تمھیں بھی یاد ہے کچھ، یہ کلام کس کا تھا؟ خوبصورت مقطعے

[ابو المیزاب اویس]

اے رضا ہر کام کا اِک وقت ہے
دل کو بھی آرام ہو ہی جائیگا

احمد رضا خان ،، علیہ الرحمہ

 

[ابو المیزاب اویس]

رضا جو دل کو بنانا تھا جلوہ گاہِ حبیب
تَو پیارے قیدِ خودی سے رہیدہ ہونا تھا

احمد رضا خان ،، علیہ الرحمہ

 

[ابو المیزاب اویس]

غالب کی زمین میں کہی گئی نعت کا ایک شعر اور مقطع

سنگِ درِ حضور سے ہم کو خدا نہ صبر دے
جانا ہے سر کو جا چکے دل کو قرار آئے کیوں
ہے تو رضا نرا ستم جرم پر گر لجائیں ہم
کوئی بجائے سوزِ غم سازِ طرب بجائے کیوں

احمد رضا خان ،، علیہ الرحمہ

 

[ابو المیزاب اویس]

حسرتِ نَو کا سانحہ سنتے ہی دل بگڑ گیا
ایسے مریض کو رضا مرگِ جواں سُنائی کیوں
احمد رضا خان ،، علیہ الرحمہ

 

[ابو المیزاب اویس]

جو کہے شعر و پاس شرع دونوں کا حسن کیوں کر آئے
لا اسے پیش جلوہٴ زمزمہ رضا کہ یوں
احمد رضا خان ،، علیہ الرحمہ

 

[سید عاطف علی]

اب نظیری ہے اور نہ طالب ہے
اسد اللہ خان ۔۔غا لب۔۔ ہے
غالبا" یہ مقطع تو نہیں مگر تخلص کی نکتہ آفرینی غضب ہے۔

 

[غ۔ن۔غ]

جس طرح سانحے گزرے ہیں تیری جاں پہ فراز
اس کو دیکھیں تو یہ آشفتہ بیانی کم ہے

 

[محمداحمد]

وہ اٹھے ہیں لے کے خم و سبو ارے او شکیلؔ کہاں ہے تو
ترا جام لینے کو بزم میں کوئی اور ہاتھ بڑھا نہ دے

شکیل بدایونی

 

[سیما علی]

کہاں مے خانہ کا دروازہ غالبؔ اور کہاں واعظ
پر اتنا جانتے ہیں کل وہ جاتا تھا کہ ہم نکلے

 

[علی وقار]

مصحفیؔ شب جو چپ تو بیٹھا تھا
کیا تجھے کچھ ملال تھا، کیا تھا!

 

[سیما علی]

داغ کہتے ہیں جنہیں، دیکھئے وہ بیٹھے ہیں
آپ کی جان سے دُور، آپ پر مرنے والے

 

[سیما علی]

آتشؔ سخن کی قدر زمانے سے اٹھ گئی
مقدور ہو تو قفل لگائیں دہاں میں ہم

 

[سیما علی]

یوں سر نہ ہوگی جوشؔ کبھی عشق کی مہم
دل کو خرد سے دست و گریباں تو کیجئے
جوش ملیح آبادی

 

[سیما علی]

جسے آپ گنتے تھے آشنا، جسے آپ کہتے تھے با وفا
میں وہی ہوں مومنِ مبتلا، تمھیں یاد ہو کہ نہ یاد ہو

بہت خوب بڑے دن سے یہ شعر یاد سے محو تھا
جیتے رہیے وارث میاں ۔۔۔🤲🏻🤲🏻🤲🏻🤲🏻🤲🏻🤲🏻

 

[سیما علی]

افسردگی و ضعف کی کچھ حد نہیں اکبرؔ
کافر کے مقابل میں بھی دیں دار نہیں ہوں