تمھیں بھی یاد ہے کچھ، یہ کلام کس کا تھا؟ خوبصورت مقطعے

[کاشفی]

داغ کہتے ہیں جنہیں دیکھئے وہ بیٹھے ہیں
آپ کی جان سے دُور آپ پہ مرنے والے

 

[محمداحمد]

وہ رات کا بے نوا مسافر، وہ تیرا شاعر وہ تیرا ناصر
تیری گلی تک تو ہم نے دیکھا، پھر نہ جانے کدھر گیا وہ

 

[محمداحمد]

پہلے پہل کا عشق ابھی یاد ہے فراز
دل خود یہ چاہتا تھا کہ رسوائیاں بھی ہوں

 

[کاشفی]

سفینہ جب کہ کنارے پہ آلگا غالب
خدا سے کیا ستم و جور ناخدا کہیئے

 

[محمداحمد]

اُن سے جو کہنے گئے تھے فیض جاں صدقہ کیے
ان کہی ہی رہ گئی وہ بات سب باتوں کے بعد

 

[محمداحمد]

عشق نے اقبال سب بل دئیے نکال
مدّت سے آرزو تھی کہ سیدھا کرے کوئی

 

[محمداحمد]

عزم یہ ضبط کے آداب کہاں سے سیکھے
تم تو ہر رنگ میں لگتے تھے بکھرنے والے

عزم بہزاد

 

[انتہا]

اقبال بھی اقبال سے آگاہ نہیں ہے
کچھ اس میں تمسخر نہیں واللہ نہیں ہے

 

[محمد وارث]

واعظ ثبوت لائے جو مے کے جواز میں
اقبال کو یہ ضد ہے کہ پینا بھی چھوڑ دے

 

[محمداحمد]

عاصم انہیں سکھلا دو ابھی دھوپ میں چلنا
بچوں پہ سدا باپ کا سایہ نہیں رہتا

لیاقت علی عاصم

 

[کاشفی]

تمہیں آہیں سُننے کا شوق تھا، مگر اب بتاؤ کرو گے کیا؟
جو کراہتا تھا تمام شب، وہ مریض جوش تو مَر گیا

 

[انتہا]

سرہانے میر کے آہستہ بولو
ابھی ٹک روتے روتے سو گیا ہے

 

[محمداحمد]

لے آرزو کا نام تو دل کو نکال لیں
مومن نہ جو ربط رکھیں بدعتی سے ہم

 

[کاشفی]

غیظ کی دوڑی ہوئی ہے لہر سی اصنام میں
جوش! اب اہلِ حرم سے دوستی کم کیجئے

 

[کاشفی]

جو صنم کدوں میں بیاں‌کروں، تو صنم بھی سجدوں میں گر پڑیں
وہ ملا ہے پچھلے پہر مزا مرے دل کو جوش نماز میں

 

[کاشفی]

خنجر ہے جوش ہات میں، دامن لہو سے تَر
یہ اُس کے طَور ہیں‌کہ مسیحا کہیں جسے

 

[محمداحمد]

مقام فیض کوئی راہ میں جچا ہی نہیں
جو کوئے یار سے نکلے تو سوئے دار چلے

 

[محمد وارث]

فیض تھی راہ سر بسر منزل
ہم جہاں پہنچے کامیاب آئے

 

[کاشفی]

لکھنؤ کیا چھُٹ گیا، اے جوش دُنیا چھُٹ گئی
اب کہاں ممکن وہ سامانِ غزل خوانی مجھے

 

[محمد وارث]

باقی نہ رہے ساکھ ادا دشتِ جنوں کی
دل میں اگر اندیشہٴ انجام ہی آئے

ادا جعفری