دیئے گئے لفظ پر شاعری - دوسرا دور

[شمشاد]

ہُوا رونے سے رازِ دوستی فاش
ہمارا گریہ تھا دشمن ہمارا!!!!!

میر تقی میر

گریہ

ضبط گریہ میں بھی گریہ تو کیا ہے میں نے
چپ رہا ہوں پہ تماشا تو کیا ہے میں نے
(مقصور وفا)

 

[شمشاد]

کوئی بھی رستہ بہت سوچ کر چنوں گا میں
اور اب کی بار اکیلا سفر کروں گا میں۔۔۔

ضیاء مذکور
سفر

سفر طویل سہی حاصل سفر یہ ہے
وہاں کو بھول گئے اور یہاں کو پہچانا
(وزیر آغا)

بھول

 

[سیما علی]

غم دوراں کے شوریدہ سمندر بھول جاتا ہوں
تری آنکھوں کے صدقے سارے محشر بھول جاتا ہوں

محشر

 

[سیما علی]

قریب ہے یارو روز محشر چھپے گا کشتوں کا خون کیوں کر
جو چپ رہے گی زبان خنجر لہو پکارے گا آستیں کا

آستین

 

[شمشاد]

یہ ہیں جو آستین میں خنجر کہاں سے آئے
تم سیکھ کر یہ خوئے ستم گر کہاں سے آئے
(محسن زیدی)

خنجر

 

[عطاء اللہ جیلانی]

مجھ کو مارا گلے لگا خنجر
جو توقع تھی تم سے پوری ہوئی

عرش سلطانپوری

توقع

 

[شمشاد]

جب توقع ہی اٹھ گئی غالبؔ
کیوں کسی کا گلہ کرے کوئی
(چچا)

گلہ

 

[عطاء اللہ جیلانی]

شوق سفر بے سبب اور سفر بے طلب
اس کی طرف چل دیے جس نے پکارا نہ تھا

شہزاد احمد

 

[ڈاکٹر عظیم سہارنپوری]

جب توقع ہی اٹھ گئی غالبؔ
کیوں کسی کا گلہ کرے کوئی
(چچا)

گلہ

وہ برا مانتے ہیں شکووں کا
ہم بھی ان سے گلہ نہیں کرتے

عظیم

 

[ڈاکٹر عظیم سہارنپوری]

کھل گیا سب پہ حالِ دل، ہنستے ہیں دوست برملا
ضبط کیا نہ رازِ عشق، دیدۂ تر نے کیا کیا

اکبرِؔ خستہ دل کا حال، قابلِ رحم ہو گیا
اس سے سلوک، کیا کہوں، تیری نظر نے کیا کیا

اکبر الٰہ آبادی

خستہ

دل ہے زخمی اور خستہ ہے جگر
جب سے دیکھا ہے کسی کو اک نظر

عظیم

نظر

 

[عطاء اللہ جیلانی]

نظر سے حد نظر تک تمام تاریکی
یہ اہتمام ہے اک وعدۂ‌ سحر کے لیے

حفیظ ہوشیارپوری


سحر

 

[مومن فرحین]

اس آخری نظر میں عجب درد تھا منیر
جانے کا اس کے رنج مجھے عمر بھر رہا

 

[مومن فرحین]

غم ہستی کا اسد کس سے ہو جز مرگ علاج
شمع ہر رنگ میں جلتی ہے سحر ہونے تک

غالب

رنگ

 

[سیما علی]

جو اس کے چہرے پہ رنگ حیا ٹھہر جائے
تو سانس، وقت، سمندر، ہوا ٹھہر جائے

شاعر نہیں معلوم

سمندر

 

[مومن فرحین]

وہ سمندر ہے تو پھر روح کو شاداب کرے
تشنگی کیوں مجھے دیتا ہے سرابوں کی طرح

پروین

شاداب

 

[ڈاکٹر عظیم سہارنپوری]

اس طرح سے کوئی شاداب کہاں ہو جائے
جب محبت پہ ہی دشمن یہ جہاں ہو جائے

عظیم

دشمن

 

[عطاء اللہ جیلانی]

جسے بھی دوست بنایا وہ بن گیا دشمن
یہ ہم نے کون سی تقصیر کی سزا پائی

فرحت عباس

دوست

 

[ڈاکٹر عظیم سہارنپوری]

بے زبانی پہ بھی دشمن یہ جہاں ہے اپنا
ہم جو کچھ کہہ دیں تو کیا جانے یہاں ہو جائے

عظیم

 

[مومن فرحین]

اے دوست آ بھی جا کہ میں تصدیق کر سکوں
سب لوگ کہہ رہے ہیں فضا خوشگوار ہے

تصدیق

 

[سیما علی]

جسے بھی دوست بنایا وہ بن گیا دشمن
یہ ہم نے کون سی تقصیر کی سزا پائی

فرحت عباس

دوست

شرطیں لگائی جاتی نہیں دوستی کے ساتھ
کیجے مجھے قبول مری ہر کمی کے ساتھ

وسیم بریلوی

قبول