دیئے گئے لفظ پر شاعری

[شاہ حسین]

جلوۂ شامِ طرب سے ہو کے بسمل روئیے
خندۂ صبح ظفر پر مثلِ شبنم روئیے

(جوش)

خلوص

 

[شمشاد]

چمکتے ہیں سبھی چہرے مگر نہ جانے کیوں
خلوص سے ہیں یہاں پر تمام دل عاری
(نزہت عباسی)


چہرہ / چہرے

 

[شاہ حسین]

مدّت رہے گی یاد ترے چہرے کی جھلک
جلوے کو جس نے ماہ کے جی سے جلادیا ۔

میر

جلوہ / جلوے

 

[شمشاد]

جلوہء دوست بھی دھندلا گیا آخر کو فراز
ورنہ کہنے کو تو غمِ دل کی جلا ہے سو کہاں ۔ ۔
(فراز)

غم

 

[شاہ حسین]

میں نے سمجھا تھا کہ تو ہے تو درخشاں ہے حیات
تیرا غم ہے تو غمِ دہر کا جھگڑا کیا ہے

فیض

جھگڑا

 

[شمشاد]

کرتا نہ جنوں خیز اُسے خونِ جگر سے
ایسا بھی میرا یاد سے جھگڑا تو نہیں تھا



یاد

 

[محمود احمد غزنوی]

رات کی رانی کا جھونکا تھی کسی کی یاد بھی
دیر تک آنگن مرے احساس کا مہکا رہا۔ ۔۔ ۔ ۔ ۔ ۔ ۔ ۔

رات

 

[شمشاد]

پریشاں رات ساری ہے، ستارو تم تو سو جاؤ
سکوتِ مرگ طاری ہے، ستارو تم تو سو جاؤ
(قتیل شفائی)


پریشاں

 

[محمود احمد غزنوی]

پریشاں ہو کے میری خاک آخر دل نہ بن جائے
جو مشکل اب ہے یا رب، پھر وہی مشکل نہ بن جائے

مشکل

 

[شمشاد]

ترکِ محبت، ترکِ تمنا کر چکنے کے بعد
ہم پہ یہ مشکل آن پڑی ہے کیسے بھلائیں تمہیں
(ظہور نظر)

تمنا

 

[فہیم]

کوئی حسرت بھی نہیں ، کوئی تمنا بھی نہیں
دل وہ آنسو جو کسی آنکھ سے چھلکا بھی نہیں

(احمد راہی)

آنسو

 

[الف عین]

تمناؤں میں الجھایا گیا ہوں
کھلونے دے کے بہلایا گیا ہوں

کھلونا/ کھلونے

 

[فہیم]

دل کا کھلونا ہائے ٹوٹ گیا
کوئی لٹیرا آکے لوٹ گیا۔

لیٹرا

 

[شمشاد]

خاصا مشکل لفظ ہے۔ تو ایک گانے کے بول یاد آ رہے ہیں۔

میری جاں جانا نہ وہاں
کوئی پیار کا لٹیرا لوٹے نہ میری جاں


جان / جاں

 

[شاہ حسین]

کل وعدہ گاہ سے جوں توں کی ہم کو لائے
ہونٹوں پہ جاں آئی پر آہ وے نہ آئے

میر

کل

 

[شمشاد]

چھوڑو عہدِ وفا کی باتیں، کیوں جھوٹے اقرار کریں
کل میں بھی شرمندہ ہوں گا ، کل تم بھی پچھتاؤ گے
(احمد فراز)


جھوٹا / جھوٹ

 

[تیشہ]

تمام لفظ و معافی بھی جھوٹ ہیں ساجد
ہمارے عہد کی سچائیاں بھی جھوٹی ہیں ۔۔

عہد ،

 

[راجہ صاحب]

جگنو کو دن کے وقت پرکھنے کی ضد کریں
بچے ہمارے عہد کے چالاک ہو گئے

پروین شاکر

اگلا لفظ

جگنو

 

[تیشہ]

میں لاؤں گی جگنو ،
مگر رات کو ڈھونڈ کے لاؤں گی ۔

 

[راجہ صاحب]

ہمارے یہاں رات ہی ہے