دل کی بات شعر کے ساتھ

[امیداورمحبت]

اکھٹے رونا اکھٹے ہنسنا سکھا دیا ہے
ہمیں محبت نے اک جیسا بنادیا ہے

واحد اعجاز ھمدانی

 

[سارہ خان]

اس عالمِ حیرت و عبرت میں کچھ بھی تو سراب نہیں ہوتا
کوئی نیند مثال نہیں بنتی، کوئی لمحہ خواب نہیں ہوتا

اک عمر نمو کی خواہش میں، موسم کے جبر سہے تو کھلا
ہر خوشبو عام نہیں ہوتی، ہر پھول گلاب نہیں ہوتا
سلیم کوثر

 

[صائمہ شاہ]

یہ شرط ہے دستک ہو اگر۔۔۔۔۔۔۔ دست یقیں سے
در چھوڑ کے دیوار بھی کھل جائے کہیں سے
لگتا ہے کہ سچ مچ کہیں۔۔۔۔۔۔۔۔ موجود ہے دنیا
ہم وہم بھی کرتے ہیں تو کرتے ہیں یقیں سے

 

[کاشف اکرم وارثی]

​

رات بھر ہم روشنی کی آس میں جاگے عدیم​

​

اور دن آیا تو آنکھوں میں اندھیرا کر گیا​

​

 

[زبیر مرزا]

نگہ الجھی ہوئی ہے رنگ و بو ميں​

خرد کھوئی گئی ہے چار سو ميں​

نہ چھوڑ اے دل فغان صبح گاہی​

اماں شايد ملےاللہ ھو ميں​

 

[کاشف اکرم وارثی]

میرے شہر کے لوگوں میں کچھ بات تو ھو گی​

میرے بنا سنسان وھاں ،آج کی رات تو ھو گی​

میں رھتا نہ تھا اک پل بھی جس کے بناء​

کسی قدر اکیلی شائد آج وہ ذات تو ھو گی​

 

[ناعمہ عزیز]

اے خدا حشر میں نا دینا
پھر کوئی سزا زندگی جیسی

 

[محب علوی]

شعر کا خیال تو بہت عمدہ ہے، لیکن مجھ کو پہلا مصرعہ کچھ بے وزن لگ رہا ہے۔۔۔۔ شاید آپ سے لکھنے میں لفظ کچھ آگے پیچھے ہو گئے ہیں۔ میرے ناقص خیال میں اسکو یوں ہونا چاہئے :۔
جکڑی ہوئی ہے ان میں میری ساری کائنات
گو دیکھنے میں نرم ہیں تیری کلائیاں۔۔۔۔ !

دیکھ لیں محب بھائی اب پڑھنے میں کچھ بہتر ہے یا نہیں؟؟؟

بالکل متفق ہوں میں ، مجھے بھی ایسا محسوس ہو رہا تھا کہ کچھ گڑبڑ ہو رہی ہے۔

تصحیح کے لیے شکریہ۔

 

[کاشف اکرم وارثی]

تیری حوشبو کی لحد پر میں بڑا تنہا تھا

رو پڑی مل کے رات کی رانی مجھ سے

 

[کاشفی]

عقل ہے، ایمان ہے، دل ہے، جان ہے
لیجئے سب آپ پر قربان ہے
(اکبر الہ آبادی)

 

[غ۔ن۔غ]

چبھتی ہے قلب و جاں کو ستاروں کی روشنی
اے چاند ڈوب جا کہ طبیعت اداس ہے

 

[زبیر مرزا]

​

اس شہر کے خوگر کو پھر وسعت صحرا دے​

پيدا دل ويراں ميں پھر شورش محشر کر​

​

 

[مہ جبین]

کوئی کرن ہے یہاں تو کوئی کرن ہے وہاں
دل و نگاہ نے کس درجہ روگ ہیں پالے
حبیب جالب

 

[زبیر مرزا]

سب لوگ جدھر وہ ہیں، اُدھر دیکھ رہے ہیں
ہم دیکھنے والوں کی نظر دیکھ رہے ہیں


داغ دہلوی

 

[مہ جبین]

یہ پھول ، یہ کلیاں ، یہ خس و خار ، یہ شبنم
حیران ہوں کس کس کی تمنا ہے مرا دل
حزیں صدیقی

 

[ناعمہ عزیز]

ہائے قیامت تک جائے گا کمبخت
آب حیات پی رکھا ہے عشق نے

 

[زبیر مرزا]

​

گو سیہ بخت ہیں ہم لوگ پہ روشن ہے ضمیر​

خود اندھیرے میں ہیں دنیا کو دکھاتے ہیں چراغ​

​

​

 

[کاشفی]

نہیں کچھ اس کی پرسش، الفتِ اللہ کتنی ہے
یہی سب پوچھتے ہیں، آپ کی تنخواہ کتنی ہے
(اکبر الہ آبادی)

 

[کاشفی]

بتاؤں آپ سے مرنے کے بعد کیا ہوگا
پلاؤ کھائیں گے احباب، فاتحہ ہوگا
(اکبر الہ آبادی)

 

[کاشفی]

نہ سُنّی ہے خوش اور نہ شیعہ ہے شاد
ہے دونوں کے مرکز میں برپا فساد

غمِ ٹرکی و ماتمِ پرشیا
مسدس اُدھر ہے اِدھر مرثیا
(اکبر الہ آبادی)