دیئے گئے لفظ پر شاعری - دوسرا دور

[شمشاد]

​

کیسی آنکھیں تھیں کہ جن آنکھوں سے دنیا دیکھی​

کیسی دنیا تھی جسے خواب دگر جانتے ہیں​

(جمیل)​

​

​

دنیا​

 

[مہ جبین]

انشاء جی دنیا والوں میں بے ساتھی بے دوست رہے
جیسے تاروں کے جھرمٹ میں تنہا اور اداس چاند
انشاء جی

جھرمٹ

 

[عمر سیف]

نگاروں کے میلے ستاروں کے جھرمٹ
بہت دلنشیں ہیں بہاروں کے جھرمٹ

دلنشیں

 

[شمشاد]

​

نظارے ہیں وطن کے دلنشیں، جیسے کہ پہلے تھے​

مگر افسوس ہم ویسے نہیں جیسے کہ پہلے تھے​

(محروم)​

​

​

وطن​

 

[فرحت کیانی]

حب وطن از ملکِ سلیمان خوشتر
خارِ وطن از سنبل و ریحان خوشتر

خار

 

[شمشاد]

تھے خار زار نمایاں ہر ایک منظر میں
شکستہ پائی کو دیکھا تو راہ پھیل گئی
(عارف منصور)


راہ

 

[عمر سیف]

میں ازل سے یونہی پڑا ہوا تیرے واسطے کسی راہ میں
مگر اے صنم میرے واسطے ,کوئی آہ توُ نہ جگا سکا

صنم

 

[محمداحمد]

پتھر کے خدا، پتھر کے صنم، پتھر کے ہی انساں پائے ہیں​

تم شہرِ محبت کہتے ہو، ہم جان بچا کر آئے ہیں​

​

اگلا لفظ: پتھر​

 

[عمر سیف]

پتھر کُوٹنے والوں کو بھی شیشے جیسی سانس مِلے!
محسنؔ روز دُعائیں مانگیں زخمی ہاتوں والے لوگ

زخمی

 

[محمداحمد]

کبھی زخمی کروں پاؤں، کبھی سر پھوڑ کر دیکھوں
میں اپنا رخ کسی جنگل کی جانب موڑ کر دیکھوں

جنگل

 

[شمشاد]

میں اذل سے یونہی پڑا ہوا تیرے واسطے کسی راہ میں
مگر اے صنم میرے واسطے کوئی آہ تو نہ جگا سکا

صنم

ازل حرف ز سے ہے نہ کہ ذ سے۔

دوسرا یہ کہ دوسرے مصرعے کی سمجھ نہیں آئی۔

 

[شمشاد]

قیس جنگل میں اکیلا ہے مجھے جانے دو​

خوب گذرے گی جو مل بیٹھیں گے دیوانے دو​

(سیاح)​

​

​

دیوانہ​

 

[صائمہ شاہ]

قیس جنگل میں اکیلا ہے مجھے جانے دو
خوب گذری گی جو مل بیٹھیں گے دیوانے دو

شکایت

 

[محمداحمد]

بہت چپ ہو شکایت چھوڑ دی کیا
رہ و رسمِ محبت چھوڑ دی کیا

لیاقت علی عاصم

اگلا لفظ: چپ

 

[محمداحمد]

قیس جنگل میں اکیلا ہے مجھے جانے دو
خوب گذری گی جو مل بیٹھیں گے دیوانے دو

شکایت

ویسے کیا کوئی بھی لفظ دیا جا سکتا ہے یا اس لفظ کا آپ کے دیئے ہوئے شعر میں ہونا ضروری ہے۔

 

[محمداحمد]

قیس جنگل میں اکیلا ہے مجھے جانے دو​

خوب گذرے گی جو مل بیٹھیں گے دیوانے دو​

(سیاح)​

​

​

دیوانہ​

بدنام میرے پیار کا افسانہ ہوا ہے
دیوانے بھی کہتے ہیں کہ دیوانہ ہوا ہے

 

[عمر سیف]

ازل حرف ز سے ہے نہ کہ ذ سے۔

دوسرا یہ کہ دوسرے مصرعے کی سمجھ نہیں آئی۔

میں ازل سے یونہی پڑا ہوا ، تیرے واسطے کسی راہ میں
مگر اے صنم ! میرے واسطے، کوئی آہ تُو نہ جگا سکا
اس میں کیا سمجھ نہیں آیا ؟؟

 

[محمداحمد]

میں ازل سے یونہی پڑا ہوا ، تیرے واسطے کسی راہ میں
مگر اے صنم ! میرے واسطے، کوئی آہ تُو نہ جگا سکا
اس میں کیا سمجھ نہیں آیا ؟؟

شاید یہ کہ "آہ جگانے" سے کیا مراد ہے؟

 

[شمشاد]

بدنام میرے پیار کا افسانہ ہوا ہے
دیوانے بھی کہتے ہیں کہ دیوانہ ہوا ہے

آپ نے اگلا لفظ نہیں دیا، تو میں نے خود ہی "بدنام" چُن لیا۔

​

اب زلیخا کو نہ بدنام کرے گا کوئی​

اس کا دامن بھی دریدہ، مرے دامن کی طرح​

(مرتضیٰ برلاس بیگ)​

​

​

دامن​

 

[عمر سیف]

کہیں ایسا نہ ہو دامن جلا لو
ہمارے آنسوؤں پر خاک ڈالو
منانا ہی ضروری ہے تو پھر تم
ہمیں سب سے خفا ہو کر منا لو

منانا ۔۔ مناؤ ۔۔