دیئے ہوئے لفظ پر شاعری۔۔

[شمشاد]

نظر ہو خواہ کتنی ہی حقائق آشنا پھر بھی
ہجومِ کشمکش میں آدمی گھبرا ہی جاتا ہے
(جوش ملیح آبادی)

اگلا لفظ “ نظر “

 

[عمر سیف]

نظر آتا ہے جب کوئی حرف لوحِ عالم پر
میں اپنا نام لکھ کر اور مٹا کر دیکھ لیتا ہوں

اگلا لفظ ‘عالم‘

 

[شمشاد]

دونوں عالم کی ہو خیر یارب
پھر اک آہ کرنے کو جی چاہتا ہے

 

[عمر سیف]

اگلا لفظ؟

 

[شمشاد]

اگلا لفظ “ آہ “

 

[الف عین]

ہم آہ بھی بھرت ہیں تو ہو جاتے ہیں بد نام
وہ قتل بھی کرتے ہیں تو چرچا نہیں ہوتا

چرچا

 

[شمشاد]

اعجاز بھائی یہ کوئی نئے شاعر ہیں چچا کے مقابلے میں جو کرتے کی بجائے “ بھرت “ استعمال کرتے ہیں؟

 

[الف عین]

اوہو ۔ معاف کرنا شمشاد۔ آہ بھرتے اس وقت خیال آیا۔ اور ٹائپو الگ ہو گئی۔۔۔ آہ کرتے ہی درست ہے۔
اب تو چرچا کا چرچا ہو جائے یہاں۔

 

[شمشاد]

بُرّشِ تیغ کا اُس کی ہے جہاں میں چرچا
قطع ہو جائے نہ سر رشتۂ ایجاد کہیں
(غالب)

اگلا لفظ “ قطع “

 

[عمر سیف]

بہت مشکل لفظ۔

 

[شمشاد]

مجھے اس قطعِ رہ میں خوف گمراہی نہیں غالب
عصائے خضرِ صحرائے سخن ہے خامہ بیدل کا
(غالب)

اگلا لفظ “ خوف “

 

[عمر سیف]

پچھلے برس تھا خوف تجھے کھو نہ دوں کہیں
اب کے برس دُعا ہے تیرا سامنا نہ ہو

اگلا لفظ ‘ سامنا ‘

 

[شمشاد]

سب دئیے اُس کے سامنے گُل ہیں
کون شعلہ ہے کون شبنم ہے
(احمد فواد)

اگلا لفظ “ شبنم “

 

[عمر سیف]

روز پلکوں پہ یہ شبنم کو سجاتے کیوں ہو
اتنے خاموش ہیں آنسو تو چھپاتے کیوں ہو

اگلا لفظ ‘ چھپانا، چھپاتے‘

 

[شمشاد]

وہ جو کرتے تھے سب سے چھپا کے
اب وہ سب برملا ہو رہا ہے
(احمد فواد)

اگلا لفظ “ سب “

 

[عیشل]

شہر کے سب لوگ ٹھہرے اجنبی
زندگی تو کب مجھے راس آئے گی
اب تو صحرا میں بھی جی نہیں لگتا
دل کی ویرانی کہاں لے جائے گی

صحرا

 

[شمشاد]

شاید کوئی بندہِ خدا آجائے
صحرا میں اذان دے رہا ہوں
(سلیم احمد)

اگلا لفظ “ بندہ “

 

[عمر سیف]

ایک ہی صف میں کھڑے ہوگئے محمود و ایاز
نہ کوئی بندہ رہا نہ کوئی بندہ نواز

اگلا لفظ ‘ایک‘

 

[شمشاد]

نظر نہ آئے تو کیا میرے قیاس میں ہے
وہ ایک جھوٹ جو سچائی کے لباس میں ہے
(امید فاضلی)

اگلا لفظ “ نظر “

 

[عمر سیف]

نظر اٹھاؤ ذرا تم تو کائنات چلے
ہے انتظار کہ آنکھوں سے کوئی بات چلے

اب ‘ انتظار ‘