دیئے ہوئے لفظ پر شاعری۔۔

[الف عین]

جب سے دیکھا ہے ترے ہاتھ کا چاند
میں نے دیکھا ہی نہیں رات کا چاند
ناصر
رات

 

[ظفری]

رات پھیلی ہے ترے سرمئی آنچل کی طرح
چاند بھی نکلا ہے ڈھونڈنے تجھے پاگل کی طرح


پاگل

 

[الف عین]

ترے ملنے کو بے کل ہو گئے ہیں
مگر یہ لوگ پاگل ہو گئے ہیں

بے کل، بے کل اتساہی کا مقطع بھی چلے گا!!

 

[ظفری]

مسلسل بے کلی دل کو رہی ہے
مگر جینے کی صورت تو رہی ہے

صورت

 

[الف عین]

جوشِ جنوں میں درد کی طغیانیوں کے ساتھ
اشکوں میں ڈھل گئ تری صورت کبھی کبھی

اشک

 

[حجاب]

نہیں نگاہوں میں منزل تو جستجو ہی سہی
نہیں وصال میسّر تو آرزو ہی سہی ۔۔۔۔۔۔۔
نہ تن میں خون فراہم نہ اشک آنکھوں میں
نمازِ شوق تو واجب ہے بے وضو ہی سہی۔۔

ساون

 

[الف عین]

حجاب قاعدہ یہ ہے کہ دئے ہوئے شعر کا ہی کوئ لفظ چنا ہے۔ ساون تو تمھارے دونوں شعروں میں نہیں۔

 

[حجاب]

حجاب قاعدہ یہ ہے کہ دئے ہوئے شعر کا ہی کوئ لفظ چنا ہے۔ ساون تو تمھارے دونوں شعروں میں نہیں۔

معذرت اعجاز صاحب، خیال نہیں‌رہا کہ شعر میں سے ہی لفظ دینا ہے۔اب دے دیتی ہوں لفظ۔
وصال

 

[تیشہ]

شب وصل تھی ، چاندنی کا سماں تھا
بغل میں صنم تھا خدا مہرباں تھا ، ۔۔۔


مہرباں ‘

 

[الف عین]

مہرباں ہو کے بلا لو مجھے چاہو جس وقت
میں گیا وقت نہیں‌ہوں کہ پھر آ بھی نہ سکوں

وقت

 

[تیشہ]

وقت کے ساتھ عناصر بھی رہے سازش میں ،
جل گئے پیر کبھی دھوپ کبھی بارش میں ،



بارش ،۔۔

 

[الف عین]

بارشیں چھت پہ، کھلی جگہوں پہ ہوتی ہیں مگر
غم وہ ساون ہے جو ان کمروں کے اندر برسے
بشیر بدر

ساون

 

[تیشہ]

تیری محبت بھی ہے عجب خزاں کی طرح ۔۔
آنکھ برسی ہے تیرے نام پہ ساون کی طرح ۔ ۔


محبت ‘

 

[ڈاکٹر عباس]

کبھی دیکھی ہے پھولوںسے جدا ہوتے ھوئے خوشبو
محبت جس کے دل میں ہو وہ ہرجائی نھیں ہوتا۔

ھرجائی​

 

[الف عین]

تو ہے ہرجائ تو اپنا بھی یہی طور سہی
تو نہیں اور سہی اور سہی اور سہی

اب اس میں تو کوئ امم ہی نہیں۔ کیا دوں۔
چلو ’اپنا‘

 

[ڈاکٹر عباس]

غالب اپنا تو عقیدہ ھے بقولِ ناسخ
آپ بے بہرا ھے جو معتقدِ میر نہیں

معتقد​

 

[تیشہ]

اتنا مشکل لفظ مجھے تو اسکا مطلب بھی نہیں آتا ۔ کوئی آسان سا دے کوئی ۔

 

[الف عین]

جب تک نہ دیکھا تھا قدِیار کا عالم
میں معتقدِ فتنۂ محشر نہ ہوا تھا
(یہ شعر کس کا ہے اس وقت یاد نہیں آ رہا، کوئ بتا سکتا ہے؟)

 

[ڈاکٹر عباس]

استاد محترم لفظ عنایت نہیں ھوا۔

 

[تیشہ]

عنایت سی عنایت ہوگئی ہے
تمھیں مجھ سے محبت ہوگئی ہے
تیرا ملنا بھی قسمت میں لکھا تھا
جدا رہنا بھی قسمت ہوگئی ہے ۔



قسمت ،