دل کے موضوع پر اشعار!

[عبدالجبار]

اور باقی آرزوئیں مِل گئیں سب خال میں
اِک تمہاری آرزو ہے، جو ابھی تک دل میں ہے​

 

[عاصم ملک]

یہی بہت ہے کہ دل اسکو ڈھونڈ لایاہے
کسی کے ساتھ ہی سہی وہ نظر تو آیا ہے

 

[حجاب]

کوئی بے سبب سا ملال تھا
کوئی رنج تھا
کوئی بال تھا
میرے دل کے شیشے میں آگیا
یونہی فاصلے بڑھا گیا

( صندل میں سانسیں جلتی ہیں )
بشریٰ رحمان۔​

 

[عمر سیف]

دلِ بےتاب یہ ہلچل، یہ قیامت کیسی
آج کچھ ان سے ملاقات نئی بات نہیں
سیف الدین سیف

 

[شمشاد]

نسمِ صبح گلشن میں گلوں سے کھیلتی ہو گی
کسی کی آخری ہچکی کسی کی دل لگی ہو گی
(سیماب اکبر آبادی)

 

[عمر سیف]

دل میں مچلتی ہے انجان خواہش
آباد بدن کی ہے ویران خواہش
ترکِ تعلق ہے ناہید مشکل
ہوتی نہیں ہے یہ آسان خواہش

ناہید ورک

 

[شمشاد]

دل جس سے زندہ ہے وہ تمنا تمہی تو ہو
ہم جس میں بس رہے ہیں وہ دنیا تمہی تو ہو

 

[عمر سیف]

دِل میں ہر وقت چبھن رہتی ہے
تھی مجھے کس کی طلب یاد نہیں

ناصر کاظمی

 

[عاصم ملک]

دل کے آئینے میں ہے تصویر یار
جب ذرا گردن جھکائی دیکھ لی

 

[عمر سیف]

سب بےنیاز ہوں کوئی ناز آفریں نہ ہو
اے دل وہاں چلیں کہ جہاں یہ زمیں نہ ہو
صوفی تبسم

 

[عبدالجبار]

جس قدر ہم نے مٹائے تِری یادوں کے نقوش
دلِ بے تاب نے اُتنا ہی تجھے یاد کِیا​

 

[شمشاد]

زخم نے داد نہ دی تنگیِ دل کی یارب
تیر بھی سینہِ بسمل سے پُر افشاں نکلا
(چچا)

 

[شمشاد]

دل میں پھر گریہ نے اک شور اٹھایا “ غالب “
آج جو قطرہ نہ نکلا تھا سو طوفاں نکلا

 

[شمشاد]

سادگی پر اس کی مر جانے کی حسرت دل میں‌ ہے
بس نہیں چلتا کہ پھر خنجر کفِ قاتل میں ہے
(چچا)

 

[شمشاد]

دیکھنا تقریر کی لذت کہ جو اس نے کہا
میں نے یہ جانا کہ گویا یہ بھی میرے دل میں ہے
(چچا)

 

[شمشاد]

ہے دلِ شوریدہِ “ غالب “ طلسمِ پیچ و تاب
رحم کر اپنی تمنا پر کہ کس مشکل میں ہے
(چچا)

 

[شمشاد]

شکایتیں کرتا ہوں دل پر غیر سے غافل ہوں میں
ہے کیا اچھائی کہیں ظالم ہوں میں جاہل ہوں میں
(علامہ)

 

[شمشاد]

سمجھ میں نہیں آتا کہ دل کی خُو کیا تھی
سفر تو آٹھ پہر کا تھا جستجو کیا تھی
(شہزاد احمد)

 

[شمشاد]

سرفروشی کی تمنا اب ہمارے دل میں ہے
دیکھنا ہے زور کتنا بازوِ قاتل میں ہے
(بسمل الہ آبادی)

 

[شمشاد]

وقت آنے دے بتا دیں گے تجھے اے آسماں
ہم ابھی سے کیا بتائیں کیا ہمارے دل میں ہے
(بسمل الہ آبادی)‌