دیئے گئے لفظ پر شاعری - دوسرا دور

[عمر سیف]

ممکن نہیں کہ بھول کے بھی آرمیدہ ہوں
میں دشتِ غم میں آہوئے صیّاد دیدہ ہوں
اہلِ وَرَع کے حلقے میں ہر چند ہوں ذلیل
پر عاصیوں کے زمرے میں مَیں برگزیدہ ہوں

ذلیل

 

[شمشاد]

مرا نام و نسب کیا پوچھتے ہو​

ذلیل و خوار و رُسوا آدمی ہوں​

(انور شعور)​

​

​

آدمی​

 

[محمداحمد]

آدمی سے انساں تک آگئے تو جانو گے
کیوں چراغ کے نیچے روشنی نہیں ملتی

اگلا لفظ: چراغ

 

[شمشاد]

آندھیاں میرے چراغوں کے تعاقب میں چلیں​

یوں بھی بے وجہ عناصرکو جلال آتا ہے​

(دوام)​

​

​

آندھی​

 

[محمداحمد]

آندھی چلی تو نقشِ کفِ پا نہیں ملا
دل جس سے مل گیا تھا دوبارہ نہیں ملا

مصطفیٰ زیدی

نقش

 

[شمشاد]

سو بار موت کو بھي بنايا ہے ہمسفر​

ہمزندگي کے نقش ابھارے چلے گئے
(خالد حفیظ)

موت

 

[عمر سیف]

کون کہتا ہے کہ موت آئی تو مر جاؤں گا
میں تو دریا ہوں سمندر میں اُتر جاؤں گا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مر

 

[شمشاد]

​

جاں بَلَب دیکھ کے مجھ کو مرے عیسیٰ نے کہا​

لا دوا درد ہے یہ، کیا کروں، مر جانے دو​

(سیاح)​

​

​

درد​

 

[مزمل حسین]

بعد مرنے کے مری قبر پہ آیا وہ میر
یاد آئی مرے عیسی کو دوا میرے بعد

 

[مزمل حسین]

شمشاد بھائی معاف کیجیے گا آپ کا "درد" دیکھ نہ پایا.
خنجر چلے کسی پہ، تڑپتے ہیں ہم امیر
سارے جہاں کا درد ہمارے جگر میں ہے
اگلا لفظ "قامت"

 

[شمشاد]

کوئی بات نہیں جناب، ہم آپ کی "قامت" سے آگاہ ہیں۔
------------------------------------------------------

فروغِ صنعتِ قد آوری کا موسم ہے
سبک ہوئے پہ بھی نکلا ہے قد و قامت کیا
(افتخار عارف)


موسم

 

[محمداحمد]

موسم مزاج تھا نہ زمانہ سرشت تھا
میں اب بھی سوچتی ہوں وہ کیسے بدل گیا

پروین شاکر

مزاج

 

[شمشاد]

کبھی پوچھاس کے دل سے کہ یہ خوش مزاج شاعر​

بہت اپنی شاعری میں جو اداس ہے تو کیوں ہے
(اعتبار ساجد)


اداس

 

[مزمل حسین]

حل نکالا ہے یہ اداسی کا
اب مکمل اداس رہتا ہوں
اچھا تو اگلا لفظ بھی شعر میں سے ہو
مکمل

 

[شمشاد]

جی مزمل بھائی یہی اس کھیل کا اصول بنایا گیا تھا کہ اگلا لفظ دیئے گئے شعر میں سے ہی ہو۔
------------------------------------------------------------------------------

خال و خد اتنے مکمل تھے کسی چہرے کے​

رنگ بھی پیکرِ تصویر سے حیراں نکلا
(منصور آفاق)

تصویر

 

[مزمل حسین]

آ کے گرا تھا ایک پرندہ لہو میں تر
تصویر اپنی چھوڑ گیا ہے چٹان پر
(شکیب جلالی)

 

[مزمل حسین]

لہو

 

[شمشاد]

جب ساز سلاسل بجتے تھے ، ہم اپنے لہو میں سجتے تھے ​

وہ رِیت ابھی تک باقی ہے ، یہ رسم ابھی تک جاری ہے
(فراز)


رسم

 

[مزمل حسین]

کم ابھی گرچہ رسم و راہ نہیں
اب وہ پہلی تری نگاہ نہیں
نگاہ

 

[شمشاد]

بس اک نگاہ سے لٹتا ہے قافلہ دل کا​

سو راہ روانِ تمنا بھی ڈرکے دیکھتے ہیں
(فراز)


قافلہ