زندگی

[شمشاد]

تو جو روٹھی میری پلکوں پہ نمی رہ جائے گی
زندگی بس نام ہی کی زندگی رہ جائے گی

 

[عمر سیف]

دشمنوں نے مجھ کو سمجھا اپنی اپنی سوچ تک
دوستوں نے اپنے اپنے ظرف تک پایا مجھے
میں تر و تازہ ہوں شاخِ زندگی پر دیکھ لے
حادثوں کی دھوپ تُو نے سُلگایا مجھے

 

[عمر سیف]

اسکے ہجر میں چپکے سے مر گئے ہم
تھی کمال وابستگی دل کو اس آدمی کے ساتھ
گر جیتے کچھ دن اور تو دکھاتے نبھا کر بھی
وہ زندگی کی بات تھی،گئی زندگی کے ساتھ

 

[شمشاد]

ہو چکا ختم عہدِ ہجر و وصال
زندگی میں مزا نہیں باقی
(فیض)

 

[عمر سیف]

کربلا کی خاک پر کیا آدمی سجدے میں ہے
موت رسوا ہو چکی ہے زندگی سجدے میں ہے

 

[شمشاد]

یہ نہیں کہتے کہ تجھ بن جی نہیں پائیں گے
ہاں ہماری زندگی میں اک کمی رہ جائے گی

 

[عمر سیف]

جنگ لڑنا پڑتی ہے اپنے زور بازو پر
زندگی کے میداں میں معجزے نہیں ہوتے

 

[شمشاد]

زندہ ہوں اسطرح کہ غمِ زندگی نہیں
جلتا ہوا دیا ہوں مگر روشنی نہیں
(بہزاد لکھنوی)

 

[عیشل]

اگر رہنا ہے گلشن میں تو اپنے آشیانے کی
کبھی تخریب بھی ہوگی،کبھی تعمیر بھی ہوگی
یہ ہم جانتے ہیں،زندگی اک خواب ہے افسر
مگر اس خواب کی آخر کوئی تعبیر بھی ہوگی

 

[شمشاد]

بتائیں کیا تمہیں گذری ہے زندگی کیسی
کہو سکون کی صورت تو وہ کبھو نہ رہی
(سرور عالم راز سرور)

 

[عیشل]

سوچوں کے افق پر بھی بسیرا تھا کسی کا
ہم یونہی بلندی پہ مکاں ڈھونڈنے آئے
لرزیدہ ہوں پتّے کی طرح زیست کی ٹہنی پر
اور تیز ہوا میرا پتا پوچھنے آئے

 

[شمشاد]

عیشل یہاں شعر میں لفظ “ زندگی“ دینا تھا۔

 

[شمشاد]

سرور کو خامشی ہی پیامِ حیات ہے
کچھ کہہ کے زندگی کو پشیماں نہ کیجئے
(سرور عالم راز سرور)

 

[عمر سیف]

تو ہے بے زار تو جا ہم نے بھی چھوڑا تجھ کو
زندگی ہم تجھے ٹوٹ کر چاہیں کب تک

 

[شمشاد]

بس یہی حسرت رہی ہر دم دلیلِ زندگی
جو ملے تجھ سے ملے جتنا ملے جیسا ملے
(سرور عالم راز سرور)

 

[فرحت کیانی]

زندگی پھیلی ہے جیسے اک پہیلی کی طرح
درد بھی لگتا ہے اب تو اک سہیلی کی طرح

 

[شمشاد]

تھی، مگر اتنی رائیگاں بھی نہ تھی
آج کچھ زندگی سے کھو بیٹھے

فیض احمد فیض

 

[فرحت کیانی]

یہ زندگی دھواں تھی کسی گیلی شاخ کا
سُلگی کچھ اس طرح ،میری آنکھوں کو نم کیا

 

[شمشاد]

زندگی کی راہوں میں رنج و غم کے میلے ہیں
بھیڑ ہے قیامت کی اور ہم اکیلے ہیں

 

[عمر سیف]

اُن کی یاد، اُن کی تمنا، اُن کے غم
کٹ رہی ہے زندگی آرام سے