دیئے گئے لفظ پر شاعری

[تیشہ]

جب خوشی سے آئی تھی خود ہوا دریچے تک
دل کو چھو رہا ہے پھر ایک غم کا جھونکا کیوں ،

خوشی ۔

 

[الف عین]

گڑے مردے۔۔ مطلب گم شدہ تانے بانے نکالنے کا شکریہ شاذیہ۔
فراز ہی لو:
اسے بھی ہم نے گنوایا تری خوشی کے لئے
تجھے بھی دیکھ لیا ہے ارے زمانے جا

زمانے۔۔

 

[شمشاد]

یہ جو ہر طرف بے حسی چھا رہی ہے
زمانے کی اس کو ہوا کہہ رہے ہو
(ناہید ورک)

ہوا

 

[تیشہ]

ہوا کے ساتھ جنکے رخ بدل جاتے ہیں پل بھر میں
رفاقت میں وہ اپنی راہ طولانی نہیں رکھتے ۔

رفاقت ،

 

[شمشاد]

وہ جو اک رفاقت تھی اب کہاں رہی باقی
عمر بھر کا رشتہ بھی دو گھڑی سا لگتا ہے
نزھت عباسی)


رشتہ

 

[محمد وارث]

بڑا ہے درد کا رشتہ، یہ دل غریب سہی
تمہارے نام پہ آئیں گے غمگسار چلے

(فیض)

غمگسار

 

[شمشاد]

تری نگاہ کسی غمگسار کو ترسے
خزاں رسیدہ تمنا بہار کو ترسے
(فیض)

تمنا

 

[تیشہ]

پہلے اس دل میں جتنی تمنائیں تھیں سب کو رخصت کیا
پھر دل مبتلا کو بھی یکبارگی کہہ دیا الوداع

الوداع ۔

 

[مغزل]

پیشِ نظر ہے نزع کی گھڑی چلتا ہوں
اب تو یادِ رفتہ مجھے الوداع کہہ دے

: یادِ رفتہ :

 

[راجہ صاحب]

یاد رفتہ کی وجہ سے ابھی تک یہ لڑی یہیں رکی ہے
تو پھر نیا شعر کیوں نا لکھا جائے

جاگے ہیں افلاس کے مارے، اُٹھے ہیں بے بس دکھیارے
سینوں میں طوفاں کا تلاطم ، آنکھوں میں بجلی کے شرارے

تلاطم

 

[راجہ صاحب]

یہ کیا یہ دھاگہ ابھی تک یہاں ہی اٹکا ہوا ہے

 

[Fari]

یاد رفتہ کی وجہ سے ابھی تک یہ لڑی یہیں رکی ہے
تو پھر نیا شعر کیوں نا لکھا جائے

جاگے ہیں افلاس کے مارے، اُٹھے ہیں بے بس دکھیارے
سینوں میں طوفاں کا تلاطم ، آنکھوں میں بجلی کے شرارے

تلاطم

محصور ِ تلاطم آج بھی ہو، گو تم نے کنارے ڈھونڈ لیئے
طوفاں سے سنبھلے ہم بھی نہیں، کہنے کو سہارے ڈھونڈ لیئے

طوفاں

 

[راجہ صاحب]

ساحل پہ ہوئے آج یہ کیوں غرق سفینے
طوفاں تو کوئی سامنے حائل نہ ہوا تھا

ساحل

 

[سید محمد نقوی]

وہ وقت آگیا ہے کہ ساحل کو چھوڑ کر
گھرے سمندروں میں اتر جانا چاہیے
فراز

کتاب

 

[شمشاد]

وہ وقت آگیا ہے کہ ساحل کو چھوڑ کر
گھرے سمندروں میں اتر جانا چاہیے
فراز

کتاب

کھیل کا اصول یہ ہے کہ دیئے گئے شعر میں سے ہی کوئی لفظ دینا ہوتا ہے۔ جبکہ " کتاب " کا لفظ آپ کے دیئے شعر میں نہیں ہے۔

 

[محمداحمد]

سمندروں کو بھی حیرت ہوئی کہ ڈوبتے وقت
کسی کو ہم نے مدد کے لئے پکارا نہیں
وہ ہم نہیں‌تھے تو پھر کون تھا سرِ بازار
جو کہہ رہا تھا کہ بکنا ہمیں‌گوارا نہیں

حیرت

 

[شمشاد]

حیرت غرور ِحسن سے شوخی سے اضطراب
دل نے بھی تیرے سیکھ لیے ہیں چلن تمام
(حسرت موہانی)


شوخی

 

[سید محمد نقوی]

عرضِشوخی نشاطِ عالم ہے
حسن کو اور خود نما کیجے
غالب

نشاط

کھیل کا اصول یہ ہے کہ دیئے گئے شعر میں سے ہی کوئی لفظ دینا ہوتا ہے۔ جبکہ " کتاب " کا لفظ آپ کے دیئے شعر میں نہیں ہے۔

مجھے معلوم نہیں تھا، معذرت

 

[راجہ صاحب]

چند کلیاں نشاط کی چن کر
مدتوں محو یاس رہتا ہوں
تیرا ملنا خوشی کی بات سہی
تجھ سے مل کر اداس رہتا ہوں

ساحر

اداس

 

[شمشاد]

اب اداس پھرتے ہو سردیوں کی شاموں میں
اس طرح تو ہوتا ہے اس طرح کے کاموں میں
(شعیب بن عزیز)


شام