دل

[پیاسا صحرا]

دل ھی ھے نہ کہ سنگ خشت درد سے بھر نہ آئے کیوں
روئیں گے ھم ہزار بار کوئی ھمیں رلائے کیوں

 

[عمر سیف]

نظر کے سامنے حسنِ بہار رہنے دے
جمالِ دید کو پروردگار رہنے دے
سوالِ شوق کا کوئی جواب ہو کہ نا ہو
ہمارے دل میں اُمیدِ بہار رہنے دے ۔۔۔

 

[راجہ صاحب]

دل دھڑکنے کا سبب یاد آیا
وہ تیری یاد تھی اب یاد آیا

 

[تیشہ]

یہ جھوٹے لوگ جب سچی رفاقت مانگتے ہیں
خدُا سے ہم فقط دل کی حفاظت مانگتے ہیں

لہو کاغذ میں کیسے جذب کرلیتی ہے دنیا ۔؟
کہ ایسے تجربے ہونے کی قیمت مانگتے ہیں

مکانوں میں انہیں کیوں قید کرنے پر مصر ہو
ہمارے دل تو صحراؤں کی وسعت مانگتے ہیں

زمانے بھر کو ہم نے بانٹ دی ہیں ساعتیں سب
اب اپنے آپ سے ملنے کی فرصتُ مانگتے ہیں

زیادہ خواہشوں کو سر چڑھایا ہی نہیں ہے
مقدر سے فقط حسب ِضرورت مانگتے ہیں
تمھارے بعد آنے والے کچھ افسردہ چہرے
ہنسی آتی ہے جب ہم سے محبت مانگتے ہیں
ہم اپنے خال وخد پہچان تو لیتے ہیں ساجد
ہمارے آئینہ گر ہم سے حیرت مانگتے ہیں ۔

 

[عمر سیف]

واہ ۔۔۔

حال دل کھل جائے گا بے تابی دل کا حسرت
بار بار آپ انھیں شوق سے دیکھا نہ کریں

 

[تیشہ]

آج بخت رسا نے حد کردی
یعنی تیری عطا نے حد کردی

تیری خوشبو اُڑا کے لے آئی
آج بادِ صبا نے حد کردی

دشتِ میں آگیا سمندر آج
ایک پیاسی صدا نے حد کردی

سب ستارے بھی ہوگئے مدھم
آج اُس کی ضیا نے حد کردی

ہم نے اِک 'بات کی جداُئی کی
اور اُس بے وفا نے حد کردی

تیری تصویر، آنکھ میں پانی
درد، چاہت، وفا نے حد کردی

دُکھ سبھی کا تھا اُس کے شعروں میں
شاعر بے نوا نے حد کردی ۔ ۔۔ ۔۔

 

[راجہ صاحب]

کسی نے جب بھی یہ پوچھا کہ کون ہے فرحت
تو مسکراُ کے ہمیشہ یہی کہا میرا دل ،

 

[راجہ صاحب]

دل سے اُس کی طغیانی نے درد کی سہل سرکائی تھی
کیا کیا آنکھوں سے برسی تھی آنسو ایسی اِک لڑکی

 

[شمشاد]

درد میں کوئی موسم پیارا نہیں ہوتا
دل ہو پیاسا تو پانی سے گزارہ نہیں ہوتا

 

[راجہ صاحب]

اس کے گئے پر ایسی گئی دل سے ہم نشیں
معلوم بھی ہوا نہ کہ طاقت کو کیا ہوا


میر

 

[قمراحمد]

یہ تخیلات کی زندگی، یہ تصورات کی بندگی
فقط اِک فریب خیال پر مری زندگی ہے رواں‌ دواں
مرے دل پہ نقش ہیں آج تک وہ باحتیاط نوازشیں
وہ غرور و ضبط عیاں عیاں، وہ خلوص و ربط نہاں نہاں
نہ سفر بشرط مآل ہے نہ طلب بقید سوال ہے
فقط ایک سیری ذوق کو میں بھٹک رہا ہوں ‌کہاں کہاں

 

[راجہ صاحب]

دلوں کی ماندگی پہ کیا تعجب
کہ سورج بھی تو ڈھلنا چاہتا ہے

 

[عمر سیف]

جو تمھاری مان لیں ناصحا، تو رہے گا دامنِ دل میں کیا
نہ کسی عدو کی عداوتیں، نہ کسی صنم کی سروتیں

 

[راجہ صاحب]

یہ تیرا کرم کہ دکھیُ دلوں کی حکایتوں کا امین ہوں
تیرے اعتماد نے جان ِمن مجھے اعتبار بنا دیا

 

[تیشہ]

میرے دل کی راکھ کرید مت اسے مسکرا کے ہوا نہ دے
یہ چراغ پھر بھی چراغ ہے کہیں تیرا ہاتھ جلا نہ دے
نئے دور کے نئے خواب ہیں،نئے موسموں کے گلاب ہیں
یہ محبتوں کے چراغ ہیں انہیں نفرتوں کی ہوا نہ دے

میرے ساتھ چلنے کے شوق میں بڑی دھوپُ سر پہ اٹھائے گا
تیرا ناک نقشہ ہے موم کا کہیں غم کی آگ گھلا نہ دے

میں غزل کی شبنمی آنکھ سے یہ دکھوںُ کے پھول چناُ کروں
میری سلطنت میرا فن رہے مجھے تاج و تخت خداُ نہ دے ۔۔ ۔۔ ۔

 

[راجہ صاحب]

سلیقہ عشق میں میرا، بڑے کمال کا تھا
کہ اختیار بھی دل پر عجب مثال کا تھا

میں اپنے نقش بناتی تھی جس میں بچپن سے
وہ آئینہ تو کسی اور خط و خال کا تھا

 

[عمر سیف]

حسرت ہے کوئی غنچہ ہمیں پیار سے دیکھے
ارمان ہے کوئی پھول ہمیں دل سے پکارے ۔۔

 

[تیشہ]

تم چھپا لو میرا دل اوٹ میں اپنے دل کی
اور مجھے میری نگاہوں سے بھی اوجھل کردو
مسلہ ہوں تو نگاہیں نہ چراؤ مجھ سے
اپنی چاہت سے توجہ سے مجھے حل کردو
اپنے غم سے کہو ہر وقت میرے ساتھ رہے
ایک احسان کرو اسکو مسلسل کردو
مجھ پہ چھا جاؤ کسی آگ کی صورت جاناں
اور میری ذات کو سوکھا ہوا جنگل کردو

 

[راجہ صاحب]

اُلجھن تمام عمر یہ تار ِنفس میں تھی
دِل کی مُراد عاشقی میں یا ہوس میں تھی

 

[تیشہ]

ہر شام اسُ سے ملنے کی عادت سی ہوگئی
پھر رفتہ رفتہ اس سے محبت سی ہوگئی
اک نام جھلملانے لگا دل کے طاق پر
اِک یاد جیسے باعث ِراحت سی ہوگئی ۔ ۔