دل کے موضوع پر اشعار!

[شمشاد]

سر میں سودا بھی نہیں دل میں تمنا بھی نہیں
لیکن اس ترکِ محبت کا بھروسہ بھی نہیں
(فراق گورکھپوری)

 

[شمشاد]

بات یہ ہے کہ سکونِ دلِ وحشی کا مقام
کُنجِ زنداں بھی نہیں وسعتِ صحرا بھی نہیں
(فراق گورکھپوری)

 

[شمشاد]

میکدے میں اذان سن کے رویا بہت
اس شرابی کو دل سے خدا یاد ہے
(بشیر بدر)

 

[عمر سیف]

کوئی اس سے ذرا کہہ دو ابھی ہم راستے میں ہیں
کہو ہم لوٹ آئیں گے اگر دل سے بُلائے تو
کنول شہاب احمد

 

[ظفری]

ہوئے ہیں راکھ مگر دل اب بھی سلگتا ہے
نادان سے کہدو کہ ابھی دامن بچا کے چلے​

 

[عمر سیف]

جذبے تمام کھو گئے لمحوں کی دھول میں
اب دل میں ‌دھڑکنوں کے سوا کچھ نہیں رہا

خالد شریف

 

[حجاب]

سکوتِ وقت مٹاؤ
بہت اداس ہے دل
نہ غم کو اور بڑھاؤ
بہت اداس ہے دل
نہیں ہے دلکشی کوئی
حسین نظاروں میں
خموش شام ہے آؤ
بہت اداس ہے دل
غموں کے گہرے اندھیرے ہیں
اور ہم تم ہیں
کوئی تو شمع جلاؤ
بہت اداس ہے دل
بڑھے گا اور بھی
تنہائیوں میں درد میرا
نہ ایسے چھوڑ کے جاؤ
بہت اداس ہے دل
بڑھا دے جو اور دیوانگی کو
اے زرّیں
وہ ساز اپنا سناؤ
بہت اداس ہے دل
٪٪٪٪٪٪٪٪٪٪٪٪٪٪٪٪٪٪٪٪٪٪٪​

 

[عمر سیف]

دل کا کھلنا نہ ہم کو راس آیا
تیرا ملنا نہ ہم کو راس آیا
دل میں سو چھید ہوگئے اپنے
زخم سلنا نہ ہم کو راس آیا
(نوید ہاشمی)

 

[عبدالجبار]

وہ دل کا حال سُنتے رہے پہلے اور پھر
ہنس کر کہا یہ گزرے زمانے کی بات ہے​

 

[عمر سیف]

بھری دُنیا میں ہمارے دل نے
ایک ہی فرد سے جھولی بھر لی
(فرحت عباس شاہ)

 

[حجاب]

دل ایک ایسی بستی ہے جس کے حقوقِ ملکیت صرف انسان کو حاصل ہوتے ہیں کہ جسے چاہے اس بستی میں بسا لے اور اگر اس بستی میں خدا بس جائے تو یہ بستی ساری بستیوں سے اعلیٰ و ارفع ہو جائے۔
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪​

 

[عمر سیف]

دل ایک ایسی بستی ہے جس کے حقوقِ ملکیت صرف انسان کو حاصل ہوتے ہیں کہ جسے چاہے اس بستی میں بسا لے اور اگر اس بستی میں خدا بس جائے تو یہ بستی ساری بستیوں سے اعلیٰ و ارفع ہو جائے۔
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪​

زبردست بات کہہ دی آپ نے۔

 

[حجاب]

شکریہ

 

[عمر سیف]

دل نے بخشا تھا تقاضہِ زلیخا تجھ کو
یاد ہے وہ خلشِ عہدِ تمنا تجھ کو
ہر گھڑی میری حضوری کی تمنا تھی تجھے
ہر نفس میری جدائی کا تھا دھڑکا تجھ کو
(جوش ملیح آبادی)

 

[سارہ خان]

اتنے ہی تھے اگر جہاں میں غم
دل بھی یارب کئی دیے ہوتے

 

[ڈاکٹر عباس]

سُنا ہے شہر میں زخمی دِلوں کا میلہ ہے
چلیں گے ہم بھی مگر پیرہن رفُو کر کے

 

[عمر سیف]

مجھے خوف ہے
وہ نباہ کے کسی مرحلے پر
یہ آ کے کہہ دے کہ اب نہیں
میرے دل کو تیری طلب نہیں
(نوشی گیلانی)

 

[عبدالجبار]

ہمارے دل کے ہو مالک تمہی دو عالم میں
تمہارے دل پہ ہمیں اختیار ہو کہ نہ ہو​

 

[ظفر احمد]

دل ہی کیا ہم روح میں سمائے ہوتے
تم نے چاہا ہی نہیں چاہنے والوں کی طرح

 

[عبدالجبار]

ظفر صاحب! محفل پر خوش آمدید!

دل زمانے کے ہاتھ سے سالم
کوئی ہو گا جو رہ گیا ہو گا​