دیئے گئے لفظ پر شاعری - دوسرا دور

[عدیل منا]

مکاں سے لا مکاں کردیا شوقِ بادہ و جام نے
مقامِ عبرت ہے، چلا ہوں گئے وقت کو تھامنے
"عدیل"
عبرت

 

[عمر سیف]

اس عالمِ حیرت و عبرت میں کچھ بھی تو سراب نہیں ہوتا
کوئی نیند مثال نہیں بنتی، کوئی لمحہ خواب نہیں ہوتا

مثال

 

[محمداحمد]

لوگ صدموں سے مر نہیں جاتے
سامنے کی مثال ہے میری

انور شعور

اگلا لفظ : صدمہ

 

[شمشاد]

دم عشق میں کیا دلِ مجبور رہ گیا​

صدمہ کسی سے اٹھ نہ سکا، کوئی سہہ گیا​

(داغ دہلوی)​

مجبور

 

[عمر سیف]

ہے نفس کے ہاتھوں تو مجبور کتنا
سب جان کے بھی ہے تو لاشعور کتنا
جس چہرے نے ہے ایک دن مٹی میں ملنا
اس چہرے پے ہے تجھے غرور کتنا

لاشعور

 

[محمداحمد]

ہے نفس کے ہاتھوں تو مجبور کتنا
سب جان کے بھی ہے تو لاشعور کتنا
جس چہرے نے ہے ایک دن مٹی میں ملنا
اس چہرے پے ہے تجھے غرور کتنا

لاشعور

لا شعور پر شعر تو کوئی یاد نہیں آرہا، لیکن اس شعر میں 'لاشعور' سے زیادہ 'بے شعور' کا محل نظر آتا ہے۔

 

[شمشاد]

تو ایسا کرتے ہیں کہ انور شعور کا کوئی شعر لکھ دیتے ہیں۔

میں زندگی ہوں مجھے اس قدر نہ چاہ شعور​

مسافرانہ اقامت گزیں ہے تو مجھ میں​

(انور شعورؔ)​

​

مسافر​

 

[فرحت کیانی]

اب کوئی آئے تو کہنا کہ مسافر تو گیا
یہ بھی کہنا بھلا اب بھی نہ جاتا لوگو!

ابنِ انشاء

اب

 

[محمداحمد]

اب بھی اوجھل ہے نگاہوں سے نشانِ منزل
زندگی تو ہی بتا کتنا سفر باقی ہے

اگلا لفظ: اوجھل

 

[عدیل منا]

تم چھپالو میر ا دل اپنے دل میں​

اور مجھے میری نگاہ سے بھی اوجھل کردو۔​

اگلا لفظ: دل

 

[شمشاد]

یہی ہے عزم کہ دل بھر کے آج رو لیجیے​

کہ کل یہ دیدۂ پُرنم رہے رہے نہ رہے​

(نظیر اکبر آبادی)​

​

دیدہ​

 

[محمداحمد]

رات بھر دیدہ ء نمناک میں لہراتے رہے
سانس کی طرح سے آپ آتے رہے، جاتے رہے

سانس

 

[شمشاد]

سماعتوں میں گھنے جنگلوں کی سانسیں ہیں​

میں اب بھی تیری آواز سن نہ پاؤں گی​

(پروین شاکر)​

​

​

آواز​

 

[محمداحمد]

آواز دے کہ دیکھ لو شاید وہ مل ہی جائے
ورنہ یہ عمر بھر کا سفر رائیگاں تو ہے

عمر

 

[شمشاد]

ہر دھڑکتے پتھر کو لوگ دل سمجھتے ہیں​

عمریں بیت جاتی ہیں دل کو دل بنانے میں​

(بشیر بدر)


پتھر

 

[عدیل منا]

جس نے رکھا ہے زمانے میں محبت کابھرم
ایسے شخص کو پتھر تو نہ مارو لوگو

بھرم

 

[شمشاد]

کچھ تو مرے پندارِ محبت کا بھرم رکھ​

تو بھی تَو کبھی مجھ کو منانے کے لئے آ​

(فراز)​

​

محبت​

 

[عمر سیف]

یہ رکھ رکھاؤ محبت سکھا گئی اُس کو
وہ روٹھ کر بھی مجھے مُسکرا کے ملتا ہے

روٹھ

 

[شمشاد]

ویراں ہے میکدہ، خم و ساغر اداس ہیں​

تم کیا گئے کہ رُوٹھ گئے دن بہار کے​

(فیض احمد فیض)​

​

​

میکدہ​

 

[عمر سیف]

زاہد کو میکدے میں کوئی پوچھتا نہیں
پھر اس پہ یہ غرور کہ میں برگزیدہ ہوں

برگزیدہ