دیئے ہوئے لفظ پر شاعری۔۔

[شمشاد]

آئے کچھ ابر، کچھ شراب آئے
اس کے بعد آئے جو عذاب آئے

فیض

اگلا لفظ " عذاب

 

[محمد وارث]

عذاب یہ بھی کسی اور پر نہیں آیا
کہ ایک عمر چلے اور گھر نہیں آیا

افتخار عارف

اگلا لفظ: گھر

 

[فرحت کیانی]

تمام عمر چلتی رہی پھر بھی طے نہ ہوا!!!!!
وہ راستہ جو مرے گھر سے ترے گھر کا تھا

پروین شاکر

"عمر"

 

[محمد وارث]

عمر بھر دیکھا کیے مرنے کی راہ
مر گیے پر دیکھیے دکھلائیں کیا

غالب

راہ

 

[فرحت کیانی]

راہوں میں ہی ملے تھے ہم، راہیں نصیب بن گئیں
تُو بھی نہ اپنے گھر گیا، ہم بھی نہ اپنے گھر گئے۔

عدیم ہاشمی

"نصیب"

 

[محمد وارث]

جسے نصیب ہو روزِ سیاہ میرا سا
وہ شخص دن نہ کہے رات کو تو کیوں کر ہو

غالب

شخص

 

[فرحت کیانی]

دنیا کے ہر فریب سے ملوا دیا مجھے
وہ شخص اپنی ذات میں اک کائنات تھا

"دنیا"

 

[محمد وارث]

میں نے سمجھا تھا کہ تو ہے تو درخشاں ہے حیات
تیرا غم ہے تو غمِ دہر کا جھگڑا کیا ہے

تیری صورت سے ہے عالم میں بہاروں کو ثبات
تیری آنکھوں کے سوا دنیا میں رکھا کیا ہے

فیض

صورت

 

[فرحت کیانی]

جس کو دیکھا گلاب کی صورت
جی رہا تھا عذاب کی صورت
مجھ کو پڑھ کر وہ بھول بیٹھا ہے
اک پرانی کتاب کی صورت

"کتاب"

 

[شمشاد]

عشق کی سب نئی کتابوں میں
دیکھ اب اپنا تذکرہ بھی ہے

خاک میں اس طرح میں کیوں ملتا
اس میں شامل تری رضا بھی ہے

احمد فواد


اگلا لفظ " خاک "

 

[الف عین]

سب کہاں کچھ لالہ و گل میں نمایاں ہو گئیں
خاک میں کیا صورتیں ہوںگی کہ پنہاں ہو گئیں
غالب اور کون۔۔۔
لالہ و گل۔ ایک بھی چلے گا۔ لالہ یا گُل

 

[محمد وارث]

ہے رنگِ لالہ و گل و نسریں جدا جدا
ہر رنگ میں بہار کا اثبات چاہیے

غالب

بہار

 

[شمشاد]

ہر کفِ خاک جگر تشنۂ صد رنگِ ظہور
غنچے کے میکدے میں مستِ تامل ہے بہار

غالب

اگلا لفظ " خاک"

 

[عمر سیف]

ہم نے مانا کہ تغافل نہ کرو گے لیکن
خاک ہو جائیں کے ہم تم کو خبر ہونے تک

اب خبر ۔۔

 

[محمد وارث]

تھی خبر گرم کہ غالب کے اُڑیں گے پرزے
دیکھنے ہم بھی گئے تھے پہ تماشا نہ ہوا

تماشا

 

[الف عین]

جلوہ سے ڈال دیا چشمِ تماشا پہ نقاب
یہ نئی وضع ہے ظالم ترے شرما نے کی
بیان میرٹھی

شرم، شرمانا

 

[محمد وارث]

دونوں جہان دے کے وہ سمجھے یہ خوش رہا
یاں آ پڑی یہ شرم کہ تکرار کیا کریں

غالب

تکرار

 

[عمر سیف]

دونوں جہاں دے کے وہ سمجھے یہ خوش رہا
یاں آ پڑی یہ شرم کہ تکرار کیا کریں

اب شرم

 

[سارہ خان]

مجھے ٹھیک سے یاد نہیں ہوسکتا ہے کوئی غلطی ہو ۔۔ اس کے غالب سے معذرت ۔۔۔

کعبہ کس منہ سے جاؤگے غالب
شرم تم کو مگر نہیں آتی

اب منہ

 

[عمر سیف]

ان کے آنے سے جو آجاتی ہے منہ پر رونق
وہ سمجھتے ہیں کہ بیمار کا حال اچھا ہے
اب
بیمار