ترکی اشعار مع اردو ترجمہ
- صاحب لڑی حسان خان
- تاریخ ابتداء
حسان خان
لائبریرین
Kapındır melce-i hâcât-i ümmet yâ rasûlallah
Odur her halde cây-i selâmet yâ rasûlallah
Tutan dâmân-i pâkin sıdk u ihlâs ile bir kere
İki dünyada da görmez nedâmet yâ rasûlallah
تیرا در ملجائے حاجاتِ امت ہے یا رسول اللہ
وہ ہر حال میں جائے سلامت ہے یا رسول اللہ
تیرے دامنِ پاک کو صدق و اخلاص کے ساتھ ایک بار تھامنے والا
دونوں عالم میں نہ دیکھے ندامت یا رسول اللہ
کفایت ہاشمی
محفلین
ماشاء اللہ ۔ آپ کو یہاں دیکھ کر سچ مچ خوشی ہوئی۔ خوش کیلیپ سیز حسان افندی۔ چونکہ میرا خاندانی تعلق وسط ایشیاء سے ہے (میرے دادا جان اعظم ہاشمی ترکستانی مرحوم سوویت روس کے مظالم سے تنگ آکر افغانستان کے راستے ہندوستان اور پھر پاکستان آگئے تھے، ملاحظہ کیجئے اُن کی داستان ہجرت : سمرقند و بخارا کی خونیں سرگزشت) ، اس لیے مجھے بھی ترک ، ترکی زبان ، اس کے لہجے (خاص کر چغتائی ترکی جو میرے والد اور والدہ دونوں جانتے ہیں الحمدللہ) اور اس کی تاریخ سے بہت دلچسپی ہے۔
میرے دادا مرحوم دہلی اور کراچی سے اردو، فارسی اور چغتائی ازبک میں رسالے اور دینی کتب شائع کرتے رہے ہیں اور ان شاء اللہ مجھے اس روایت کو آگے بڑھانا ہے۔ آپ کے تعاون کو میں دل و جان سے قبول کروں گا۔
http://archive.org/details/Samarqand-O-Bukhara--Ki-Khuni-Sargazisht
میرے دادا مرحوم دہلی اور کراچی سے اردو، فارسی اور چغتائی ازبک میں رسالے اور دینی کتب شائع کرتے رہے ہیں اور ان شاء اللہ مجھے اس روایت کو آگے بڑھانا ہے۔ آپ کے تعاون کو میں دل و جان سے قبول کروں گا۔
http://archive.org/details/Samarqand-O-Bukhara--Ki-Khuni-Sargazisht
حسان خان
لائبریرین
کفایت بھائی، آپ کے بارے میں جان کر واقعی بے حد خوشی ہوئی۔ مجھے عثمانی ترکی اور آذربائجانی کی طرح چغتائی ترکی اور اس کے ادب سے بھی بہت دلچسپی ہے مگر بدقسمتی سے زیادہ نہیں آتی۔ ایک بار ظہیر الدین بابر کی غزلیات پڑھنے کی کوشش کی تھی مگر زیادہ سمجھ نہیں پایا تھا۔ 
آپ خوش قسمت ہیں کہ آپ کے والدین چغتائی جیسی شیریں زبان سے واقف ہیں۔ اور مجھے یہ جان کر واقعی بہت خوشی ہو رہی ہے کہ علی شیر نوائی اور دوسرے اکابرین کی روایت کے وارث ہمارے ملک پاکستان میں بھی موجود ہیں۔
آپ خوش قسمت ہیں کہ آپ کے والدین چغتائی جیسی شیریں زبان سے واقف ہیں۔ اور مجھے یہ جان کر واقعی بہت خوشی ہو رہی ہے کہ علی شیر نوائی اور دوسرے اکابرین کی روایت کے وارث ہمارے ملک پاکستان میں بھی موجود ہیں۔
حسان خان
لائبریرین
کفایت ہاشمی بھائی، آپ چغتائی ترکی سے واقف ہیں کیا؟
کفایت ہاشمی
محفلین
آپ کی پسندیدگی کا شکریہ۔ امید کرتا ہوں کہ آپ سے بہت کچھ سیکھنے کو ملے گا۔ ویسے مجھے اناطولی ترکی کی نسبت اپنی چغتائی زیادہ آسان لگتی ہے ۔
میرے دادا جان اور پھر میرے والد اور تایا جان نے کم و بیش 55- 50 سال اس سرزمین پر ریڈیو پاکستان کے ذریعے چغتائی ترکی کی خدمت کی ہے ۔ مجھے بھی اپنے آباؤاجداد کی زبان اور روایات کا امین بننا ہے ۔ نوائی کا ترجمہ شدہ شعر ہے :
کوئی مجھ سا عشق میں دیوانہ مہجور نہ ہو
کوئی رسوائی میں مجھ سا معروف و مشہور نہ ہو
بہرحال مجھے اپنا منہ میاں مٹھو بننے کا کوئی شوق نہیں ۔ انتظار تو آپ کی مزےدار کاوشوں کا ہے ۔
۔میرے دادا جان اور پھر میرے والد اور تایا جان نے کم و بیش 55- 50 سال اس سرزمین پر ریڈیو پاکستان کے ذریعے چغتائی ترکی کی خدمت کی ہے ۔ مجھے بھی اپنے آباؤاجداد کی زبان اور روایات کا امین بننا ہے
۔ نوائی کا ترجمہ شدہ شعر ہے :کوئی مجھ سا عشق میں دیوانہ مہجور نہ ہو
کوئی رسوائی میں مجھ سا معروف و مشہور نہ ہو
بہرحال مجھے اپنا منہ میاں مٹھو بننے کا کوئی شوق نہیں ۔ انتظار تو آپ کی مزےدار کاوشوں کا ہے ۔
کفایت ہاشمی
محفلین
میں (چغتائی زبان میں ) ماحول نہ ملنے کی وجہ سے ماہر تو نہیں لیکن کورا بھی نہیں ہوں ۔
حسان خان
لائبریرین
آپ کی پسندیدگی کا شکریہ۔ امید کرتا ہوں کہ آپ سے بہت کچھ سیکھنے کو ملے گا۔ ویسے مجھے اناطولی ترکی کی نسبت اپنی چغتائی زیادہ آسان لگتی ہے
مجھے اناطولی اس لیے آسان لگتی ہے کہ اب تک اناطولی کو ہی سیکھنے اور مطالہ کرنے کا موقع ملا ہے۔ چغتائی یا ازبک کے متعلق نیٹ پر مواد کم ہے۔
وہ کیسے کفایت بھائی؟
حسان خان
لائبریرین
ایک ازبک ویب سائٹ میری نظروں سے گزری تھی جہاں چغتائی شعرائے کرام کے دیوان اور دوسری مختلف چغتائی کتابیں موجود تھیں۔ اس کے علاوہ بابر کے بابرنامہ کا قلمی نسخہ بھی گوگل بکس پر موجود ہے۔ میں ان کے لنک دوبارہ ڈھونڈنے کی کوشش کرتا ہوں، اگر ملے تو آپ سے شیئر کرتا ہوں۔ آپ کے لیے وہ یقینا دلچسپی کے حامل ہوں گے۔
حسان خان
لائبریرین
ترکیات میں دلچسپی رکھنے والوں کے لیے یہ ویب سائٹ بہت مفید ہے۔ یہاں بہترین مواد ڈاؤنلوڈ کرنے کے لیے موجود ہے۔
http://turklib.com/
http://turklib.com/
کفایت ہاشمی
محفلین
وہ ایسے کہ غالباً 1952ء میں ریڈیو پاکستان کراچی سے ترکی و فارسی زبان میں نشریات کا آغاز ہوا۔ پہلے پہل یہ آدھے گھنٹے کا پروگرام ہوا کرتا تھا۔ یہ نشریات دراصل افغانستان کے لوگوں کیلئے شروع کی گئی تھی (اس سروس کے ابتدائی زمانے میں روس نے اس کے سگنل جام کرنے کی کوشش کی جس پر دونوں ملکوں میں باقاعدہ مذاکرات ہوئے ) اور افغانستان میں ترک مہاجر قبائل کی ایک بڑی تعداد آباد تھی اور اب بھی ہے۔ میرے دادا جان اس نشریات کے ساتھ عمر بھر (م: 30 جولائی 1973ء) منسلک رہے ۔ ان کے بعد میرے والد اور تایا جان نے بھی شمولیت اختیار کی ۔ میرے والد ترکی خبروں کے براڈکاسٹر سے پروڈیوسر اور پروگرام مینیجر کی پوسٹ تک کام کرتے رہے ۔ شوکت عزیز دور میں بہت سی غیر ملکی زبانوں کی نشریات بند کردی گئیں جس میں ترکی بھی شامل تھی۔ حال ہی میں میرے والد ریٹائر ہوئے ہیں۔
(واضح رہے کہ یہاں ترکی سے مراد چغتائی ترکی ہے نہ کہ ٹرکش ۔ ٹرکش کے لیے الگ شعبہ کافی عرصے بعد قائم ہوا تھا )۔
حسان خان
لائبریرین
کفایت ہاشمی بھائی، اگر ہو سکے تو محفلین کے لیے چغتائی شعر و ادب کے کچھ نمونے پیش کیجئے۔
حسان خان
لائبریرین
Muhammed'den diğer yok dâhil olmuş Kabe Kavseyn'e,
Gürûh-ı Enbiyâ'dan girmemiş bir ferd mabeyne,
Haremgâh-ı visale Ahmed'i tenha alıp Mevlâ,
O halvet oldu mahsus Hazret-i Sultan-ı Kevneyne
محمد (ص) کے سوا کوئی دوسرا شخص قابَ قوسین میں داخل نہیں ہوا
گروہِ انبیا میں سے کوئی ایک فرد بھی مابین میں وارد نہیں ہوا
حرمگاہِ وصال میں مولا نے تنہا احمد (ص) کو قبول کیا
وہ خلوت (صرف) حضرتِ سلطانِ کونین (ص) کے لیے مخصوص ہوئی
کفایت ہاشمی
محفلین
جزاک اللہ خیراً ۔ آپ نے بہت اچھی چیزیں شیئر کیں۔ ترک لائبریری واقعی بہت شاندار ہے ۔ میں اس کا مستقل رکن ہوں۔
جہاں تک بات نمونے پیش کرنے کی ہے تو یہ "من آنم کہ من دانم'' والا معاملہ ہے۔ ان شاءاللہ آپ کی یہ فرمائش مستقل دھاگے کے ساتھ ضرور پوری کروں گا۔
جہاں تک بات نمونے پیش کرنے کی ہے تو یہ "من آنم کہ من دانم'' والا معاملہ ہے۔ ان شاءاللہ آپ کی یہ فرمائش مستقل دھاگے کے ساتھ ضرور پوری کروں گا۔