دیئے ہوئے لفظ پر شاعری۔۔

[شمشاد]

یو ہیں دکھ کسی کو دینا نہیں خوب ورنہ کہتا
کہ مرے عدو کو یار ب ملے میری زندگانی
(غالب)

اگلا لفظ “ عدو “

 

[الف عین]

یہی ہے آزمانا تو ستانا کس کو کہتے ہیں
عدو کے ہو لیے جب تم تو میرا امتحاں کیوں ہو
چچا ہی

امتحان

 

[شمشاد]

بے دماغِ خجلت ہوں، رشکِ امتحاں تاکے
ایک بیکسی تجھ کو عام آشنا پایا
(غالب)

“ آشنا “

 

[الف عین]

فقط اس لفافے پر ہے کہ خط آشنا کو پہنچے
تو لکھا ہے اس نے انشا یہ ترا ہی نام اُلٹا


الٹا

 

[شمشاد]

بہت ہی زبردست شعر ہے اعجاز بھائی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

واں کنگرِ استغنا ہردم ہے بلندی پر
یاں نالے کو اور الٹا دعوائے رسائی ہے
(غالب)

“ نالہ “

 

[الف عین]

بوئے گلن؂ نالۂ دل دودِ چراغِ محفل
جو تری بزم سے نکلا سو پریشاں نکلا
چچا

پریشاں، پریشان

 

[شمشاد]

زلف تحریرِ پریشانِ تقاضا ہے مگر
شانہ ساں مُو بہ زباں خامۂ مانی مانگے
(غالب)

 

[سارہ خان]

اگلا لفظ شمشاد بھائی ؟ ذرا آسان دیجئے گا ۔۔۔

 

[شمشاد]

ہیں اگلا لفظ ہی لکھنا بھول گیا۔

چلیں اگلا لفظ ہے “ تحریر “

 

[الف عین]

حدِ نظر لکیر تھی تحریرِ آبِ زر
اک منجمد نشان افق پر بھی تھا کبھی

افق

 

[عمر سیف]

مکان اور نہیں ہے بدل گیا ہے مکیں
اُفق وہی ہے مگر چاند دوسرا ہے کوئی


اب اگلا حرف “مکیں“

 

[شمشاد]

درد ہے دل کا مکیں اس کو نکالے بھی تو کون؟
یہ بھی موتی کی طرح سیپ میں پلتا ہوگا
(فاخرہ بتول)

اگلا لفظ “ موتی “

 

[الف عین]

موتی سمجھ کے شانِ کریمی نے چم لئے
قطرے جو تھے مرے عرقِ انفعال کے

قطرہ

 

[شمشاد]

دل میں پھر گریے نے اک شور اُٹھایا غالب
آہ جو قطرہ نہ نکلا تھا، سو طوفاں نکلا
(غالب)

اگلا لفظ “ طوفان)

 

[عمر سیف]

یہ دُکھ جو برف کا طوفان بن کے آیا ہے
پہاڑ والوں پہ کیسے عذاب لایا ہے
(پروین شاکر)

الگا حرف ‘ پہاڑ ‘

 

[الف عین]

پہاڑ تو نہیں پہاڑ سی رات چلے گی؟؟
گزارنی تھی ترے ہجر کی پہاڑ سی رات
میں تارِ ریشم و زر کا دوشالہ کیا کرتا
ریشم
اتنا مشکل تو نہیں نا؟؟

 

[سارہ خان]

ہاتھ الجھے ہوئے ریشم میں پھنسا بیٹھے ہیں
اب بتا کون سے دھاگے کو جد ا کس سے کریں
تو نے تو اپنی سی کرنی تھی سو کر لی خاور
مسئلہ یہ ہے کہ ہم اس کا گلہ کس سے کریں

اگلا لفظ ۔۔ گلہ

 

[محمد وارث]

جمع کرتے ہو کیوں‌ رقیبوں‌ کو
اک تماشہ ہوا گلہ نہ ہوا

لفظ - تماشہ

 

[سارہ خان]

بازیچہ اطفال ہے دنیا میرے آگے
ہوتا ہے شب و روز تماشہ میرے آگے

(مجھے ٹھیک سے یاد نہیں آ رہا پھر بھی لکھ دیا ۔۔ ہو سکتا ہے اس میں کچھ غلطی ہو۔۔

اگلا لفظ دنیا

 

[محمد وارث]

ترے آزاد بندوں کی نہ یہ دنیا، نہ وہ دنیا
یہاں مرنے کی پابندی، وہاں جینے کی پابندی

(اقبال)

لفظ - دنیا