خواب

[پاکستانی]

خیال یکتا میں خواب اتنے
سوال تنہا جواب اتنے

کبھی نہ خوبی کا دھیان آیا
ہوئے جہاں میں خراب اتنے

حساب دینا پڑا ہمیں بھی
کہ ہم جو تھے بے حساب اتنے

بس اک نظر میں ہزار باتیں
پھر اس سے آگے حجاب اتنے

مہک اٹھے رنگ سرخ جیسے
کھلے چمن میں گلاب اتنے

منیر آئے کہاں سے دل میں
نئے نئے اضطراب اتنے

منیر نیازی

 

[پاکستانی]

محرومِ خواب دیدۂ حیراں نہ تھا کبھی
تیرا یہ رنگ اے شبِ ہجراں نہ تھا کبھی
تھا لطفِ وصل اور کبھی افسونِ انتظار
یوں دردِ ہجر سلسلہ جنباں نہ تھا کبھی
پرساں نہ تھا کوئ تو یہ رسوائیاں نہ تھیں
ظاہر کسی پہ حالِ پریشاں نہ تھا کبھی
ہر چند غم بھی تےھا مگر احساسِ غم نہ تھا
درماں نہ تھا تو ماتمِ درماں نہ تھا کبھی
دن بھی اُداس اور مری رات بھی اداس
ایسا تو وقت اے غمِ دوراں نہ تھا کبھی
دورِ خزاں میں یوں مرا دل بے قرار ہے
میں جیسے آشنائے بہاراں نہ تھا کبھی
کیا دن تھے جب نظر میں خزاں بھی بہار تھی
یوں اپنا گھر بہار میں ویراں نہ تھا کبھی
بےکیف و بے نشاط نہ تھی اس قدر حیات
جینا اگرچہ عشق میں آساں نہ تھا کبھی

 

[پاکستانی]

کم فرصتئ خوابِ طرب یاد رہے گی
گزری جو ترے ساتھ، وہ شب یاد رہے گی
ہر چند ترا عہدِ وفا بھول گئے ہم
وہ کشمکشِ صبر طلب یاد رہے گی
سینے میں امنگوں کا وہی شور ہے اب تک
وہ شاخئ یک جنبشِ لب یاد رہے گی
پھر جس کے تصور میں برسنے لگیں آنکھیں
وہ برہمئ صحبتِ شب یاد رہے گی
گو ہجر کے لمحات بہت سخت تھے لیکن
ہر بات بعنوابِ طرب یاد رہے گی

 

[عمر سیف]

مت جُدا کرنا اس کو آنکھوں سے
خواب کا پھر دھواں ملے نہ ملے

 

[شمشاد]

تیرے دُکھ کے تمام ہی موسم
اے زمانے سنبھال کر رکھے
میرے خوابوں کو راکھ کرڈالا
اور اپنے سنبھال کررکھے
(نوشی گیلانی)

 

[عمر سیف]

دیکھا، تُو آیا، ہاتھ کو تھاما، دیا گلاب
بولا، بتاؤ خواب میں ہوتا ہے کیا نہیں ؟؟؟

 

[شمشاد]

جاگنے پر بھی نہیں آنکھ سے گرتیں کرچیں
اس طرح خوابوں سے آنکھیں نہیں پھوڑا کرتے
(گلزار)

 

[عمر سیف]

بولو کیا ہے بند آنکھوں میں؟
خواب تمھارا ہو سکتا ہے

 

[شمشاد]

خیال وخواب کے منظر سجانا چاہتا ہے
یہ دل کا اِک تازہ بہانہ چاہتا ہے
(نوشی گیلانی)

 

[عمر سیف]

بہار رُت کے وہ خواب سارے جو میری پلکوں پہ آ سجے تھے!
وہ خواب آنکھوں میں جل چکے ہیں میں جل رہا ہوں کہ کچھ لکھوں گا

 

[qaral]

میں اپنے خواب سے کٹ کر جیوں تو میرا خدا

اجاڑ دے مری مٹی کو در بدر کر دے

 

[عمر سیف]

جاگے تو محض ریت ہی پائیں گے ہر طرف
گر ہو سکے تو خواب میں ساحل نہ دیکھئے

 

[شمشاد]

تمہارے خواب سے ہر شب لپٹ کے سوتے ہیں
سزائیں بھیج دو، ہم نے خطائیں بھیجی ہیں
(گلزار)

 

[عمر سیف]

ڈھونڈتا پھرتا ہوں لوگوں میں شباہت اس کی
کہ وہ خوابوں میں لگتی ہے خیالوں جیسی

 

[نوید ملک]

پہلے ایک بوجھ تھا کیوں خواب نہیں دکھتے ہیں
اور جب خواب نظر آیا تو یہ فکر ہوئی
اسکی تعبیر خدا جانے کیسی ہو گی
اور تعبیر نظر آئی تو دل کانپ گیا
آنکھ گبھرائی کہ تعبیر یہ کیسی پائی
اب اگر سوئے تو پھر خواب دکھائی دے گا
اور اگر جاگے تو تعبیر نظر آئے گی
اب اسی خوف میں یہ عمر گزر جائے گی

ڈاکٹر طارق عزیز

 

[شمشاد]

زور سے بج نہ اُٹھے پیروں کی آواز کہیں
کانچ کے خواب ہیں بکھرے ہوئے تنہائی میں
(گلزار)

 

[نوید ملک]

پلکیں بھی چمک اٹھتی ہیں سوتے میں ہماری
آنکھوں کو ابھی خواب چھپانے نہیں آتے

 

[شمشاد]

خواب ٹوٹا تو کوئی جاگ نہ جائے دیکھا
کو ئی جاگا تو وہیں خواب بھی مر جا ئے گا
(گلزار)

 

[عمر سیف]

جو دسترس میں نہ ہوں ان حسین لمحوں کو
حیات کرنے کے رنگیں خواب کیا کہنا

 

[شمشاد]

کوئی خواب ایسا بھی ہے یہاں جسے دیکھ سکتے ہوں دیر تک
کسی دائمی شب وصل کا کسی مستقل غم یار کا
(منیر نیازی)