دیئے گئے لفظ پر شاعری - دوسرا دور

[فوزیہ افضل]

سب ہوں گے اس سے اپنے تعارف کی فکر میں
مجھ کو میرے سکوت سے پہچان جائے گا

سکوت

 

[شکیل احمد خان23]

سکوتِ شہر ِ سُخن میں وہ پھول سا لہجہ
سماعتوں کی فِضا خواب خواب کردیگا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔پروین شاکر

وہ

 

[فوزیہ افضل]

وہ سوز و ساز وہ نغمہ خیال و خواب ہوا
مٹا کے ہم کو زمانہ بہت خراب ہوا

خواب

 

[سیما علی]

دیکھ تو چشمِ حقیقت سے مگر ریاض
وہ آنکھ ہی کیا دیکھ نہ سکے جو کوئی خواب

بے سبب امید لگا رکھی ہے کل سے
تعبیر کیا ملے گی جو دیکھا نہ کوئی خواب

تعبیر

 

[شکیل احمد خان23]

اُٹھو یہ منظرِ شب تاب دیکھنے کے لیے
کہ نیند شرط نہیں خواب دیکھنے کے لیے

کہ

 

[سیما علی]

پانی نہیں کہ اپنے ہی چہرے کو دیکھ لوں
منظر زمیں کے ڈھونڈتا ہوں ماہتاب میں

پھر تیرگی کے خواب سے چونکا ہے راستہ
پھر روشنی سی دوڑ گئی ہے سحاب میں

سحاب

 

[شکیل احمد خان23]

ڈالی گئی جو فصلِ خزاں میں شجر سے ٹُوٹ
ممکن نہیں ۔۔،ہری ہو سحابِ بہا ر سے


ہو

 

[سیما علی]

شَرابِ حُسن سے گَر ہو نہ تِشنَگی سیراب
جَواز یہ ہے کہ تُو نے سَراب دیکھا تھا

عجیب دَور تھا ایک ایک پَل تھی نیند حَرام
اَور اُس پہ دونوں نے اِک مِل کَے خواب دیکھا تھا

پَل

 

[شکیل احمد خان23]

میں پل دو پل کا شاعر ہوں پل دو پل مری کہانی ہے
پل دو پل میری ہستی ہے پل دو پل مری جوانی ہے
۔۔۔۔شاعر۔۔۔۔

 

[فوزیہ افضل]

میں وہ شاعر ہوں جو شاہوں کا ثنا خواں نہ ہوا
یہ وہ جرم ہے جو مجھ سے کسی عنواں نہ ہوا
اس گنہ پر میری اک عمر اندھیرے میں کٹی
مجھ سے اس موت کے میلے میں چراغاں نہ ہوا

عمر

 

[سیما علی]

اک عمر کٹ گئی اسی اضطراب میں
وہ کون شخص تھا جسے دیکھا تھا خواب میں
ساقی امر وہوئ
اضطراب

 

[شمشاد]

باہزاراں اضطراب و صدہزاراں اشتیاق
تجھ سے وہ پہلے پہل دل کا لگانا یاد ہے
حسرتؔ موہانی

اشتیاق

 

[سیما علی]

سراب ہوں میں تری پیاس کیا بجھاؤں گی
اس اشتیاق سے تشنہ زباں قریب نہ لا

تشنہ

 

[فوزیہ افضل]

دنیا بھی عجب قافلہ تشنہ لباں ہے
ہر شخص سرابوں کے تعاقب میں رواں ہے
تنہا تیری محفل نہیں ہوں کہ میرے ساتھ
اک لذت پابندی اظہار و بیاں ہے

محفل

 

[سیما علی]

اور شہروں میں سنی محفلِ یاراں ہی کی بات
نہ حکایت کبھی ایسی نہ شکایت اتنی
تیرِ مژگاں بھی کبھی اُن کو پہونچنے نہ دیا
گو خود ہی سے ہے آنکھوں کو محبت اتنی

• پروفیسر عزیز احمد

مژگاں

 

[شمشاد]

کن نیندوں اب تو سوتی ہے اے چشم گریہ ناک
مژگاں تو کھول شہر کو سیلاب لے گیا
میر تقی میر

سیلاب

 

[فوزیہ افضل]

چشم گریاں میں وہ سیلاب تھے اے یار کہ بس
گرچہ کہتے رہے مجھ سے میرے غم خوار کہ بس
گھر تو کیا گھر کی شباہت بھی نہیں ہے باقی
ایسے ویراں ہوئے ہیں درو دیوار کہ بس
احمد فراز

درو دیوار

 

[سیما علی]

دود داغ سر سودا زدہ کرتا ہے سیاہ
اے جنوں ہم کبھی رکھتے ہیں جو دستار سفید
روشن اے ماہ کیا تو نے سیہ خانہ مرا
تیرے جلوے سے ہوئے ہیں در و دیوار سفید

امام بخش ناسخ

جلوے

 

[شمشاد]

مجھے بھی لوگ کہتے ہیں کہ یہ جلوے پرائے ہیں
مرے ہم راہ بھی رسوائیاں ہیں میرے ماضی کی
ساحر لدھیانوی

رسوا

 

[فوزیہ افضل]

کھلتا کسی پہ کیوں میرے دل کا معاملہ
شعروں کے انتخاب نے رسوا کیا مجھے

مجھے