دیئے ہوئے لفظ پر شاعری۔۔

[ڈاکٹر عباس]

مکتبِ عشق کا دستور نرالا نکلا
اُس کو چھٹی نہ مِلی جس نے سبق یاد کیا

اگلا لفظ ۔۔۔ دستور۔۔۔

سارا بی بی ھم نے تو پہلا مصرعہ یوں پڑھا تھا
مکتبِ عشق کا دستور نرالا دیکھا

 

[شمشاد]

مکتبِ عشق کا دستور نرالا نکلا
اُس کو چھٹی نہ مِلی جس نے سبق یاد کیا

اگلا لفظ ۔۔۔ دستور۔۔۔

سارا بی بی ھم نے تو پہلا مصرعہ یوں پڑھا تھا
مکتبِ عشق کا دستور نرالا دیکھا

آپ کی بات صحیح، لیکن آگے بھی تو لکھنا تھا کہ کھیل جاری رہ سکے۔

“ عبادت “ پر شعر آپ دیں گے کہ میں ہی دے دوں۔

 

[ڈاکٹر عباس]

آپ ھی ارشاد فرمائیں

 

[الف عین]

یں ارشاد فرما دیتا ہوں
عبادت چشم شاعر کی ہے ہر دم با وضو رہنا
بنائیں کیا سمجھ کر شاخ گل پر آشیاں اپنا

شاخ

 

[شمشاد]

عبادت کرتے ہیں جو لوگ جنت کی تمنا میں
عبادت تو نہیں ہے اک طرح کی وہ تجارت ہے

“ جنت “

 

[شمشاد]

وہ پھر رہے ہیں زخم بہ پا آج دشت دشت
قدموں میں جن کے شاخ گل تر جھکي رہي

“ زخم “

 

[سارہ خان]

نظر میں زخمِ تبسّم چھپا چھپا کے مِلا
خفا تو تھا وہ مگر مجھ سے مُسکرا کے مِلا
میں زخم زخم بدن لے کے چل دیا *محسن*
وہ جب بھی اپنی قبا پر کنول سجا کے مِلا


اگلا لفظ ۔۔۔ خفا

 

[ڈاکٹر عباس]

خفا نہ ھو کہ تیرا حسن ھی کچھ ایسا تھا
میں تجھ سے پیار نہ کرتا تو اور کیا کرتا

حسن

 

[شمشاد]

حسن کو بے حجاب ہونا تھا
شوق کو کامیاب ہونا تھا
ہجر میں کیفِ اضطراب نہ پوچھ
خونِ دل بھی شراب ہونا تھا

“ ہجر “

 

[الف عین]

تھے شبِ ہجر، کام اور بہت
ہم نے فکرِ دلِ تباہ نہ کی
(فیض یا مجاز؟ دیھنا پڑے گا

کام

 

[شمشاد]

تم نے یہ کیا ستم کیا ضبط سے کام لے لیا
ترکِ وفا کے بعد بھی میرا سلام لے لیا
(شکیل بدایونی)

“ ستم “

 

[حجاب]

کرم کرو یا ستم کرو ہم گلہ نہیں کرتے
خزاں میں پھول یقیناً کِھلا نہیں کرتے
ملا دو خاک میں ہم کو مگر خیال رہے
ہم جیسے لوگ دوبارہ ملا نہیں کرتے

خزاں​

 

[شمشاد]

خزاں کے رنگ میں ابھی بہار باقی ہے
چراغِ سحر ہے پر انتظار باقی ہے

“ چراغ “

 

[ظفری]

شبِ انتظار کی کشمکش یہ نہ پُوچھ سحر کیسے ہوئی
کبھی ایک چراغ جلا دیا ، کبھی ایک چراغ بُجھا دیا


“ کشمکش “

 

[شمشاد]

جاتی ہے کوئی؟ کشمکش اندوہِ عشق کی
دل بھی اگر گیا، تو وُہی دل کا درد تھا

“ درد “

(ظفری بھائی اتنے مشکل الفاظ نہ دیں)

 

[ظفری]

شمشاد بھائی ! ۔۔ مجھے معلوم تھا کہ آپ یہاں ہیں ناں ۔
-----------------------------------------------------------------------------------------------
درد اپناتا ہے پرائے کون
کون سُنے گا اور سنائے کون

پرایا

 

[تیشہ]

کہنے والے کہتے ہیں
غیر کب اپنے ہوتے ہیں
کہنے والوں کو کہنے دو !
میں نے تو یہ جانا ہے

پرائے ہی اپنے ہوتے ہیں ،


غیر ،

 

[الف عین]

مانا کہ تم کو غیر سے جو رسم و راہ ہو
ہم کو بھی پوچھتے رہو تو کیا گناہ ہو

گناہ

 

[ظفری]

کام مرضی کے اپنےخلاف میں نے کیا
گناہ اُس نے کیا ، اعتراف میں نے کیا

“ خلاف “

 

[الف عین]

ضرورت ہے، ضرورت سے ہر اک مجبور ہوتا ہے
خلافِ مصلحت ہے گو خلافِ راہبر جانا
مجبور