا کہ پہلے دو کے جوڑ والی اشکال پر کام کیا جائے۔ تاج نستعلیق کی تیاری میں یہ طریقہ اپنا گیا تھا کہ پہلے دو حرفی کیریکٹر بیسڈ فونٹ ڈیویلپ کرکے اسی کے ذریعے ترسیمہ جات تیار کرکے ان کو اسی فونٹ میں شامل کر لیا گیا۔ یہی طریقہ پنسل نستعلیق کے لیے بھی اپنا لیا جائے تو بہتر رہے گا۔

ذیشان حیدر بھائی سے معلوم ہوا کہ انہوں نے کافی اشکال تبدیل کی ہیں اب جن فائلوں پر کام کرنے کا کہا ہے وہ تین کے جوڑ پر مشتمل ہیں
چھٹیوں سے واپس آکر وہ تیار فائلیں دے دیں گے جن کا جائزہ لے کر دو کے جوڑ پر مشتمل فونٹ پر کام ان شاء اللہ شروع ہوجائے گا۔
نستعلیق کی اشکال سے متعلق کرلپ کی یہ تحقیق بھی مفید ہے

 

[نبیل]

میں نے کرلپ کی تحقیق کو بھی پڑھا ہوا ہے۔ میری دانست میں فجر نستعلیق کا contextual analysis قدرے بہتر ہے کیونکہ اس میں ترسیمہ جات کے آخری حرف کے اعتبار سے تجزیہ کیا گیا ہے جس کی وجہ سے ترسیمہ جات کی گروپنگ آسان رہتی ہے۔

 

[نعیم سعید]

بالکل حرف کے آخر کے اعتبار سے ترسیمہ جات رکھیے جائیں تو گروپ بنائیے بغیر یعنی ’’ریج‘‘ کے ذریعہ بھی کام چلا جا سکتا ہے۔ مزید اس صورت میں کرننگ پیئرز سیٹ کرنے میں کافی سہولت ہوسکتی ہے۔ ممکن ہے فونٹ کی اسپیڈبھی زیادہ بہتر رہے۔

 

[انیس الرحمن]

کیا پہلے سے موجود عربی فونٹ کو اردو کے فونٹ میں تبدیل کیا جاسکتا ہے؟

 

[باسم]

جی بالکل اکثر اردو فونٹ یوں ہی تیار کیے گئے ہیں۔

 

[انیس الرحمن]

جی بالکل اکثر اردو فونٹ یوں ہی تیار کیے گئے ہیں۔

کیا آپ بتا سکتے ہیں کہ مزید کتنی اشکال بنانی پڑتی ہیں۔
مجھے اس سائٹ کے کچھ فونٹ اچھے لگے ہیں۔

 

[باسم]

دھاگہ دیکھیے گا خوبصورت اردو فونٹ کی تشکیل ممکن ہے

 

[باسم]

آج ذیشان حیدر بھائی سے دو گھنٹے کی تربیتی نشست لی ہے جس میں انہوں نے اس سلسلے میں اپنے تجربے کو خوب وضاحت سے بیان کیا ہے اور ٹیم ویور کی مدد سے سکھایا ہے کہ اس کام کو کس طرح بہتر اور تیزی کے ساتھ کیا جاسکتا ہے۔
فجر نوری نستعلیق کے تمام کیریکٹرز اِس پی ڈی ایف فائل میں جمع کیے ہیں اور اسے کورل ڈرا میں امپورٹ کرنے کے بعد کیریکٹرز کو آؤٹ لائن اشکال میں تبدیل کرکے ان کے درمیان اشکال تیار کی جارہی ہیں۔
یہ 700 صفحات پر مشتمل 1100 کے لگ بھگ اشکال ہیں جنہیں ذیشان بھائی اور میں نے تقسیم کرلیا ہے اور یہ ان شاء اللہ جلد تیار ہوجائیں گی۔

 

[نبیل]

کیا ہی اچھا ہوتا کہ آپ اس ٹریننگ کو ریکارڈ کر لیتے۔ اس طرح دوسرے بھی کچھ سیکھ سکتے تھے۔
بہرحال ذیشان کا بہت شکریہ کہ انہوں نے اپنا علم آپ کو سکھایا۔

 

[باسم]

ان شاء اللہ آئندہ کوشش ہوگی یا پھر کوئی ٹٹوریل بنالوں گا
اس فائل کو دیکھ کر بتائیے کیا اسی طرز پر آپ کام چاہ رہے ہیں

 

[نبیل]

میں نے آپ کی تیار کردہ پی ڈی ایف دیکھی ہے۔ اس میں فجر نوری نستعلیق کی تمام گلفس کو اکٹھا کیا گیا ہے۔ اس سے ملتی جلتی پی ڈی ایف میں نے بھی اپنے ریفرینس کے لیے جنریٹ کی تھی۔ مجھے لگتا ہے کہ میں ابھی تک واضح نہیں کر پایا ہوں کہ میرے ذہن میں پنسل نستعلیق فونٹ کی تیاری کا کیا خاکہ ہے۔ میں کوشش کروں گا کہ قدرے تفصیل سے اپنے آئیڈیا کی وضاحت کر سکوں۔

 

[باسم]

اگر اوپر دی گئی فائل میں تمام اشکال بنالی جائیں پھر ان میں سے دو کے جوڑ کے فونٹ کیلیے تیار ابتدائی اور آخری اشکال کو فونٹ فائل میں لے جایا جائے تو نتیجہ وہی برآمد نہیں ہوگا جو ذیل کے پیغامات میں واضح کیا گیا ہے کہ مکمل شکل بناکر پھر انہیں کاٹ لیا جائے۔
کیریکٹر تو دونوں طریقوں سے وہی حاصل ہونگے
اس طریقے سے فونٹ اور کورل ورک ایک جگہ یکساں ترتیب سے جمع رہے گا
اور اگر ضرورت ہوتو ابتدائی اور آخری کیریکٹرز کا کام الگ بھی کیا جاسکتا ہے۔

پنسل نستعلیق فونٹ کی تیاری کا پہلا مرحلہ دو کے جوڑ والی اشکال پر مبنی فونٹ کی تیاری ہونا چاہیے۔ میں نے اس سلسلے میں جو طریقہ کار وضع کیا تھا وہ کچھ یوں تھا کہ پہلے فجر نوری نستعلیق کا استعمال کرتے ہوئے مائیکروسوفٹ ورڈ میں ایسے تمام الفاظ لکھ لیے جائیں جو دو حرفی ترسیمہ جات پر مشتمل ہوں۔ ان ڈاکومنٹس کو پرنٹ کرکے انہیں پنسل سے ٹریس کیا جانا چاہیے اور اس میں سے جوڑ کاٹنے چاہییں۔ میں یہ ڈاکومنٹس اور ان کے سکرین شاٹ پیش کروں گا تو اس کام کی وضاحت ہو پائے گی۔ باقی تفصیل انشاءاللہ بعد میں عرض کروں گا۔ اس ربط پر فجر نوری نستعلیق کے contectual analysis کے بارے میں تفصیل موجود ہے۔ اس کا مطالعہ اس پراجیکٹ پر کام کرنے کے لیے کافی مفید ثابت ہو سکتا ہے۔

میں یہاں ایک زپ فائل منسلک کر رہا ہوں جس میں مذکورہ ورڈ ڈاکومنٹ موجود ہے۔ اس میں دو کے جوڑ والے ترسیمہ جات کی اشکال اکٹھی کی گئی ہیں جو کہ فجر نوری نستعلیق فونٹ کی مدد سے بنائی گئی ہیں۔ ذیل میں ان ترسیمہ جات میں سے چند کے سکرین شاٹ موجود ہیں۔

جیسا کہ بالا کی تصاویر میں دکھایا گیا ہے، ترسیمہ جات کے حصوں کو مختلف رنگوں میں ظاہر کیا گیا ہے تاکہ ان کو ٹریس کرنا آسان ہو جائے۔

 

[فیاض احمد]

بالآخر اشتیاق علی صاحب نے ہمت دکھادی اور ہمیں پکڑ کر موٹی زنجیروں سے باندھنے میں کامیاب ہوگئے ہیں اور لگتا ہے اب ہمیں یہ کام مکمل کرتے ہیں بنے گی
الحمد للہ ان کی مشاورت اور معاونت سے اردو تحریری نستعلیق فونٹ کی اشکال پر کام شروع کردیا گیا ہے
اس سلسلے کی پہلی کوشش ملاحظہ ہو