دیئے ہوئے لفظ پر شاعری۔۔

[ظفری]

میں اور التجائے کرم آپ سے کروں
یہ بھیک دیجیئے اُسےجس کا خدا نہ ہو​

خدا

 

[شمشاد]

بہت زبردست شعر لکھا ہے ظفری بھائی آپ نے۔ مزہ آیا پڑھ کے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

میں انتظار کروں گا تیرا قیامت تک
خدا کرئے کہ قیامت ہو اور تُو آئے

“ قیامت “

 

[ظفری]

شکریہ شمشاد بھائی ۔۔۔۔
----------------------------------------
ہوتا تھا اُن کے ایک تبسُم روز قتل
بے ساختہ ہنسے تو قیامت آگئی

“ قتل “

 

[شمشاد]

قتل حسین اصل میں‌ مرگِ یزید ہے
اسلام زندہ ہوتا ہے ہر کربلا کے بعد

“ زندہ - زندگی “

 

[ظفری]

میں ہر غم سے اُلجھتا جارہا ہوں اس توقع پر
کوئی ان میں سے شاید زندگی کو راس آ جائے​

 

[ظفری]

اب زندہ پر بھی ایک شعر
-----------------------------------------
تم سے بچھڑ کر زندہ ہیں
جان بہت شرمندہ ہیں

“ شرمندہ “

 

[الف عین]

کیسے پل ہیں کہ وہ ہے شرمندہ
اور کچھ بد حواس ہم بھی ہیں

ہم بھی

 

[شمشاد]

یہ کیا اعجاز بھائی دو الفاظ اکٹھے دے دیئے؟

“ ہم “ سے تو شعر دے دیتا ہوں،

ہم ہیں متاعِ کوچہ و بازار کی طرح
پڑی ہے ہر نگاہ خریدار کی طرح

“ نگاہ “

 

[ڈاکٹر عباس]

دل سے تیری نگاہ جگر تک اتر گیی
دونوں کواک ادا میں رضامند کرگیی


رضا

 

[سارہ خان]

خودی کو کر بلند اتنا کہ ہر تقدیر سے پہلے
خدا بندے سے خود پوچھے بتا تیری رضا کیا ہے

اگلا لفظ۔۔۔ تقدیر

 

[شمشاد]

تقدیر کے قاضی کا یہ فتویٰ ہے ازل سے
ہے جرمِ ضعیفی کی سزا مرگِ مفاجات

“ جرم “

 

[الف عین]

یہ جرم ہے تو مجھے سخت حکمِ شاہی دے
مری وفا کی مجھے عمر بھر سزا ہی دے
جرم کے بعد اب سزا ہی ہونا چاہئے۔
سزا

 

[شمشاد]

سزا کا حال سنائیں جزا کی بات کریں
خدا ملا ہو جنہیں وہ خدا کی بات کریں
(ساحر لدھیانوی)

چلیں پھر جرم و سزا کے بعد اب “ جزا “

 

[ڈاکٹر عباس]

جس کا عمل ھو بے غرض،اس کی جزا کچھ اور ھے
حور و خیام سے گزر، بادہ و جام سے گزر​

سوری کہ میں لفظ دینا بھول گیا
شمشاد صاحب آپ کا شکریہ کہ آپ نے لفظ بھی دیا اور شعر بھی

 

[شمشاد]

آپ نے اپنے شعر میں سے ایسا کوئی لفظ نہیں دیا جس پر آنے والا رکن شعر دے۔

 

[شمشاد]

عمل سے زندگی بنتی ہے جنت بھی جہنم بھی
یہ خاکی اپنی فطرت سے نہ نوری ہے نہ ناری

اگلا لفظ “ زندگی “

 

[ڈاکٹر عباس]

تو میری زندگی ہے مگر جانِ من
اب وہ عشق و محبت کی رسمیں نہیں

عشق

 

[سارہ خان]

مکتبِ عشق کا دستور نرالا نکلا
اُس کو چھٹی نہ مِلی جس نے سبق یاد کیا

اگلا لفظ ۔۔۔ دستور۔۔۔

 

[شمشاد]

کون سے وادی میں‌ ہے، کون سی منزل میں ہے
عشق بلا خیز کا قافلہ سخت جاں

‘ منزل ‘

 

[شمشاد]

میرے خط سے پہلے آپ کا خط آ گیا، اب آپ ہی کے دیئے ہوئے لفظ پر :

دستور عبادت کا دنیا سے نرالا ہو
اک ہاتھ میں مالا ہو اک ہاتھ میں پیالہ ہو

پوجیں گے سلیقے سے انداز مگر اپنا
ہو یادِ خدا دل میں ساقی نے سنبھالا ہو

“ عبادت “