دیئے ہوئے لفظ پر شاعری۔۔

[عاصم ملک]

مسکرانے سے میرا درد چھپا رہتا ہے
اک پردہ سا زمانے سے بنا رہتا ہے

درد

 

[جاویداقبال]

السلام علیکم ورحمۃ اللہ وبرکاتہ،

درد دل کے واسطے پیداکیاانسان کو
ورنہ طاعت کے کم نہ تھے کروبیاں

(علامہ اقبال رحمۃ اللہ )


نوٹ: شکریہ استاذمحترم، لفظ ہے ۔ دل

والسلام
جاویداقبال

 

[الف عین]

جاوید اقبال۔ اس بیت بازی میں دئے ہوئے شعر سے ہی لفظ چنا جاتا ہے اگلے شعر کے لئے۔ محبت تو آپ کے شعر میں ہے ہی نہیں۔ ۔ مزید یہ کہ شعر میں بھی غلطی ہے، درست ہے
طاعت
نہ کہ
اطاعت

 

[شمشاد]

دل اور وہ بھی ٹوٹا ہوا دل
اب زندگی ہے جینے کے قابل
(تسکین قریشی)

“ ٹوٹا “

 

[سارہ خان]

تمھارے دل میں میری چاہتوں کا
کوئی تو بیج سا پھوٹا ہوا ہے
کسی کے نام لگ جائے بلا سے
یہ دل پہلے سے ہی ٹوٹا ہوا ہے

نام

 

[شمشاد]

آتے آتے میرا نام سا رہ گیا
اس کے ہونٹوں پر کچھ کانپتا رہ گیا
(وسیم بریلوی)

اگلا لفظ “ ہونٹ “

 

[ڈاکٹر عباس]

ہونٹوں پہ کبھی ان کے میرا نام ہی آئے
آئے تو سہی ، برسرِ الزام ہی آئے
الزام​

 

[الف عین]

ہونٹوں پہ کبھی ان کے مرا نام ہی آئے
آے تو سہی بر سرِ الزام ہی آئے

ہونٹ

 

[شمشاد]

ہونٹوں پہ محبت کے فسانے نہیں آتے
ساحل پہ سمندر کے خزانے نہیں آتے
(بشیر بدر)

اگلا لفظ “ سمندر “

 

[الف عین]

مجھے سکوتِ سمندر دکھائ دینے لگا
ہوا کے ہاتھ میں خنجر دکھائ دینے لگا

خنجر

 

[شمشاد]

ابھی اور تیز کر لے سرِ خنجر ادا کو
میرے خون کی ہے ضرورت تیری شوخیِ حنا کو
(علی سردار جعفری)

اگلا لفظ “ خون “

 

[الف عین]

دل کو خوں کر کے شعر کہیے عبید
عاشقی کی سزائیں کیا کیا ہیں۔
سزا

 

[عبدالجبار]

سزا کے طور پر ہم کو دیا قفس فرحت
بہت تھا شوق ہمیں‌آشیاں بنانے کا

اگلا لفظ “قفس“​

 

[شمشاد]

قفس میں رودادِ چمن کہتے ہوئے نہ ڈر ہمدم
گری ہے جس پہ کل بجلی وہ میرا آشیاں کیوں ہو

اگلا لفظ “ چمن “

 

[عبدالجبار]

سو بار چمن مہکا سو بار بہار آئی
دنیا کی وہی رونق دل کی وہی تنہائی
دیکھے ہیں بہت ہم نے ہنگامے محبت کے
آغاز بھی رُسوائی ، انجام بھی رُسوائی

اگلا لفظ “ تنہائی “​

 

[سارہ خان]

دعا کا ٹوٹا ہوا حرف سرد آہ میں ہے
تیری جدائی کا منظر ابھی نگاہ میں ہے
میں بچ بھی جاؤں تو تنہائی مار ڈالے گی
میرے قبیلے کا ہر فرد قتل گاہ میں ہے ۔۔

جدائی۔۔

 

[عبدالجبار]

مرے لب سے مری اپنی کہانی کیوں نہیں جاتی
جدائی کے دنوں میں رُت سہانی کیوں نہیں جاتی
بہت غم ہے مجھے تڑپا کے تُو نے مجھ کو چھوڑا ہے
تجھے پانے کی یہ حسرت پُرانی کیوں نہیں جاتی
ہے تُو مانوس کیوں جّبار اتنا اُن کے کوچے سے
تری اُن کی گلی میں آنی جانی کیوں نہیں جاتی

اگلا لفظ “مانوس“​

 

[سارہ خان]

مرے لب سے مری اپنی کہانی کیوں نہیں جاتی
جدائی کے دنوں میں رُت سہانی کیوں نہیں جاتی
بہت غم ہے مجھے تڑپا کے تُو نے مجھ کو چھوڑا ہے
تجھے پانے کی یہ حسرت پُرانی کیوں نہیں جاتی
ہے تُو مانوس کیوں جّبار اتنا اُن کے کوچے سے
تری اُن کی گلی میں آنی جانی کیوں نہیں جاتی

اگلا لفظ “مانوس“​

کیا یہ آپ کی اپنی شاعری ہے عبدالجبار۔۔؟

 

[عبدالجبار]

جی الحمدللہ!

ویسے یہ پوری غزل میں محفل میں اس صفحہ پر لکھ چکا ہوں۔

http://www.urduweb.org/mehfil/viewtopic.php?t=5251

مزید میری شاعری درج ذیل لنک پر بھی موجود ہے۔

http://www.oururdu.com/forum/viewtopic.php?t=96

 

[شمشاد]

تیرے خیال سے لو دے اٹھی ہے تنہائی
شبِ فراق ہے یا تیری جلوہ آرائی
(ناصر کاظمی)

اگلا لفظ “ شبِ فراق “